Buu-Mɔɔ INTANƐT NƆ WOJIATOOHE
Buu-Mɔɔ
INTANƐT NƆ WOJIATOOHE
Ga
@
  • ɛ
  • ɔ
  • ɛ́
  • ɛ̃
  • ɔ̃
  • ã
  • ŋ
  • á
  • BIBLIA
  • WOJI
  • ASAFOŊ KPEEI
  • yc nikasemɔ 9 bf. 20-21
  • Yeremia Kpaaa Yehowa he Odaseyeli

Vidio ko bɛ kɛhã nɔ ni ohala nɛɛ.

Ofainɛ waa, be ni wɔtaoɔ wɔjie vidio lɛ, wɔná naagba ko.

  • Yeremia Kpaaa Yehowa he Odaseyeli
  • Tsɔɔmɔ Obii lɛ Anii
  • Saji Ni Tamɔ Enɛ
  • Yehowa Tsu Yeremia Ni Eyashiɛ
    Kasemɔ Nii Kɛjɛ Biblia Lɛ Mli
  • “Miŋɔ Miwiemɔi Lɛ Miwo Onaa”
    Nyɔŋmɔ Wiemɔ ni Ekɛha Wɔ Kɛtsɔ Yeremia Nɔ
  • “Minyɛɛɛ Dioo Mafee!”
    Nyɔŋmɔ Wiemɔ ni Ekɛha Wɔ Kɛtsɔ Yeremia Nɔ
  • “Kɛɛmɔ Amɛ Nɛkɛ Wiemɔi Nɛɛ”
    Nyɔŋmɔ Wiemɔ ni Ekɛha Wɔ Kɛtsɔ Yeremia Nɔ
Kwɛmɔ Ekrokomɛi Hu
Tsɔɔmɔ Obii lɛ Anii
yc nikasemɔ 9 bf. 20-21

NIKASEMƆ 9

Yeremia Kpaaa Yehowa he Odaseyeli

Mɛi ni mli efũ eku kɛbɔle Yeremia

Mɛni hewɔ mɛi lɛ amli efũ Yeremia lɛ?

Aajie Yeremia yɛ bu kwɔŋkwɔŋ ko ni mli eyi kɛ ŋmɔtɔ mli

Yehowa here Yeremia yiwala

Bei komɛi lɛ, mɛi yeɔ wɔhe fɛo loo amɛmli fuɔ wɔ kɛji akɛ wɔgba amɛ Yehowa he sane. Enɛ hewɔ lɛ, ekolɛ, efeŋ wɔ akɛ wɔgba mɛi Nyɔŋmɔ he sane dɔŋŋ. Ani onu he nakai pɛŋ?​— Biblia lɛ gbaa wɔ oblanyo ko ni sumɔɔ Yehowa shi shwɛ fioo ní ekpa Yehowa he odaseyeli lɛ he sane. Atsɛɔ oblanyo nɛɛ Yeremia. Ha wɔkase ehe nii.

Beni Yeremia ji oblanyo lɛ, Yehowa kɛɛ lɛ akɛ esa akɛ ebɔ mɛi lɛ kɔkɔ ni amɛkpa nibii gbohii ni amɛfeɔ lɛ. Enɛ feemɔ wa waa kɛha Yeremia, ni eshe gbeyei. Ekɛɛ Yehowa akɛ: ‘Mileee nɔ ni makɛɛ. Gbekɛ kɛkɛ ji mi.’ Shi Yehowa kɛɛ lɛ akɛ: ‘Kaashe gbeyei. Maye mabua bo.’

No hewɔ lɛ, Yeremia bɔi mɛi lɛ kɔkɔbɔɔ akɛ, kɛ́ amɛtsakeee lɛ, abaagbala amɛtoi. Te osusuɔ tɛŋŋ, ani mɛi lɛ bo Yeremia toi?​— Dabi. Amɛye ehe fɛo loo amɛmli fũ lɛ waa. Mɛi komɛi po ka akɛ amɛbaagbe lɛ! Te osusuɔ akɛ Yeremia nu he eha tɛŋŋ?​— Eshe gbeyei ni ewie akɛ: ‘Migbaŋ mɛi Yehowa he sane dɔŋŋ.’ Shi ani efee nakai lɛɛlɛŋ?​— Dabi, efeee nakai. Bɔ ni Yeremia sumɔɔ Yehowa waa hewɔ lɛ, enyɛɛɛ ekpa ehe odaseyeli. Ni akɛni ekpaaa Yehowa he odaseyeli hewɔ lɛ, Yehowa bu ehe.

Akɛ nɔkwɛmɔnɔ lɛ, be ko lɛ, hii fɔji komɛi shɛ Yeremia amɛwo bu kwɔŋkwɔŋ ko ni mli eyi kɛ ŋmɔtɔ lɛ mli. Enaaa nu enu, ni enaaa nii eye. Hii nɛɛ miitao ni amɛshi Yeremia amɛwo bu lɛ mli ni egbo. Shi Yehowa here eyiwala!

Mɛni okaseɔ kɛjɛɔ Yeremia nɔkwɛmɔnɔ lɛ mli?​— Eyɛ mli akɛ bei komɛi lɛ eshe gbeyei moŋ, shi ekpaaa Yehowa he odaseyeli. Kɛ́ ogba mɛi Yehowa he sane lɛ, ekolɛ amɛbaaye ohe fɛo loo amɛmli baafũ bo. Ekolɛ obaanu he akɛ ohiɛ eshwie shi loo obaashe gbeyei po. Shi kaakpa Yehowa he odaseyeli kɔkɔɔkɔ. Ebaaye ebua bo be fɛɛ be, taakɛ eye ebua Yeremia lɛ.

KANEMƆ YƐ OBIBLIA LƐ MLI

  • Yeremia 1:4-8; 20:7-9; 26:8-19, 24; 38:6-13

SANEBIMƆI:

  • Mɛni Yehowa kɛɛ Yeremia akɛ efee?

  • Mɛni hewɔ shwɛ fioo ni Yeremia akpa Yehowa he odaseyeli lɛ?

  • Mɛni Yehowa fee kɛwa Yeremia?

  • Mɛni okase kɛjɛ Yeremia nɔkwɛmɔnɔ lɛ mli

    Ga Woji (1980-2025)
    Shi Mli
    Botemɔ Mli
    • Ga
    • Kɛmaje
    • Bɔ Ni Misumɔɔ Lɛ Mihãa
    • Copyright © 2025 Watch Tower Bible and Tract Society of Pennsylvania
    • Mlai Ni Yɔɔ He
    • Ohe Saji
    • Ohe Saji Lɛ Ahe Gbɛjianɔtoo
    • JW.ORG
    • Botemɔ Mli
    Kɛmaje