Nyɛyaa Hiɛ, Nyɛ Maŋtsɛyeli lɛ He Sɔɔlɔi!

1. Nyɛjajea Maŋtsɛyeli lɛ daa

Nyɛhaa shikpɔŋ nɔ bii fɛɛ.

Wɔkɛ tsuiŋ suɔmɔ kɛha gbɔmɛi

Awa humii kɛkpɛ yiŋ.

Nyɔŋmɔ sɔɔmɔ ji hegbɛ krɛdɛɛ;

Wɔkɛ miishɛɛ shiɛɔ ewiemɔ.

Yaa nɔ oshiɛ waa yɛ he fɛɛ he;

Ye Nyɔŋmɔ gbɛi he odase.

2. Nyɔŋmɔ sɔɔlɔi yaa amɛhiɛ daa

Koni amɛná wala.

Wɔnyiɛɔ wɔ-Nuŋtsɔ lɛ sɛɛ kpaakpa

Kɛ tsuii ni etsɔ ehee.

Nyɔŋmɔ Maŋtsɛyeli he sane

He miihia gbɔmɛi yɛ jeŋ fɛɛ.

Wɔkɛ Yehowa hewalɛ shiɛɔ;

Wɔsheŋ nɔ ko nɔ ko gbeyei!

3. Shwɛɛnii kɛ tooi krokomɛi lɛ feɔ

Ekome kɛyaa hiɛ daa.

Oblahii, onukpai, hii kɛ yei,

Nyiɛɔ yɛ anɔkwale lɛŋ.

Wɔsɔɔmɔ lɛ yɛ krɔŋŋ kɛha wɔ;

Wɔbuŋ lɛ nɔ ko flɛflɛ kwraa.

Wɔbaaha wɔjeŋba he atse

Koni wɔsa Nyɔŋmɔ hiɛ daa.