MAY 6-12

NYƆŊMƆ WIEMƆ LƐ MLI JWETRII

1. “Omli Akawo La Yɛ Efɔŋfeelɔi Ahewɔ”

(Min. 10)

Efɔŋfeelɔi hãa wɔnaa nɔ (La 36:1-4; w17.04 10 kk. 4)

Kɛ́ wɔmli wo la yɛ “efɔŋfeelɔi” ahewɔ lɛ, wɔyeɔ wɔ diɛŋtsɛ wɔhe awui (La 37:1, 7, 8; w22.06 10 kk. 10)

Kɛ́ wɔhe Yehowa shiwoi lɛ wɔye lɛ, ehãa wɔnáa toiŋjɔlɛ (La 37:10, 11; w03 12/1 13 kk. 20)

Nyɛmi yoo ko ni ehao lɛ miikane adafitswaa yɛ efoŋ nɔ. Eena mɛi komɛi ni mli efu ni miifee demonstration, polisifonyo ko ni aahã lɛ braibi, asraafoi ni miitswara tui, nuu ko ni hiɛ tu yɛ he ko ni apaakiɔ tsɔji yɛ, mɛi komɛi ni miiloo nibii yɛ shwapoi amli, mɛi ni miifee basabasa kɛ mɛi komɛi ni miiye amɛmiibua mɛi yɛ he ko ni lɔre oshara eba yɛ ahe mfoniri yɛ efoŋ lɛ nɔ.

BI OHE AKƐ, ‘Ani mikɛ mijwɛŋmɔ yaa nibii fɔji ni abɔɔ he amaniɛ yɛ TV kɛ redio anɔ lɛ nɔ fe nine?’

2. Pɛimɔ Ŋmalɛi Lɛ Amli Jogbaŋŋ

(Min. 10)

La 36:6—Mɛni eeenyɛ efee akɛ lalatsɛ lɛ tsɔɔ be ni ekɛɛ Yehowa jalɛ lɛ tamɔ “gɔji wujiwuji [loo, “tamɔ Nyɔŋmɔ gɔji,” shn.]” lɛ? (mwbr24.05 1 kk. 4)

Your answer
Mɛɛ jwetrii oná yɛ otsi nɛɛ Biblia kanemɔ lɛ mli ni obaasumɔ ni owie he?

Your answer

3. Biblia Kanemɔ

(Min. 4) La 37:1-26 (th nikasemɔ 10)

KASEMƆ BƆ NI ASHIƐƆ JOGBAŊŊ

4. Kɛ́ Oyaaje Sanegbaa Shishi

(Min. 3) SHĨA FƐƐ SHĨA. (lmd nikasemɔ 1 oti 5)

5. Kɛ́ Oyaatsa Nɔ

(Min. 4) ODASE NI AYEƆ BE NI ANYIƐƐƐ SHIƐMƆ NƆ. Bi mɔ ko ni tsutsu ko lɛ esumɔɔɔ ni akɛ lɛ kaseɔ nii lɛ kɛji ebaasumɔ ni bianɛ lɛ okɛ lɛ akase Biblia lɛ. (lmd nikasemɔ 9 oti 4)

6. Wiemɔ

(Min. 5) ijwbv 45—Saneyitso: Mɛni Lala 37:4 Lɛ Tsɔɔ? (th nikasemɔ 13)

HII SHI AKƐ KRISTOFONYO

7. Ani Osaa Ohe Oto “Haomɔ Beiaŋ”?

(Min. 15) Sanegbaa.

Nyɛmimɛi ni yɔɔ je lɛŋ hei srɔtoi lɛ anibii ahiɛ ekpãtã, ni amɛwekumɛi kɛ amɛnanemɛi egboi yɛ adebɔɔ naa oshãrai kɛ oshãrai ni adesai hãa ebaa lɛ ahewɔ. (La 9:9, 10) Yɛ anɔkwale mli lɛ, wɔteŋ mɔ fɛɛ mɔ baanyɛ ekɛ shihilɛ ni tamɔ nakai nɔŋŋ akpe, no hewɔ lɛ esa akɛ wɔ fɛɛ wɔsaa wɔhe wɔto.

