NIKASEMƆ 12
Mɛni Baawa Bo Ni Oya Nɔ Okase Biblia Lɛ?
Biblia lɛ kasemɔ tamɔ gbɛfãa ko ni sɛɛnamɔ yɔɔ he waa. Shi ekolɛ, bei komɛi lɛ, okɛ naagbai baakpe yɛ gbɛfãa nɛɛ mli. Kɛ́ okase Biblia lɛ kɛshɛ he ko lɛ, ekolɛ, obaabi ohe kɛji oya nɔ okase lo. Mɛni hewɔ esa jogbaŋŋ akɛ obaaya nɔ okase lɛ? Mɛni baawa bo ni oya nɔ okase, ekɔɔɔ he eko naagbai ni okɛbaakpe?
1. Mɛni hewɔ Biblia lɛ kasemɔ he yɔɔ sɛɛnamɔ waa lɛ?
“Nyɔŋmɔ wiemɔ lɛ hiɛ kã ni eyɛ hewalɛ.” (Hebribii 4:12) Biblia lɛ he yɛ sɛɛnamɔ waa, ejaakɛ ehãa onaa susumɔi ni Nyɔŋmɔ hiɛ yɛ ohe, kɛ bɔ ni enuɔ he ehãa yɛ ohe. Jeee nilee kɛkɛ ebaahã oná, shi ebaahã ohiɛ akã shi diɛŋtsɛ, ni oná hiɛnɔkamɔ hu. Ni nɔ ni he hiaa fe fɛɛ lɛ, Biblia lɛ baawa bo ni obatsɔ Yehowa naanyo. Kɛ́ okase Biblia lɛ, no tsɔɔ akɛ, oosumɔ ni ená onɔ hewalɛ, ni nibii ahi ahã bo.
2. Mɛni hewɔ ehe hiaa ni ona akɛ sɛɛnamɔi yɛ Biblia mli anɔkwalei lɛ ahe?
Biblia mli anɔkwalei lɛ tamɔ jwetrii ni jara wa waa. No hewɔ ni Biblia lɛ kɛɔ wɔ akɛ, “hemɔ anɔkwale, ni kaahɔ̃ɔ kɔkɔɔkɔ” lɛ. (Abɛi 23:23) Kɛ́ wɔhã sɛɛnamɔi ni yɔɔ Biblia mli anɔkwalei lɛ ahe lɛ hi wɔjwɛŋmɔ mli lɛ, wɔkɛ hiɛdɔɔ baaya nɔ akase, ekɔɔɔ he eko naagbai ni wɔkɛbaakpe.—Kanemɔ Abɛi 2:4, 5.
3. Mɛɛ gbɛ nɔ Yehowa baanyɛ awa bo ni oya nɔ okase Biblia lɛ?
Yehowa ji o-Bɔlɔ, ni ji ofe lɛ, kɛ o-Naanyo, no hewɔ lɛ, eesumɔ ni ewa bo ni okase ehe nii. Ebaanyɛ ehã ‘oshwe’ akɛ obaafee nakai, ni ebaahã bo ‘hewalɛ hu ni okɛfee.’ (Kanemɔ Filipibii 2:13.) No hewɔ lɛ, kɛ́ bei komɛi lɛ, ootao hewalɛ ni baahã oya nɔ okase nii lɛ, loo ni okɛ nɔ ni okaseɔ lɛ atsu nii lɛ, ebaanyɛ ewa bo. Kɛ́ aate shi aawo bo loo okɛ naagbai miikpe ni ootao hewalɛ ni baahã onyɛ otsu he nii lɛ, ebaanyɛ ehã bo. Yaa nɔ osɔle obi Yehowa ni ewa bo ni oya nɔ okase Biblia lɛ.—1 Tesalonikabii 5:17.
KASEMƆ PII OFATA HE
Obaana bɔ ni obaafee oya nɔ okase Biblia lɛ yɛ dekã ni ekolɛ obɛ, loo shi ni ateɔ awoɔ bo lɛ fɛɛ sɛɛ. Agbɛnɛ hu, obaana bɔ ni Yehowa baawa bo ni oya nɔ okase Biblia lɛ.
4. Hã Biblia lɛ ni okaseɔ lɛ afee nɔ ko ni he hiaa bo waa
Bei komɛi lɛ, ekolɛ, wɔbaanu he akɛ wɔbɛ dekã kwraa, ni no hewɔ lɛ, wɔnáŋ be ni fa kɛkase Biblia lɛ. Mɛni baawa wɔ? Nyɛkanea Filipibii 1:10 lɛ, ni nyɛsusua sanebimɔi nɛɛ ahe:
Mɛni ji nibii ni osusuɔ akɛ ‘amɛhe hiaa waa’ yɛ shihilɛ mli lɛ ekomɛi?
Te ooofee tɛŋŋ ohã Biblia lɛ ni okaseɔ lɛ afee nɔ ko ni he hiaa bo waa lɛ?
