AKRABATSA 21A
“Shikpɔŋ Krɔŋkrɔŋ Ni Nyɛbaafo Nyɛhã Yehowa Lɛ”
Nyɛhãa wɔfataa Ezekiel he be ni ekwɛɔ shikpɔŋ ni Yehowa hã afo afɔ̃ shi lɛ jogbaŋŋ lɛ. Shikpɔŋ lɛ yɛ hei enumɔ. Mɛni ji hei nɛɛ? Ni mɛni akɛ hei nɛɛ tsuɔ?
A. “Shikpɔŋ Krɔŋkrɔŋ Lɛ”
Eji he ko ni akɛhã mɛi ni kwɛɔ maŋ lɛ nɔ lɛ, ni ale lɛ akɛ shikpɔŋ ni ajɛɔ jɛmɛ atsuɔ maŋ lɛ saji ahe nii.
B. “Shikpɔŋ Krɔŋkrɔŋ Muu Lɛ Fɛɛ”
Afo afɔ̃ shi ahã osɔfoi lɛ kɛ Levibii lɛ kɛ maŋ lɛ. Agbɛnɛ hu, aŋkroaŋkroi ni jɛ wekui 12 lɛ fɛɛ amli lɛ baa biɛ amɛbajáa Yehowa, ni amɛbayeɔ amɛbuaa maŋ nɔkwɛmɔ gbɛjianɔtoo lɛ hu.
D. “Lumɔ Lɛ Shikpɔŋ Lɛ”
“Shikpɔŋ nɛɛ baatsɔ enɔ yɛ Israel.” “Ebaatsɔ lumɔ lɛ nɔ.”
E. “Shikpɔŋ Krɔŋkrɔŋ” Kɛhã Levibii Lɛ Kɛ Osɔfoi Lɛ
“Levibii lɛ” anɔ lɛ yɛ shikpɔŋ nɛɛ ŋwɛigbɛ. Eji “nɔ ko krɔŋkrɔŋ.” Eteŋgbɛ nɔ lɛ ji “shikpɔŋ krɔŋkrɔŋ kɛhã osɔfoi lɛ.” Eji “he ko ni amɛbaamamɔ amɛshĩai yɛ kɛ he ko krɔŋkrɔŋ kɛhã jamɔhe lɛ,” loo sɔlemɔ shĩa lɛ.
Ɛ. “Shikpɔŋ Ni Baashwɛ Lɛ”
“Ebaatsɔ Israel shĩa lɛ fɛɛ nɔ” ni “maŋ lɛ kɛbaatsu nitsumɔ fɛɛ nitsumɔ ni jeee krɔŋkrɔŋ, kɛ́ tsumaa jio, kooloi alɛɛhe jio.”