“Mɛi Ni Naa Mɔbɔ Lɛ Yɛ Miishɛɛ”

1. Yehowa naa mɛi mɔbɔ waa;

Suɔmɔ hewɔ efeɔ enɛ.

Ni ekɛ miishɛɛ feɔ ejrɔ,

Ehãa wɔnáa wɔhiamɔ nii.

Ni kɛ́ mɔ fɔŋ tsake etsui,

Yehowa baana lɛ mɔbɔ.

Nyɔŋmɔ le akɛ sũ ji wɔ,

Enaa mɔbɔ ni emli hi.

2. Kɛ́ esha hã wɔtsui kumɔ,

Wɔbaanyɛ wɔbi eshaifaa.

Kɛ́ Nyɔŋmɔ baana wɔ mɔbɔ,

Ja wɔfee nɔ ni Yesu tsɔɔ.

Kɛ́ wɔkɛ mɛi atɔmɔi ke,

Nyɔŋmɔ kɛ wɔnɔ baake wɔ.

Hã wɔkɛ eshai ake kwraa,

Koni wɔtoiŋ ajɔ wɔ daa.

3. Nyɛhãa wɔfea mɛi fɛɛ ejrɔ,

Wɔwa amɛ yɛ fimɔ beiaŋ.

Suɔmɔ baahã wɔfee enɛ,

Shi jeee hiɛnyam taomɔ hewɔ.

Yehowa baato wɔ najiaŋ

Yɛ ejrɔ ni wɔfeɔ hewɔ.

Mɛi ni naa mɔbɔ yɛ miishɛɛ,

Nyɔŋmɔ hiɛ sɔɔ amɛ jogbaŋŋ.