Kɛ́ okɛ shia wo goga mli ni obɔ mɔdɛŋ akɛ okɛ tɛi baafata he lɛ, tɛi lɛ fɛɛ eyaŋ mli
Kɛ́ okɛ tɛi lɛ wo mli klɛŋklɛŋ lɛ, no lɛ, gbɛ baahi mli bɔ ni obaanyɛ okɛ shia lɛ pii awo mli. Nakai nɔŋŋ kɛ́ okɛ “nibii ni he hiaa waa lɛ” ye klɛŋklɛŋ gbɛhe yɛ oshihilɛ mli lɛ, obaanyɛ otsu amɛhe nii, ni obaaná be kɛfee nibii krokomɛi hu
Biblia lɛ ni wɔkaseɔ lɛ tsɔɔ akɛ, wɔnuɔ he akɛ Nyɔŋmɔ he miihia wɔ, ni tsɔɔ akɛ, wɔmiisumɔ ni wɔle Nyɔŋmɔ ni wɔjá lɛ. Nyɛkanea Mateo 5:3 lɛ, ni nyɛsusua sanebimɔ nɛɛ he:
Mɛɛ sɛɛ wɔnáa kɛ́ wɔhã Biblia lɛ ni wɔkaseɔ lɛ fee nɔ ko ni he hiaa wɔ waa?
5. Yaa nɔ okase, kɛ́ aate shi aawo bo po
Bei komɛi lɛ, mɛi komɛi baakɛɛ bo ni okpa Biblia lɛ kasemɔ. Hã wɔsusu Francesco sane lɛ he wɔkwɛ. Jiemɔ VIDIO lɛ, ni nyɛsusua sanebimɔi ni nyiɛ sɛɛ nɛɛ ahe.
Be ni Francesco kɛɛ enanemɛi lɛ kɛ emami akɛ eekase Biblia lɛ, mɛni amɛfee?
Mɛɛ jɔɔmɔi ená yɛ Biblia lɛ ni etee nɔ ekase lɛ hewɔ?
Nyɛkanea 2 Timoteo 2:24, 25 lɛ, ni nyɛsusua sanebimɔi nɛɛ ahe:
Ani owekumɛi lɛ kɛ onanemɛi lɛ miisumɔ ni oya nɔ okase Biblia lɛ?
Kɛ́ mɔ ko sumɔɔɔ akɛ okaseɔ Biblia lɛ, mɛni ŋmalɛ ni wɔkane nɛɛ kɛɛ ofee? Mɛni hewɔ esa akɛ ofee nakai?
6. Hã Yehowa awa bo
Be ni naanyobɔɔ ni yɔɔ wɔ kɛ Yehowa teŋ lɛ mli waa lɛ, shwelɛ ni wɔyɔɔ akɛ wɔfee nibii ni esumɔɔ lɛ hu mli waa. Fɛɛ sɛɛ lɛ, bei komɛi lɛ, ebaawa ehã wɔ akɛ wɔbaatsake nibii komɛi ni wɔfeɔ lɛ koni wɔnyɛ wɔfee nibii ni esumɔɔ ni wɔfee lɛ. Kɛ́ onu he nakai lɛ, onijiaŋ akaje wui. Yehowa baawa bo. Jiemɔ VIDIO lɛ, ni nyɛsusua sanebimɔi ni nyiɛ sɛɛ nɛɛ ahe.
Mɛɛ tsakemɔi Jim fee yɛ eshihilɛ mli koni enyɛ efee nɔ ni Yehowa sumɔɔ?
Mɛni osumɔɔ waa yɛ esane lɛ mli?
Nyɛkanea Hebribii 11:6 lɛ, ni nyɛsusua sanebimɔi nɛɛ ahe:
Mɛni Yehowa baafee ehã mɛi “ni kɛ hiɛdɔɔ taoɔ esɛɛ gbɛ lɛ”—mɛi ni bɔɔ mɔdɛŋ waa koni amɛle lɛ ni amɛfee nɔ ni esumɔɔ lɛ?
Yɛ nɔ ni awie yɛ ŋmalɛ nɛɛ mli lɛ hewɔ lɛ, kɛ́ obɔ mɔdɛŋ okase Biblia lɛ, te Yehowa baanu he ehã tɛŋŋ?
EKOLƐ MƆ KO BAABI BO AKƐ: “Mɛni hewɔ okaseɔ Biblia lɛ?”
Mɛni obaakɛɛ lɛ?
EMLI OTI
Eyɛ mli akɛ jeee be fɛɛ be nibii baaya lɛ jogbaŋŋ moŋ, shi Biblia lɛ ni okaseɔ lɛ baanyɛ awa bo ni ohi shi kɛya naanɔ. Yaa nɔ ohã Yehowa awa bo, ni ebaajɔɔ bo.
Mɛni Okase?
Mɛni hewɔ Biblia mli anɔkwalei lɛ ahe hiaa bo waa lɛ?
Te ooofee tɛŋŋ ‘oka okwɛ ni ona nibii ni he hiaa waa lɛ’?
Mɛni hewɔ esa akɛ obi Yehowa ni ewa bo koni oya nɔ okase Biblia lɛ?
EHE SAJI KROKOMƐI
Obaana gbɛi srɔtoi ejwɛ ni ewa mɛi pii koni amɛkɛ amɛbe atsu nii jogbaŋŋ.
“Nibii Ni Baawa Bo Ni Okɛ Obe Atsu Nii Jogbaŋŋ”(Awake!, February 2014)
Obaana bɔ ni Yehowa wa yoo ko ni miibɔ mɔdɛŋ ni efee nɔ ni Nyɔŋmɔ sumɔɔ, shi ewu nuuu lɛ shishi.
Obaana bɔ ni nuu ko ná Biblia lɛ ni eŋa tee nɔ ekase lɛ he sɛɛ.
Mɛi komɛi kɛɔ akɛ Yehowa Odasefoi fiteɔ wekui. Shi ani eji anɔkwale?
“Ani Yehowa Odasefoi Fiteɔ Wekui Aloo Amɛtswaa Wekui Amɛmaa Shi?” (jw.org lɛ nɔ sane)