OCTOBER 20-26

JAJELƆ 9-10

Lala 30 Kɛ Sɔlemɔ | Hiɛkpamɔ (Min. 1)

NYƆŊMƆ WIEMƆ LƐ MLI JWETRII

1. Ná Susumɔ Ni Ja Yɛ Onaagbai Lɛ Ahe

(Min. 10)

Wɔle akɛ kɛ́ wɔkɛ naagbai miikpe lɛ no etsɔɔɔ akɛ Yehowa bɛ wɔhe miishɛɛ (Jaj 9:11; w13 8/15 14 kk. 20-21)

Wɔle akɛ wɔkɛ saji fɔji baakpe yɛ Satan jeŋ fɔŋ nɛɛ mli (Jaj 10:7; w19.09 5 kk. 10)

Kɛ́ wɔkɛ naagbai miikpe po lɛ, esa akɛ wɔye nibii kpakpai ni Yehowa kɛdro wɔ lɛ mli ŋɔɔmɔ (Jaj 9:7, 10; w11 10/15 8 kk. 1-2)

Yoo ko damɔ kpoku ko nɔ yɛ ŋshɔnaa ni eekwɛ ŋwɛi.

2. Pɛimɔ Ŋmalɛi Lɛ Amli Jogbaŋŋ

(Min. 10)

Jaj 10:12-14—Mɛɛ kɔkɔ ŋmalɛ nɛɛ bɔɔ wɔ yɛ mɛi ahe wiemɔ he? (lv 137 kk. 11-12)

Your answer
Mɛɛ jwetrii oná yɛ otsi nɛɛ Biblia kanemɔ lɛ mli ni obaasumɔ ni owie he?

Your answer

3. Biblia Kanemɔ

(Min. 4) Jaj 10:1-20 (th nikasemɔ 11)

KASEMƆ BƆ NI ASHIƐƆ JOGBAŊŊ

4. Kɛ́ Oyaaje Sanegbaa Shishi

(Min. 3) MAŊ ODASEYELI. Okɛ mɔ ko ni bɛ miishɛɛ lɛ aje sanegbaa shishi. (lmd nikasemɔ 3 oti 4)

5. Kɛ́ Oyaaje Sanegbaa Shishi

(Min. 4) ODASE NI AYEƆ BE NI ANYIƐƐƐ SHIƐMƆ NƆ. Mɔ ko miiye ŋkɔmɔ yɛ bɔ ni nibii amli ewa lɛ he. Okɛ lɛ agba “Saji Ni Wɔbaanyɛ Wɔtsɔɔ Mɛi Kɛjɛ Biblia Lɛ Mli” lɛ ateŋ ekome he sane; eyɛ Suɔmɔ Mɛi broshuɔ lɛ saji krokomɛi A lɛ shishi. (lmd nikasemɔ 4 oti 4)

6. Kɛ́ Oofee Mɛi Kaselɔi

(Min. 5) lff nikasemɔ 17 emli oti, mɛni okase?, kɛ nɔ ni obaanyɛ ofee. (lmd nikasemɔ 12 oti 3)

HII SHI AKƐ KRISTOFONYO

Lala 47

7. Kɛ́ Sane Fɔŋ Nina Bo Lɛ Yehowa Baawa Bo

(Min. 15) Sanegbaa.

Wɔkɛ naagbai kpeɔ daa gbi. Shi bei komɛi lɛ, wɔkɛ naagbai ni naa wa kpeɔ trukaa ni amɛhosoɔ wɔ waa aahu akɛ wɔleee kɛji wɔbaanyɛ naa wɔdamɔ. Kɛ́ eba lɛ nakai lɛ, namɔ baanyɛ awa wɔ, ni mɛni wɔbaanyɛ wɔfee?

Ekɔɔɔ he eko bɔ ni naagbai lɛ baahoso wɔ lɛ, be fɛɛ be lɛ Yehowa ji ‘mɔ ni hãa wɔbei lɛ maa shi shiŋŋ.’ (Yes 33:6) Kɛ́ wɔkpɛlɛɔ nɔ akɛ jeee nɔ fɛɛ nɔ wɔbaanyɛ wɔfee lɛ, no baahã wɔkɛ wɔhiɛ afɔ̃ Yehowa nɔ. (Abɛ 11:2) Kɛ́ sane fɔŋ ko nina wɔ lɛ, esa akɛ wɔná be ni fa bɔ ni sa ni wɔkɛkpɛ yiŋ kpakpai, ni wɔkɛkwɛ wɔhe loo mɛi ni wɔsumɔɔ amɛsane lɛ, loo ni wɔkɛye awerɛho.—Jaj 4:6.

Akɛni Yehowa hãa ejálɔi lɛ yeɔ amɛbuaa amɛhe hewɔ lɛ, esa akɛ ohã aye abua bo loo obi ni aye abua bo. Kaimɔ akɛ onyɛmimɛi Kristofoi lɛ sumɔɔ osane waa, ni kɛ́ amɛye amɛbua bo lɛ ehãa amɛnáa miishɛɛ.

Kanemɔ 2 Korintobii 4:7-9. No sɛɛ lɛ bi toibolɔi lɛ akɛ:

Mɛni hewɔ esa akɛ wɔmia wɔhiɛ ni wɔya nɔ wɔsɔle, wɔya asafoŋ kpeei, loo wɔshiɛ kɛ́ amɛfeemɔ wa kɛhã wɔ po?

Your answer

Vidio ni ji, “Yehowa Yɛ Mɛi Ni Tsui Ekumɔ Lɛ Amasɛi” lɛ mli mfoniri ko. Nyɛminuu kɛ Nyɛmiyoo Septer miiye awerɛho yɛ amɛbi lɛ gbele lɛ hewɔ.

Jiemɔ VIDIO nɛɛ: Yehowa Yɛ Mɛi Ni Tsui Ekumɔ Lɛ Amasɛi. No sɛɛ lɛ bi toibolɔi lɛ akɛ:

Mɛni Yehowa fee kɛwa Nyɛminuu kɛ Nyɛmiyoo Septer?

Your answer
Mɛni amɛnyɛmimɛi Kristofoi lɛ fee kɛwa amɛ?

Your answer
Mɛni ekoŋŋ okase yɛ amɛsane lɛ mli?

Your answer

8. Asafoŋ Biblia Nikasemɔ

(Min. 30) lfb nikasemɔ 28, fã 6 hiɛkpamɔ kɛ nikasemɔ 29