Fã 13 Hiɛkpamɔ Wiemɔ

Yesu ba shikpɔŋ lɛ nɔ koni ebagbo ehã adesai ni yeee emuu. Eyɛ mli akɛ egbo moŋ, shi eye je lɛ nɔ kunim. Yehowa ye e-Bi lɛ anɔkwa, ni etee lɛ shi kɛba wala mli ekoŋŋ. Yɛ Yesu wala shihilɛ mli fɛɛ lɛ, eba ehe shi ni esɔmɔ mɛi. Kɛ́ mɛi tɔ̃ enɔ lɛ, ekɛkeɔ amɛ. Be ni atee Yesu shi lɛ, ejie ehe kpo etsɔɔ ekaselɔi lɛ. Etsɔɔ amɛ bɔ ni amɛtsu nitsumɔ ni he hiaa ni ekɛwo amɛdɛŋ lɛ amɛhã. Kɛ́ fɔlɔ ji bo lɛ, ye obua obi lɛ ni ena akɛ, wɔ hu wɔmiitsu nitsumɔ nɛɛ eko ŋmɛnɛ.