Bɔɔ Mɔdɛŋ Ni Oshɛ Tsui Lɛ He

Abɛi 3:1

NƆ NI ESA AKƐ OFEE: Wa otoibolɔi lɛ ni amɛna sɛɛnamɔ ni yɔɔ nɔ ni amɛkaseɔ lɛ he, ni amɛkɛtsu nii.

BƆ NI OBAAFEE LƐ OHÃ:

• Ye obua otoibolɔi lɛ ni amɛpɛi amɛmli. Bi amɛ saji ni baahã amɛpɛi susumɔi ni amɛhiɛ yɛ saji ahe lɛ mli.

• Hã amɛna akɛ oheɔ amɛ oyeɔ. Wo otoibolɔi lɛ hewalɛ ni amɛsusu nɔ hewɔ ni amɛfeɔ nibii kpakpai lɛ he. Hã amɛna akɛ, suɔmɔ kɛhã Yehowa, kɛ adesai, kɛ Biblia mli tsɔɔmɔi ji yiŋtoi ni fe fɛɛ ahewɔ ní esa akɛ amɛfee nibii kpakpai. Okɛ amɛ asusu nii ahe; okɛ amɛ akawie tamɔ nɔ ni onɔ kwɔ fe amɛ. Kɛ́ ogbe owiemɔ lɛ naa lɛ, esa akɛ amɛnu he akɛ owo amɛ hewalɛ koni amɛkɛ amɛnyɛmɔ fɛɛ asɔmɔ Yehowa, moŋ fe nɔ ni amɛbaanu he akɛ owo amɛ hiɛgbele.

• Gbalamɔ jwɛŋmɔ kɛya Yehowa nɔ. Hã otoibolɔi lɛ ana bɔ ni Biblia mli tsɔɔmɔi, shishitoo mlai, kɛ famɔi hãa wɔnaa Nyɔŋmɔ sui kɛ esuɔmɔ lɛ. Wa amɛ ni amɛjwɛŋ bɔ ni amɛnifeemɔi baasa Yehowa he ahã, kɛ bɔ ni amɛbaafee amɛsa ehiɛ lɛ he.