Ye Anɔkwa Daa!

1. Ye wɔ-Nyɔŋmɔ anɔkwa daa!

Suɔmɔ lɛ kɛ otsui fɛɛ.

Okɛ ohe ahã lɛ kwraa,

Ni okase ekitãi.

Hã wɔbo eŋaawoo toi daa,

No hãŋ wɔnane atɛ.

Yehowa yeɔ wɔ anɔkwa.

Hã wɔhi emasɛi daa.

2. Ye nyɛmimɛi anɔkwa daa!

Wa amɛ yɛ haomɔ beiaŋ.

Ná suɔmɔ krɔŋŋ ohã amɛ,

Jiemɔ mlihilɛ kpo daa.

Ná bulɛ ohã nyɛmimɛi,

Okɛ woo ahã amɛ.

Ye nyɛmimɛi fɛɛ anɔkwa;

Hã wɔhi amɛmasɛi.

3. Ye nɔkwɛlɔi anɔkwa daa!

Bo amɛnitsɔɔmɔ toi.

Kɛ́ amɛhã wɔ gbɛtsɔɔmɔi,

Wɔjɛɔ wɔtsuiŋ wɔboɔ toi.

Wɔbaaná Nyɔŋmɔ hiɛ dromɔ,

Wɔkɛ ekãa pii baashiɛ.

Nyɛhãa wɔyea anɔkwa daa,

Ni Yehowa baajɔɔ wɔ.