Ehe miihia ni wɔsaa niyenii kɛ nibii krokomɛi ni he hiaa lɛ wɔto oshãra,a shi mɛɛ nibii krokomɛi wɔbaanyɛ wɔfee koni no awa wɔ ni wɔnyɛ wɔdamɔ oshãra ko naa?

Saamɔ ojwɛŋmɔ: Hã ehi ojwɛŋmɔŋ akɛ oshãrai baanyɛ aba be fɛɛ be, hewɔ lɛ tsɔ hiɛ osusu nɔ ni obaafee kɛ́ eba lɛ nakai lɛ he. Kaahã heloonaa nibii ni oyɔɔ lɛ ahe hia bo fe nɔ fɛɛ nɔ. Ejaakɛ kɛ́ oshãra ba lɛ, no baawa bo ni ofee nibii ni baabaa bo diɛŋtsɛ kɛ mɛi krokomɛi awala yi, moŋ fe ni okɛ ojwɛŋmɔ baama bɔ ni obaafee obaa nibii ni oyɔɔ lɛ ayi, ni kɛ́ ofee nakai lɛ no baatsɔɔ akɛ ohiɛ kã shi. (1Mo 19:16; La 36:9) Agbɛnɛ hu, kɛ́ ohãaa nibii ni oyɔɔ lɛ ahe ahia bo fe nine lɛ, kɛ́ oshãra ko ba, ni onibii lɛ ahiɛ kpãtã lɛ, obaanyɛ odamɔ shihilɛ lɛ naa, ni ohaoŋ fe nine.—La 37:19
Feemɔ nibii ni baahã ohe Yehowa oye waa: Feemɔ nibii ni baahã ohe oye waa akɛ Yehowa miisumɔ ni ekwɛ bo, ni eyɛ hewalɛ ni ebaafee nakai hu. (La 37:18) Dani oshãra ko baaba po lɛ, be fɛɛ be lɛ, hã ehi ojwɛŋmɔŋ akɛ kɛ́ wɔnibii fɛɛ ahiɛ kpãtã ni wɔyi pɛ ná wala lɛ, Yehowa baatsɔɔ wɔ gbɛ ni ebaaye ebua wɔ hu.—Yer 45:5; La 37:23, 24

Kɛ́ wɔhe wɔye waa akɛ Yehowa baaye eshiwoi lɛ anɔ lɛ, no tsɔɔ akɛ wɔkɛ lɛ miifee ‘wɔteemɔhe yɛ haomɔ beiaŋ.’—La 37:39.

Mfonirii ni ato naa: Vidio ni ji, “Ani Osaa Ohe Oto Oshãra? lɛ mli mfonirii komɛi”. 1. Nyɛminuu ko miikane Biblia lɛ. 2. Tsunami ŋshɔkei. 3. Atatui. 4. Nu afua eba, ni mɛi komɛi tere amɛnibii kɛmiitsɔ nu lɛ mli.

Jiemɔ VIDIO ni ji, Ani Osaa Ohe Oto Oshãra? lɛ. No sɛɛ lɛ bi toibolɔi lɛ akɛ:

Mɛɛ gbɛ nɔ Yehowa yeɔ ebuaa wɔ kɛ́ oshãra ko ba?

Your answer
Mɛɛ nibii komɛi wɔbaanyɛ wɔfee kɛsaa wɔhe wɔto oshãra?

Your answer
Mɛni wɔbaanyɛ wɔfee kɛye wɔbua mɛi ni oshãra enina amɛ lɛ?

Your answer

8. Asafoŋ Biblia Nikasemɔ

(Min. 30) bt yitso 9 kk. 8-16

Naamuu (Min. 3) | Lala 57 Kɛ Sɔlemɔ

a Kwɛmɔ Awake! No. 5 2017, baafa 4-6