FEBRUARY 24–MARCH 2

NYƆŊMƆ WIEMƆ LƐ MLI JWETRII

1. Kɛ́ Ookase Nii Lɛ, Mɛni Hewɔ Esa Akɛ Okɛ Otsui Fɛɛ Awo Mli Lɛ?

(Min. 10)

No baatsɔɔ akɛ oyɛ anɔkwale lɛ he miishɛɛ waa (Abɛ 2:3, 4; w22.08 18 kk. 16)

Ebaahã okpɛ yiŋ kpakpai (Abɛ 2:5-7; w22.10 19 kk. 3-4)

Ebaahã ohemɔkɛyeli lɛ mli awa (Abɛ 2:11, 12; w16.09 23 kk. 2-3)

Israelnyo ko kɛ piŋkase miitsa tɛkplo ko mli.

BI OHE AKƐ, ‘Mɛni baawa mi ni mikafolɔ aŋkro nikasemɔ ni mifeɔ lɛ mli ni mifee lɛ jogbaŋŋ hu?’

2. Pɛimɔ Ŋmalɛi Lɛ Amli Jogbaŋŋ

(Min. 10)

Abɛ 2:7—Kɛ́ akɛɛ Yehowa ji “tsɛŋ kɛhã mɛi ni nyiɛɔ yɛ gbɛ ni ja nɔ” lɛ, te atsɔɔ tɛŋŋ? (it-1 1211 kk. 4)

Your answer
Mɛɛ jwetrii oná yɛ otsi nɛɛ Biblia kanemɔ lɛ mli ni obaasumɔ ni owie he?

Your answer

3. Biblia Kanemɔ

(Min. 4) Abɛ 2:1-22 (th nikasemɔ 12)

KASEMƆ BƆ NI ASHIƐƆ JOGBAŊŊ

4. Kɛ́ Oyaaje Sanegbaa Shishi

(Min. 4) SHĨA FƐƐ SHĨA. Tsɔɔmɔ mɔ lɛ bɔ ni ebaafee ena saji yɛ jw.org lɛ nɔ ni baawa gbalashihilɛ mli hefatalɔi. (lmd nikasemɔ 1 oti 3)

5. Kɛ́ Oyaatsa Nɔ

(Min. 3) ODASE NI AYEƆ BE NI ANYIƐƐƐ SHIƐMƆ NƆ. Nyɛsɛɛ be ni okɛ lɛ gba sane lɛ, ona akɛ enya sane ko he. Hã lɛ magazin ko ni wieɔ nakai sane lɛ he. (lmd nikasemɔ 9 oti 3)

6. Wiemɔ

(Min. 5) lmd saji krokomɛi A oti 8—Saneyitso: Esa Akɛ Nuu Lɛ Aye Yoo Lɛ Anɔkwa, Ni Yoo Lɛ Hu Aye Nuu Lɛ Anɔkwa. (th nikasemɔ 13)

HII SHI AKƐ KRISTOFONYO

7. Ani Obaasumɔ Ni Otao Jwetrii?

(Min. 15) Sanegbaa.

Oblahii kɛ oblayei, ani nyɛsumɔɔ ni nyɛtao jwetrii? Kɛ́ nakai ni lɛ, jwetri ko ni jara wa waa fe jwetrii fɛɛ yɛ Biblia lɛ mli—no ji, Nyɔŋmɔ he nilee! (Abɛ 2:4, 5) Kɛ́ okaneɔ Biblia lɛ daa ni opɛiɔ saji ni yɔɔ mli lɛ amli jogbaŋŋ lɛ, obaaná jwetri nɛɛ. Kɛ́ ofee nakai lɛ, obaaná miishɛɛ waa, ni obaakase nii babaoo!

Mɛɛ saji nɛkɛ obaanyɛ obi ohe be ni okaneɔ Biblia lɛ? (w24.02 32 kk. 2-3)

Your answer
Mɛɛ dɛŋdadei baanyɛ aye abua bo ni ona hetoo lɛ?

Your answer

Oblanyo fioo ko esaa ehe tamɔ mɔ ko ni taoɔ jwetrii, ni egbele adeka ko ni jwetrii yɛ mli ni ená miishɛɛ.

Vidioi srɔtoi ni atsɛɔ amɛ Kasemɔ Yehowa Nanemɛi Lɛ baanyɛ aye abua bo ni ole bɔ ni obaafee ojwɛŋ nɔ ni okaneɔ yɛ Biblia lɛ mli lɛ nɔ.

Nyɛmi nuu oblanyo fioo ko miifee aŋkro nikasemɔ. Broshuɔ ni ji “Was Life Created?” lɛ kã ekpɔlɔ lɛ nɔ.

Jiemɔ VIDIO nɛɛ: Kasemɔ Yehowa Nanemɛi Lɛ—Habel.

Kanemɔ 1 Mose 4:2-4 kɛ Hebribii 11:4. No sɛɛ lɛ bi toibolɔi lɛ akɛ:

Mɛni Habel fee kɛtsɔɔ akɛ Yehowa naanyo ji lɛ?

Your answer
Mɛni Habel fee koni ehe Yehowa eye waa?

Your answer
Mɛni obaanyɛ ofee koni ohe Yehowa oye waa?

Your answer

8. Asafoŋ Biblia Nikasemɔ

(Min. 30) bt yitso 23 kk. 1-8 kɛ fã 8 hiɛkpamɔ lɛ