Sanebimɔi Ni Jɛ Kanelɔi Adɛŋ

◼ Mɛni hewɔ ni Yesu wo shi akɛ mɛi ni heɔ enɔ yeɔ Iɛ ‘gboiŋ gbi ko gbi ko kɛaatee naanɔ,’yɛ be mli ni eji anɔkwale akɛ etoibolɔi lɛ fɛɛ gboi lɛ?​—Yohane 11:​25, 26.

Beni Yesu wie gbele ni agboŋ dɔŋŋ, aloo ni aaahi shi kɛya naanɔ lɛ he lɛ, eka shi faŋŋ akɛ etsɔɔɔ akɛ etoibolɔi ni hi shi yɛ nakai beaŋ Iɛ gboŋ adesai agbele lɛ eko. Oti pɔtɛɛ ni Yesu wieɔ he lɛ ji akɛ enɔ ni aaahe aye Iɛ kɛ mɔ baaya naanɔ wala mli.

Yesu tsɛ lɛ diɛŋtsɛ ehe yɛ be ko mli akɛ “wala aboloo lɛ.” Kɛkɛ ni ekɛfata he akɛ: “Enɛ ji aboloo ni jɛɔ ŋwɛi baa lɛ, koni gbɔmɔ aye koni ekagbo. Mi ji aboloo ni hiɛ ka ni jɛ ŋwɛi ba lɛ; kɛji mɔ ko ye aboloo nɛɛ eko lɛ, ehiɛ aaaka kɛaatee naanɔ.”​—Yohane 6:​48-51.

Kɛ wɔkwɛ ewiemɔi nɛɛ pɛ lɛ, ekolɛ mɔ ko baamu sane Iɛ naa akɛ Yesu miikɛɛ etoibolɔi Iɛ akɛ amɛbaanyɛ amɛjo gbele ni aaaba amɛnɔ lɛ naa foi. Shi kɛlɛ, eshishinumɔ lɛ fiii sane naamuu ni tamɔ nɛkɛ sɛɛ. Yesu ekɛɛ kɛtsɔ hiɛ akɛ: “Shi enɛ ji tsɛ ni tsu mi Iɛ suɔmɔnaa nii lɛ, akɛ mɛi fɛɛ ni eŋɔhami lɛ, mikaha amɛteŋ mɔ ko miilaje, shi moŋ mitee Iɛ shi ekoŋŋ yɛ naagbee gbi Iɛ nɔ. . . . Mɔ fɛɛ mɔ ni kwɛɔ bi Iɛ ni eheɔ enɔ eyeɔ lɛ aaana naanɔ wala, ni mi Iɛ mitee Iɛ shi ekoŋŋ yɛ naagbee gbi Iɛ nɔ. . . . Mɔ ko nyɛŋ aba miŋɔɔ, akɛ ja tsɛ lɛ ni ni tsu mi lɛ gbala lɛ da, ni mi Iɛ matee lɛ shi yɛ naagbee gbi Iɛ nɔ.” (Yohane 6:​39-44) Ni yɛ sɛɛ mli Iɛ ekɛfata he akɛ: “Mɔ ni yeɔ miheloo ni enuɔ mila lɛ, eyɛ naanɔ wala, ni mi lɛ mafee;lɛ shi yɛ naagbee gbi lɛ nɔ.”(Yohane 6:54) No hewɔ lɛ, eja gbɛ akɛ aaanu shishi akɛ Yesu shiwoo akɛ ‘aaahi shi kɛya naanɔ’ Iɛ nyɛŋ afee akɛ etoibolɔi lɛ kɛ gbele esaŋ amɛnaa.

Enɛ tamɔ Yesu shiwoo ni ale jogbaŋŋ ni ekɛha Marta lɛ: “Mi Iɛ miji shitee Iɛ kɛ wala Iɛ; mɔ ni heɔ minɔ eyeɔ lɛ, kɛji egbo tete lɛ, ehiɛ aaaka; ni mɔ fɛɛ mɔ ni hiɛ ka ni eheɔ minɔ eyeɔ lɛ, egboŋ gbi ko gbi ko kɛaatee naanɔ.” (Yohane 11:​25, 26) Eka shi faŋŋ akɛ Yesu kɛ enɛ etsɔɔɔ akɛ nɔkwɛmɔ nɔ akɛ ekaselɔi anɔkwafoi Iɛ gboiŋ taakɛ adesai krokomɛi fɛɛ gboiɔ lɛ. Yɛ afi sɛɛ lɛ, akɛ mumɔ krɔŋkrɔŋ Iɛ baafɔ amɛ mu ni amɛbaana hiɛnɔkamɔ akɛ amɛbaaye maŋtsɛmɛi yɛ ŋwɛi. Ehe baahia ni amɛgboi akɛ adesai dani amɛnine ashɛ nakai nyɔmɔwoo lɛ nɔ. (Romabii 8:​14-23; 1 Korintobii 15:​36-50) Ni kadimɔ nɔ ni Yesu wie lɛ: “Mɔ ni heɔ minɔ eyeɔ lɛ, kɛji egbo tete lɛ, ehiɛ aaaka.”

Yesu shiwoo lɛ baaba mli yɛ Nyɔŋmɔ sɔɔlɔi ni jɔɔ amɛhe nɔ amɛha lɛ ni amɛhi wala mli ni amɛgboi dani aje shishi akɛ naanɔ wala shihilɛ hegbɛ Iɛ ha lɛ agbɛfaŋ. Nɛkɛ anɔkwafoi nɛɛ yɛ kaimɔ mli kɛha wɔsɛɛ gbohiiashitee. Kɛji amɛhi shi akɛ anɔkwafoi yɛ amɛshitee Iɛ sɛɛ lɛ, amɛkɛ “gbele ni ji enyɔ” lɛ, naanɔ gbele lɛ esaŋ amɛnaa.​—Kpojiemɔ 20:​15; 21:8; Yohane 8:⁠51.

Biblia mli gbalɛ tsɔɔ akɛ wɔ mɛi ni wɔyɔɔ ŋmɛnɛ lɛ yɛ hegbɛ krɛdɛɛ ko. Akɛni wɔyɔɔ nibii agbɛjianɔtoo nɛɛ naagbee be lɛ mli hewɔ lɛ, wɔbaanyɛ wɔna yibaamɔ kɛtsɔ “amanehulu kpeteŋkpele” lɛ mli ni wɔfo mli kɛya jeŋ hee lɛ mli. Gbɔmɛi ni tamɔ nɛkɛ ni yɔɔ naanɔ wala yɛ paradeiso shikpɔŋ nɔ he hiɛnɔkamɔ ni amɛhiɛɔ amɛ anɔkwayeli kɛha Nyɔŋmɔ lɛ mli Iɛ gboiŋ adesai agbele lɛ eko kɔkɔɔkɔ. Kɛ amɛfo “amanehulu kpeteŋkpele” lɛ, abaatsɔɔ amɛ gbɛ “kɛaatee wala nu bui ahe.”​—Kpojiemɔ 7:​9-17.

[Mfoniri ni yɔɔ baafa 31]

Yesu miishɛjemɔ wiemɔi Iɛ haa wɔ naanɔ wala he hiɛnɔkamɔ.