JULY 15-21

NYƆŊMƆ WIEMƆ LƐ MLI JWETRII

1. “Osuɔmɔ Ni Tsakeee Lɛ Hi Fe Wala”

(Min. 10)

Wekukpaa kpakpa ni baahi mɔ kɛ Nyɔŋmɔ teŋ lɛ hi fe wala (La 63:3; w01 10/15 15-16 kk. 17-18)

Kɛ́ wɔjwɛŋ bɔ ni Yehowa jieɔ suɔmɔ ni tsakeee kpo ehãa lɛ nɔ lɛ, wɔhiɛ baasɔ lɛ waa (La 63:6; w19.12 28 kk. 4; w15 10/15 22 kk. 7)

Kɛ́ wɔhiɛ sɔɔ bɔ ni Yehowa jieɔ suɔmɔ ni tsakeee kpo etsɔɔ wɔ lɛ, no baatsirɛ wɔ ni wɔjie eyi kɛ miishɛɛ (La 63:4, 5; w09 7/15 16 kk. 6)

Mfonirii ni ato naa: Nyɛmi yoo ko miikane Biblia lɛ. 1. Ekɛ nyɛmi yoo ko nyiɛ shiɛmɔ nɔ ni amɛná miishɛɛ. 2. Eehã sane hetoo yɛ asafoŋ kpee shishi.

NƆ KO NI ABAANYƐ AFEE YƐ WEKU JAMƆ MLI: Nyɛsusua gbɛi ni Yehowa etsɔ nɔ ejie suɔmɔ ni tsakeee kpo etsɔɔ nyɛ lɛ he.

2. Pɛimɔ Ŋmalɛi Lɛ Amli Jogbaŋŋ

(Min. 10)

La 64:3—Mɛɛ gbɛ nɔ ŋmalɛ nɛɛ yeɔ ebuaa wɔ ni wɔwie wiemɔi kpakpai? (w07 11/15 15 kk. 6)

Your answer
Mɛɛ jwetrii oná yɛ otsi nɛɛ Biblia kanemɔ lɛ mli ni obaasumɔ ni owie he?

Your answer

3. Biblia Kanemɔ

(Min. 4) La 63:1–64:10 (th nikasemɔ 12)

KASEMƆ BƆ NI ASHIƐƆ JOGBAŊŊ

4. Kɛ́ Oyaaje Sanegbaa Shishi

(Min. 2) SHĨA FƐƐ SHĨA. Esoro wiemɔ ni shĩatsɛ lɛ wieɔ. (lmd nikasemɔ 3 oti 4)

5. Kɛ́ Oyaaje Sanegbaa Shishi

(Min. 2) ODASE NI AYEƆ BE NI ANYIƐƐƐ SHIƐMƆ NƆ. Okɛ mɔ ko miigba sane, shi onáaa hegbɛ oye lɛ odase dani sanegbaa lɛ sɛɛ fo. (lmd nikasemɔ 2 oti 4)

6. Kɛ́ Oyaaje Sanegbaa Shishi

(Min. 3) MAŊ ODASEYELI. Hã mɔ lɛ atsɔɔ bo sane ni ebaanya he, ni okɛ lɛ ato gbɛjianɔ ni nyɛgba sane ekoŋŋ. (lmd nikasemɔ 1 oti 5)

7. Gbalamɔ Ohemɔkɛyeli Lɛ Mli

(Min. 4) Nɔkwɛmɔnɔ. ijwfq 51—Saneyitso: Mɛni Hewɔ Yehowa Odasefoi Kuɔ Amɛsɛɛ Amɛyaa Mɛi Ni Ekɛɛ Amɛ Pɛŋ Akɛ Amɛbɛ Amɛwiemɔ Lɛ He Miishɛɛ Lɛ Aŋɔɔ Ekoŋŋ Lɛ? (lmd nikasemɔ 4 oti 3)

HII SHI AKƐ KRISTOFONYO

8. Nibii Ni Wɔfeɔ Kɛtsɔɔ Akɛ Wɔsumɔɔ Nyɔŋmɔ

(Min. 15) Sanegbaa.

Yehowa ‘suɔmɔ ni tsakeee lɛ fa babaoo.’ (La 86:15) Hetuukɛhamɔ, anɔkwayeli, kɛ suɔmɔ ni mli wa ji nɔ ni hãa ajieɔ “suɔmɔ ni tsakeee” lɛ kpo. Yehowa jieɔ suɔmɔ kpo etsɔɔ adesai fɛɛ, shi ejieɔ “suɔmɔ ni tsakeee” kpo etsɔɔ etsuji pɛ, ejaakɛ naanyobɔɔ srɔto ko yɛ ekɛ amɛ teŋ. (La 33:18; 63:3; Yoh 3:16; Bɔf 14:17) Kɛ́ wɔfee nibii ni tsɔɔ akɛ wɔsumɔɔ Yehowa lɛ, no tsɔɔ akɛ wɔhiɛ sɔɔ esuɔmɔ ni tsakeee lɛ. Mɛni kɛ́ wɔfee lɛ no baatsɔɔ akɛ wɔsumɔɔ lɛ? Kɛ́ wɔye ekitãi lɛ anɔ; kitã ni kɛɔ akɛ ‘wɔfee mɛi kaselɔi’ lɛ fata he.—Mat 28:19; 1Yo 5:3.

Jiemɔ VIDIO ni ji, Jiemɔ Suɔmɔ Ni Sɛɛ Efooo Kpo Yɛ Shiɛmɔ Nitsumɔ Lɛ Mli lɛ. No sɛɛ lɛ bi toibolɔi lɛ akɛ:

Mɛɛ gbɛ nɔ suɔmɔ baatsirɛ wɔ ni wɔshiɛ sane kpakpa lɛ yɛ shihilɛi ni nyiɛ sɛɛ nɛɛ amli?

Vidio ni ji, “Jiemɔ Suɔmɔ Ni Sɛɛ Efooo Kpo Yɛ Shiɛmɔ Nitsumɔ Lɛ Mli” lɛ mli mfoniri ko. Gbekɛ lɛ papa ejɛ nitsumɔ eba ni ewɔ yɛ sɛi mli.

Be ni etɔ wɔ.

Your answer

Vidio ni ji, “Jiemɔ Suɔmɔ Ni Sɛɛ Efooo Kpo Yɛ Shiɛmɔ Nitsumɔ Lɛ Mli” lɛ mli mfoniri ko. Gbekɛ lɛ kɛ epapa etee shiɛmɔ ni shĩatsɛ lɛ mli efu epapa waa.

Be ni aate shi aawo wɔ.

Your answer

Vidio ni ji, “Jiemɔ Suɔmɔ Ni Sɛɛ Efooo Kpo Yɛ Shiɛmɔ Nitsumɔ Lɛ Mli” lɛ mli mfoniri ko. Gbekɛ lɛ mami kɛ enyɛmi yoo miishiɛ amɛmiihã mɔ ko ni tsuɔ nii yɛ shwapo ko mli.

Be ni wɔnyiɛɛɛ shiɛmɔ nɔ.

Your answer

9. Asafoŋ Biblia Nikasemɔ

(Min. 30) bt yitso 12 kk. 14-20