“Miisumɔ”

1. Kristo jie suɔmɔ diɛŋtsɛ kpo

Beni eshi e-Tsɛ we lɛ

Ebahi mɛi ateŋ,

Etsɔɔ amɛ gbɛ;

Eshiɛ anɔkwale krɔŋŋ lɛ.

Eshɛje mɛi amii jogbaŋŋ,

Etsa helai srɔtoi fɛɛ kwa.

Etsu enitsumɔ lɛ egbe naa,

Ekɛ suɔmɔ kɛɛ: “Miisumɔ.”

2. Yehowa ewa wɔ jogbaŋŋ,

Eha wɔ tsulɔ nilelɔ,

Wɔkɛ lɛ sɔmɔɔ daa

Kɛ wɔnyɛmɔ fɛɛ,

Wɔwaa kɛbaa humii ayi.

Kɛ́ wɔsumɔ amɛ yɛ tsuiŋ,

Amɛbaana suɔmɔ nɛɛ faŋŋ.

Kɛ́ okulafoi, awusai bio nii,

Kɛɛmɔ nɔŋŋ akɛ: “Miisumɔ.”