Lala 134
Feemɔ Ohe Mfoniri akɛ Oyɛ Jeŋ Hee lɛ Mli
1. Feemɔ ohe mfoniri
Akɛ oyɛ jeŋ hee ni baaba lɛŋ.
Kwɛ bɔ ni jɛi baaŋɔɔ jogbaŋŋ,
Toiŋjɔlɛ pii baakuma wɔ daa.
Mɔ fɔŋ ko kwraa ehiŋ jɛmɛ;
Nyɔŋmɔ Nɔyeli baatsu he nii.
Shikpɔŋ baaná shishijee hee nakai beaŋ,
Wɔbaalá yijiemɔ lala kɛjɛ wɔtsuiŋ:
(NƆHEREMƆ)
“Yehowa Nyɔŋmɔ, oye omanye!
Maŋtsɛ Kristo efee nii fɛɛ ehee.
Lala nɛɛ tsɔɔ akɛ wɔtsui enyɔ wɔmli;
Osa anunyam, agbojee kɛ yijiemɔ.”
2. Feemɔ wɔhe mfoniri
Akɛ wɔ fɛɛ kwa wɔyɛ jeŋ hee lɛŋ.
Wɔnaŋ nɔ ko, wɔnuŋ nɔ ko
Ni baaha gbeyei amɔmɔ wɔ.
Ewiemɔi fɛɛ eba mli pɛ;
Eshi ebuu yɛ gbɔmɛi anɔ.
Ebaatsĩɛ mɛi ni ewɔ yɛ gbeleŋ lɛ;
Wɔ kɛ amɛ fɛɛ baajie hiɛsɔɔ kpo akɛ:
(NƆHEREMƆ)
“Yehowa Nyɔŋmɔ, oye omanye!
Maŋtsɛ Kristo efee nii fɛɛ ehee.
Lala nɛɛ tsɔɔ akɛ wɔtsui enyɔ wɔmli;
Osa anunyam, agbojee kɛ yijiemɔ.”
(Kwɛmɔ Lala 37:10, 11; Yes. 65:17; Yoh. 5:28; 2 Pet. 3:13 hu.)