Sanebimɔi ni jɛ Kanelɔi Adɛŋ

◼ Ŋwɛibɔfoi Iɛ mumɔi ni, ni amɛbɛ helooŋ gbɔmɔtsei, no hewɔ lɛ mɛni hewɔ nyɛtɛŋɔ amɛ yɛ mfonirii amli akɛ amɛyɛ fiji Iɛ? Ani jamɔ mli nifeemɔ ni ja nɛ?

Wɔfɔɔ ŋwɛibɔfoi Iɛ tɛŋmɔ ni amɛyɛ fiji yɛ bɔ ni awieɔ amɛhe yɛ mfoniri-feemɔŋ yɛ Biblia lɛ mli Iɛ naa.

Eji anɔkwale akɛ oookɛɛ akɛ mumɔŋ bɔɔnii bɛ helooŋ gbɔmɔtsei kɛ fiji diɛŋtsɛ ni anaa​—ni amɛbɛ hiɛi, niji, naji, kɛ gbɔmɔtso he nii krokomɛi hu. Shi kɛlɛ, bei komɛi amli, beni ŋwɛibɔfoi jie amɛhe kpo amɛtsɔɔ Nyɔŋmɔ tsuji Iɛ, eeenyɛ efee akɛ amɛtamɔ adesai foji kɛkɛ, ejaakɛ asusu yɛ gbɛ ni ejaaa nɔ akɛ nakai amɛji.​—1 Mose 18:​2, 22; 19:1; Kojolɔi 6:​11-22.

Shi, bei komɛi lɛ, adesai naa ŋwɛibɔfoi ahe ninaai, ni amɛtsɔɔ bɔ ni amɛji. Gbalɔ Ezekiel na “hiɛkalɔi ejwɛ,” ni yɛ sɛɛ mli ninaa ko mli Iɛ, ewie mɛnɛɛmɛi ahe akɛ ŋwɛibɔfoi ni ji kuu ni ale amɛ akɛ kerubim lɛ. (Ezekiel 1:5; 9:3; 10:⁠3) Ŋwɛibɔfoi nɛɛ ateŋ mɔ fɛɛ mɔ yɛ fiji ejwɛ, ni tsɔɔ nyɛmɔ ni amɛyɔɔ ni amɛkɛtsuɔ Nyɔŋmɔ famɔi ahe nii oya kɛyaa he fɛɛ he. “Kɛ amɛnyiɛ lɛ, amɛtsɔmɔɔɔ amɛhe; amɛteŋ mɔ fɛɛ mɔ nyiɛɔ kɛyaa ehiɛ tɛɛ. . . . He ni mumɔ Iɛ yaa lɛ, jɛi amɛyaa; kɛ amɛnyiɛ lɛ, amɛtsɔmɔɔɔ amɛhe.”​—Ezekiel 1:​6, 9, 12.

