AKRABATSA 16B
Kɛ̃ɛmɔ Kɛ Ŋkɔmɔyeli, Mɛi Akadimɔ, Nii Ajwaramɔ—Mɛɛ Be Kɛ Mɛɛ Gbɛ Nɔ?
Ninaa ni yɔɔ Ezekiel yitso 9 lɛ miiba mli yɛ wɔbei nɛɛ amli hu. Kɛ́ wɔná wɔle bɔ ni nibii baaya lɛ ahã lɛ, no baanyɛ aye abua wɔ ni wɔkɛ ekãa akpee je nɛɛ naagbee lɛ naa
‘Kɛ̃ɛmɔ kɛ ŋkɔmɔyeli’
MƐƐ BE: Yɛ naagbee gbii lɛ amli, dani amanehulu kpeteŋkpele lɛ baaje shishi
MƐƐ GBƐ NƆ: Mɛi ni hiɛ tsui kpakpa lɛ kɛ amɛwiemɔi kɛ amɛnifeemɔi tsɔɔ akɛ amɛsumɔɔɔ nibii fɔji ni afeɔ yɛ je nɛɛ mli lɛ. Mɛi nɛɛ boɔ sane kpakpa lɛ ni ashiɛɔ lɛ toi, amɛyaa nɔ amɛwoɔ subaŋ hee ni tamɔ Kristo nɔ lɛ, amɛhãa abaptisiɔ amɛ kɛfeɔ amɛhe nɔ ni amɛjɔɔ amɛhã Yehowa lɛ he okadi, ni amɛfiɔ Kristo nyɛmimɛi lɛ asɛɛ daa
‘Mɛi akadimɔ’
MƐƐ BE: Yɛ amanehulu kpeteŋkpele lɛ mli
MƐƐ GBƐ NƆ: Nuu ni woloŋmalɔ iŋki tɔ ŋmɔ ehɛ lɛ damɔ shi kɛhã Yesu Kristo be ni eba akɛ Kojolɔ ni baakojo jeŋmaji lɛ fɛɛ lɛ. Abaakojo loo abaakadi asafoku babaoo lɛ mli bii lɛ akɛ gwantɛŋi, ni tsɔɔ akɛ amɛbaafo Harmagedon
‘Nii ajwaramɔ’
MƐƐ BE: Yɛ Harmagedon
MƐƐ GBƐ NƆ: Yesu Kristo kɛ esraafoi ni yɔɔ ŋwɛi lɛ, ni ji ŋwɛibɔfoi lɛ kɛ mɛi 144,000 lɛ ni kɛ lɛ baaye nɔ lɛ, baakpãtã jeŋ fɔŋ nɛɛ hiɛ butuu ni amɛbaahere anɔkwa jálɔi lɛ ayiwala kɛya jalɛ jeŋ hee lɛ mli