Hiɛmɔ Mli Kɛyawula Shi

1. Nyɔŋmɔ Wiemɔ lɛ mli shiwoi

Haa wɔfiɔ shi jogbaŋŋ.

Nibii fɛɛ ni okase lɛ

Ji anɔkwale diɛŋtsɛ.

Fi shi yɛ anɔkwale lɛŋ,

Jwɛŋmɔ Nyɔŋmɔ gbi lɛ he.

Kaaŋmɛɛ onɔkwayeli he;

Kai baajaje bo jogbaŋŋ.

2. Hiɛmɔ oklɛŋklɛŋ suɔmɔ lɛŋ

Koni ekagbo kwraa.

Yɛ kai fɛɛ mli lɛ, fi shi shiŋŋ,

Wala jio, gbele ni jio.

Kai fɛɛ ni baaba onɔ lɛ,

Kaaha oyiŋ futu bo.

Yehowa baaha otsɔ mli,

Nyɔŋmɔ kɛ wɔ baahi shi.

3. Mɛi ni fiɔ shi kɛwulaa shi,

Baaná naanɔ wala.

Nyɔŋmɔ eŋma amɛgbɛi faŋŋ

Yɛ wala wolo lɛ mli.

Hewɔ, fi shi yɛ nii fɛɛ mli;

Hiɛmɔ mli kɛwula shi.

Obaaná Nyɔŋmɔ hiɛ d’romɔ;

Obaaná miishɛɛ naakpa.