Sanebimɔi Ni Jɛ Kanelɔi Adɛŋ
● Mɛɛ be mli “Nyɔŋmɔ bii lɛ akpojiemɔ” lɛ baa, taakɛ atsi ta yɛ Romabii 8:19 lɛ, ni kɛha mɛɛ yiŋtoo hewɔ?
Beni Paulo tsi “anunyam ni wɔsɛɛ abaajie kpo ahawɔ” ni eewie kɛmiiha lɛ diɛŋtsɛ ehe kɛ “Nyɔŋmɔ bii” krokomɛi ni afɔ amɛ mu lɛ, no mli lɛ eewie anunyam ni baaba amɛnɔ yɛ be mli ni átee amɛ shi kɛtee ŋwɛi wala mli lɛ he. (Rom. 8:18) Shi kɛlɛ, ja nɛkɛ “Nyɔŋmɔ bii” nɛɛ eje nii ni amɛbaatsu yɛ adesai ni yɔɔ shikpɔŋ nɔ lɛ ahe lɛ shishi dani maŋtsɛyeli lɛ shishibii ni yɔɔ shikpɔŋ nɔ lɛ baaje shishi anu “Nyɔŋmɔ bii lɛ akpojiemɔ” lɛ he aloo ehe aaaba sɛɛnamɔ aha amɛ.
Paulo wieɔ “bɔɔnii lɛ agbɛkwɛmɔ kpɛ̃kpɛ̃ɛkpɛ̃” ni “miimɛ Nyɔŋmɔ bii lɛ akpojiemɔ lɛ” he. No hewɔ lɛ gbɔmɛi ni yɔɔ hemɔkɛyeli eshwe amɛ “kpojiemɔ” be lɛ yɛ afii ohai abɔ ni eho lɛ amli, ejaakɛ amɛle hejɔlɛ ni baanyiɛ sɛɛ aba lɛ. “Hejɔɔmɔ” baaba yɛ Harmagedon “beni aaajie Nuŋtsɔ Yesu kpo kɛaajɛ ŋwɛi kɛ ehewalɛ bɔfoi lɛ,” ni ehao mɛi ni haoɔ Nyɔŋmɔ tsuji lɛ ‘eto najiaŋ lɛ.’ Enɛ baatsɔ “hiɛkpatamɔ aha yiwalɔi lɛ kɛ shitee-kɛ-wolɔi lɛ. (2 Tes. 1:6-10) Kpojiemɔ 2:26, 27 tsɔɔ akɛ mɛi ni afɔ amɛ mu ni atee amɛ shi lɛ ji Nyɔŋmɔ ŋwɛi gbɛjianɔtoo ni tamɔ eŋa lɛ “seshi” lɛ fa, ni amɛbaafata Yesu Kristo he yɛ hiɛkpatamɔ ni ekɛbaa mɛi fɔji anɔ lɛ mli. (1 Mose 3:15; Gal. 3-16, 29; Kpoj. 16:14, 16; 19:11-21) Yɛ enɛ sɛɛ lɛ akɛ Abonsam kɛ edaimonioi lɛ baawo bu kwɔŋkwɔŋ lɛ mli. (Kpoj. 20:1-3) Kɛ ajie adesai kɛ mumɔi ni ji yiwalɔi lɛ kɛtee yɛ nɛkɛ gbɛ nɔ lɛ, kɛkɛ lɛ hejɔlɛ ni aaana yɛ yiwaa, kaa kɛ lakamɔ wiemɔi amli lɛ baafa babaoo diɛŋtsɛ. Biɛ ji heni atsuɔ Nyɔŋmɔ bii lɛ akpojiemɔ ni akɛ be kakadaŋŋ emɛ lɛ he nii agbeɔ naa yɛ, ni “asafo babaoo” ni ji adesai ni je “amanehulu kpeteŋkpele” lɛ mli lɛ baanya babaoo yɛ nɛkɛ kpojiemɔ nɛɛ mli.
Paulo tsɔɔ akɛ babaoo yɛ enɛ mli fe yiwalɔi lɛ kɛkɛ ni aaajie amɛ kɛya. Ekɛɛ kɛfata “Nyɔŋmɔ bii Iɛ akpojiemɔ” lɛ he akɛ “bɔɔnii lɛ hu baaye amɛhe kɛjɛ fitemɔ nyɔŋyeli lɛ mli kɛya Nyɔŋmɔ bii lɛ anunyam heyeli lɛ mli.” (Rom. 8:21) No hewɔ lɛ beni Nuŋtsɔ Yesu Kristo kɛ ehefatalɔi niyelɔi ni afɔ amɛ mu ni yɔɔ ŋwɛi lɛ aaaje shishi amɛkɛ kpɔmɔ afɔleshaa lɛ mli sɛɛnamɔi aaatsu enii yɛ afii akpe maŋtsɛyeli lɛ mli lɛ, no dani maŋtsɛyeli Iɛ shishibii ni ji adesai lɛ baaje shishi amɛná kpɔmɔ kɛjɛ nɔ ni jɛ esha kɛ gbele mli ba lɛ mli. Beni nakai afii akpe nɔyeli lɛ aaaba naagbee lɛ, no mli lɛ Yesu kɛ ehefatalɔi maŋtsɛmɛi kɛ osɔfoi lɛ eye ebua eshishibii ni yɔɔ shikpɔŋ nɔ ni feɔ toiboo lɛ fɛɛ kɛyashɛ emuuyeli mli. Mɛi ni aaaya nɔ amɛye Nyɔŋmɔ anɔkwale yɛ Satan kɛ edaimonioi lɛ afɛnemɔ ni kɛ kaa baa lɛ mli lɛ baafee mɛi ni aaaŋma amɛgbɛi yɛ “wala wolo lɛ mli.” (Kpoj. 20:12-15) Kɛkɛ lɛ amɛbaaná “Nyɔŋmɔ bii lɛ anunyam heyeli lɛ mli” ŋɔɔmɔ kwraa kɛya naanɔ. (Rom. 8:19-22) Enɛ baaha yiŋtoo ni Nyɔŋmɔ bii lɛ akpojiemɔ” lɛ sɛɛ lɛ aba naagbee ni atsu he nii agbe naa.
August Daa Gbi Ŋmalɛ
(Kɛ́ ootao ona bɔ ni saji nɛɛ ji diɛŋtsɛ lɛ, no lɛ kwɛmɔ wolo lɛ mli)