Yehowa Kwɛɔ Minɔ

1. Nyɔŋmɔ ji mɔ ni kwɛɔ minɔ;

Mahã enyiɛ mihiɛ daa.

Ele mihiamɔ nii fɛɛ jogbaŋŋ,

Kɛ nibii ni mitsui shweɔ.

Ekɛ mi yaa hei ni nu yɔɔ,

Hei ni maná jɔɔmɔ yɛ.

Ni ejɛɔ suɔmɔ mli enyiɛɔ mihiɛ

Yɛ toiŋjɔlɛ gbɛ nɔ daa.

Ejɛɔ suɔmɔ mli enyiɛɔ mihiɛ

Yɛ toiŋjɔlɛ gbɛ nɔ daa.

2. Nyɔŋmɔ, ogbɛi ja kɛmɔ shi,

Hã manyiɛ nɔ be fɛɛ be.

Ogbɛ́i hewɔ, kaahã midu gbɛ;

Hã maye bo anɔkwa.

Kɛ́ minaagbai hã mitsui fã,

Otso lɛ shɛjeɔ mimii,

Ni bo ji mi-Naanyo kɛ mi-Nyɔŋmɔ,

Hewɔ misheŋ gbeyei kwraa.

Bo ji mi-Naanyo kɛ mi-Nyɔŋmɔ,

Hewɔ misheŋ gbeyei kwraa.

3. Yehowa, bo ji mi-Kwɛlɔ;

Manyiɛ osɛɛ be fɛɛ be.

Ohewalɛ hãa mináa miishɛɛ

Kɛ mihiamɔ nibii fɛɛ.

Gbii abɔ ni ohiɛ kã nɛɛ,

Mahi oshĩa migbii fɛɛ,

Ni maná onɔkwa suɔmɔ he sɛɛ.

Ofainɛ, buu mihe daa.

Maná onɔkwa suɔmɔ he sɛɛ.

Ofainɛ, buu mihe daa.