Ohiɛ Akã Otsui He

1. Ohiɛ akã otsui he daa,

Ni okafee esha.

Nyɔŋmɔ naa tsuiŋ, jɛmɛ enaa

Mɔ ni oji diɛŋtsɛ.

Tsui lɛ sane wa bei komɛi,

Ni ebaanyɛ ekplaŋŋ.

Belɛ ojwɛŋmɔ ahi he,

Nyiɛmɔ Nyɔŋmɔ gbɛ nɔ.

2. Sɔlemɔ waa kɛsaa otsui

Kɛtao Nyɔŋmɔ sɛɛ gbɛ.

Daa lɛ shi ni ojie eyi;

Ha ele onaagbai.

Esa ni wɔbo nibii ní

Yehowa tsɔɔ wɔ toi.

Belɛ ná tsui ni feɔ toiboo,

Ni osa ehiɛ daa.

3. Kaajwɛŋ nibii gbohii ahe;

Jwɛŋmɔ nɔ ni ja he.

Ha Ŋmalɛi atsɔɔ otsui nii,

Ni oda yɛ mumɔŋ.

Yehowa sumɔɔ ewebii;

Anɔkwa sane ni.

Belɛ já lɛ kɛ otsui fɛɛ

Akɛ enaanyo daa.