Yesu Shihilɛ Kɛ Esɔɔmɔ Nitsumɔ

Binuu Ni Elaaje Lɛ He Sane

FARISIFOI Iɛ ewie eshi Yesu akɛ ekɛ eshafeelɔi bɔɔ, ni yɛ hetoohamɔ mli lɛ, kpaako egbe nɔkwɛmɔ nɔ ni kɔɔ too ni laaje lɛ kɛ jwiɛtɛi kuku ko ni laaje Iɛ taomɔ lɛ naa. Kɛkɛ ni etee nɔ kɛ nɔkwɛmɔ nɔ kroko, enɛ kɔɔ tsɛ ko ni yɔɔ suɔmɔ kɛ bɔ ni ekɛ ebihii enyɔ, ni amɛteŋ mɔ fɛɛ mɔ yɔɔ fatɔɔ ko ni hiɛdɔɔ yɔɔ mli lɛ ye ha lɛ he.

Klɛŋklɛŋ lɛ, binuu fioo lɛ, mɔ titri ni nɔkwɛmɔ nɔ lɛ kɔɔ ehe lɛ. Ehe egboshinii, ni tsɛ lɛ kɛ enɛ ha lɛ ni shishashaomɔ bɛ mli. Kɛkɛ ni eshi shia ni ekɛ ehe yawo jeŋba shara mli. Shi bo toi, yɛ be mli ni Yesu gbaa sane lɛ, ni okwɛ kɛji akɛ obaanyɛ otsɔɔ mɛi ni nɛkɛ gbɔmɛi nɛɛ damɔ shi kɛha lɛ.

Yesu je shishi akɛ: “Nuu ko yɛ bihii enyɔ. Ni amɛteŋ gbekɛ Iɛ kɛɛ etsɛ akɛ: Ataa, ha mi onii lɛ amli nɔ ni ji migbɛfaŋnɔ. Ni eja enii lɛ amli eha amɛ.” Mɛni ji nɔ ni gbekɛ lɛ kɛ nɔ ni enine shɛ nɔ lɛ fee?

Yesu tsɔɔ mli, “Ni no sɛɛ lɛ eyeee gbi ko kɛkɛ ni gbekɛ lɛ bua fɛɛ naa, ni edom etee maŋsɛɛ shɔŋŋ he ko, ni jɛi ekɛ nyenyeŋtswibɔɔ yakpata enii lɛ ahiɛ yɛ.” Anɔkwale lɛ ji akɛ, eyafite shika lɛ yɛ ahoshwibɔlɔi ahe.

Yɛ no sɛɛ lɛ, shihilɛ lɛ mli bawa, taakɛ Yesu tee nɔ egba lɛ: “Shi beni efite fiaa lɛ, hɔmɔ ni naa wa ko bate shi yɛ nakai shikpɔŋ lɛ nɔ fɛɛ, ni ebɔi lɛ fimɔ. Ni eyiŋ etee ni ekɛ ehe yakpɛtɛ nakai shikpɔŋ lɛ nɔ bii lɛ eko he; ni eha etee ebɔɔi amli, eyalɛ kpolokoi. Ni eba etsine akɛ kulɛ ena yɔɔ ni kpolokoi lɛ yeɔ lɛ eko eye ni etɔ, ni mɔ ko haaa lɛ.”

Kwɛ bɔ ni abaa mɔ shi ahaa akɛ aaanyɛ mɔ nɔ koni ekwɛ kpolokoi, ejaakɛ nɛkɛ kooloi nɛɛ ahe tseee yɛ Mla lɛ naa! Shi nɔ ni dɔ gbekɛ nɛɛ fe fɛɛ ji hɔmɔ ni yeɔ lɛ ni ha eshwe akɛ eeena niyenii ni akɛhaa kpolokoi lɛ eko eye lɛ. Yɛ nɛkɛ haomɔ kpeteŋkpele nɛɛ hewɔ lɛ, Yesu kɛɛ, “ehiɛ tsere lɛ.”

Yɛ be mli ni Yesu yaa nɔ yɛ sane lɛ mli lɛ,etsɔɔ mli akɛ gbekɛ lɛ kɛɛ lɛ diɛŋtsɛ ehe akɛ: “Yaakwɛ mitsɛ apaafoi abɔ sɔŋŋ ni yɔɔ niyenii aahu ni amɛkɛkumaa; ni mi lɛ, hɔmɔ gbeɔ mi yɛ biɛ nɛɛ. Mate shi matee mitsɛ ŋɔɔ ni mayakɛɛ lɛ akɛ: “Ataa, mifee Nyɔŋmɔ shishi esha ni mifee esha yɛ bo hu ohiɛ, ni misaaa akɛ atsɛɔ mi obi dɔŋŋ; ŋɔɔ mi ofee tamɔ opaafoi lɛ eko.” Ni ete shi ni eyiŋ eba etsɛ ŋɔɔ.”

Shi naa nɔ ko ni obaanyɛ osusu he: Eji tsɛ Iɛ tsɔ ehiɛ eha lɛ ni ekɛ mlifu bolɔ ewo Iɛ beni eshiɔ shia Iɛ kulɛ, kulɛ binuu nɛɛ nyɛŋ ana jwɛŋmɔ ko koni efee nɔ ni efee lɛ. Ebaasumɔ ni eto eyiŋ akɛ ebaaku esɛɛ eyatao nitsumɔ yɛ he kroko yɛ emaŋ, koni ekɛ etsɛ akakpe. Shi, jwɛŋmɔ ko ni tamɔ nɛkɛ baaa emli. Shia ji he ni esumɔɔ ni ehi!

Yɛ faŋŋ mli lɛ, tsɛ lɛ ni yɔɔ abɛbua lɛ mli Iɛ damɔ shi kɛha ŋwɛi Tsɛ, Yehowa Nyɔŋmɔ, ni yɔɔ suɔmɔ ni naa mɔbɔ lɛ. Ni ekolɛ bo hu oyɔseɔ akɛ bi nyenyeŋtswi ni laaje Iɛ damɔ shi kɛha eshafeelɔi Farisifoi ni Yesu kɛ amɛ wieɔ Iɛ etsɔ hiɛ amɛwie amɛshi Yesu yɛ niyenii ni ekɛ gbɔmɛi ni tamɔ nɛkɛ ye Iɛ hewɔ.

Shi binukpa Iɛ damɔ shi kɛha namɔ? Ní Yesu abɛbua nɛɛ kɔɔ mɛni he yɛ wɔ afii ohai 20 nɛɛ mli? Wolo tɛtrɛɛ nɛɛ ekroko ni abaakala kɛnyiɛ enɛ sɛɛ Iɛ baaha sanebimɔi nɛɛ ahetoo yɛ be mli ni esusuɔ Yesu sane Iɛ ni eshwɛ ni kɔɔ binuu ni laaje ni ana Iɛ ekoŋŋ lɛ he Iɛ. Luka 15:​11-20, 30; 3 Mose 11:​7, 8.

◆ Yesu miigba ebɛbua aloo sane nɛɛ atsɔɔ namɔ, ni mɛni hewɔ?

◆ Namɔ ji mɔ titri yɛ nɛkɛ sane nɛɛ mli, ni mɛni ba enɔ?

◆ Tsɛ Iɛ kɛ gbekɛ Iɛ damɔ shi kɛha namɛi?

◆ Mɛɛ saji wɔbaakpa gbɛ yɛ nɔ ni baanyiɛ enɛ sɛɛ yɛ wolo tɛtrɛɛ nɛɛ mli Iɛ mli?