Shi ŋwɛibɔfoi ni anaa yɛ ninaa mli Iɛ ejeee amɛhe be fɛɛ be. Bɔɔnii ni ji ŋwɛibɔfoi ni atsɛɔ amɛ serafim ni Yesaia na lɛ yɛ fiji ekpaa. (Yesaia 6:​1, 2) Ni sɔrɔto-feemɔ yɛ ninaai ni Ezekiel na Iɛ po mli. Yɛ klɛŋklɛŋ nɔ lɛ mli lɛ, ŋwɛibɔfoi Iɛ yɛ naji, kɛ niji yɛ amɛfiji ejwɛ Iɛ eko fɛɛ eko shishi, kɛ hiɛi ejwɛ, (tamɔ gbɔmɔ nɔ, jata, tsina nuu, kɛ okropɔŋ nɔ). Yɛ ninaa ni ena kɛnyiɛ enɛ sɛɛ Iɛ mli lɛ, hiɛi Iɛ ekome tamɔ kerubim nɔ moŋ fe ni eeetamɔ tsina nuu, ekolɛ koni akɛtsɔɔ hewalɛ kpele ni kerubim yɔɔ. Yɛ ninaa kroko ni ena yɛ sɛɛ mli ni tsɔɔ bɔ ni awula mfoniri-feemɔŋ sɔlemɔtsu Iɛ mli aha lɛ mli lɛ. Ezekiel na kerubim ni hiɛi enyɔ pɛ amɛyɔɔ, ekome Iɛ tamɔ gbɔmɔ hiɛ ni ekroko Iɛ tamɔ jata hiɛ. (Ezekiel 1:​5-11; 10:​7-17; 41:​18, 19) Kerubim yɛ kpeebuu lɛ mli He Krɔŋkrɔŋ Fe Fɛɛ lɛ mli, kɛ agbɛnɛ yɛ sɔlemɔtsu ni Salomo ma yɛ Yerusalem Iɛ hu mli, ni fiji enyɔ pɛ amɛyɔɔ. Enɛɛmɛi damɔ adeka ni atsɛɔ Iɛ kpaŋmɔ adeka Iɛ naanɔ ni akɛ shika efee Iɛ nɔ. Kerubim enyɔ ni akɛ shika efee nɛɛ miikwɛ amɛhiɛ, ni amɛyi enyɔ lɛ fɛɛ amɛyɛ fiji enyɔ enyɔ ni mli kpaa kɛtekeɔ Adeka lɛ. (2 Mose 25:​10-22; 37:​6-9) Kerubim agboi enyɔ ni akɛ shika fee ni dara fe enɛɛmɛi yɛ Adeka Iɛ (kɛ enaanɔ lɛ) yiteŋ yɛ Salomo sɔlemɔtsu lɛ mli, ni amɛteŋ mɔ fɛɛ mɔ yɛ fiji enyɔ ni amɛkpa mli.​—1 Maŋtsɛmɛi 8:​6-8; 1 Kronika 28:​18; 2 Kronika 5:​7, 8.

Josephus ŋma akɛ: “Yɛ [nakai] kerubim Iɛ diɛŋtsɛ ahe lɛ, mɔ ko mɔ ko nyɛŋ atsɔɔ loo esusu bɔ ni amɛtamɔ lɛ he.” Enɛ hewɔ Iɛ, woloŋlelɔi kɛ nitɛŋlɔi komɛi kɛ amɛnitɛŋmɔi ni kɔɔ bɔfoi ahe (titri lɛ kerubim) ahe lɛ damɔɔ nɔ ni afɔɔ Iɛ tsɛmɔ akɛ Bokagbɛ Kpaakpa nyɔŋmɔi ahe nɔkwɛmɔ nii ni afee amɛ tamɔ kooloi ni yɔɔ fiji Iɛ anɔ. Shi gbɛtsɔɔmɔ ni anyɛɔ akɛ he fɔɔ nɔ jogbaŋŋ ji Ezekiel wiemɔ ni ewie akɛ mɛi ni ena lɛ “hiɛ gbɔmɔ subaŋ” lɛ. (Ezekiel 1:⁠5) No hewɔ lɛ kɛ afee ŋwɛibɔfoi ahe mfoniri yɛ wɔwoji amli lɛ, wɔfɔɔ amɛtɛŋmɔ titri akɛ amɛhiɛ gbɔmɔ su. Wɔtɛŋɔ amɛ ni amɛyɛ fiji yɛ bɔ ni Biblia Iɛ etsɔɔ bɔ ni ŋwɛibɔfoi sɔrɔtoi Iɛ ji Iɛ mli shii abɔ akɛ amɛyɛ fiji kɛ agbɛnɛ yɛ wiemɔi ni awie yɛ ŋwɛibɔfoi ni “miifiliki” ahe Iɛ naa.​—Kpojiemɔ 14:6; Lala 18:⁠11.

Yɛ naagbee lɛ, afee ŋwɛi bɔɔnii ko ni yɔɔ fiji, ni maŋtsɛ akekre bu eyitso ni ehiɛ samfele yɛ edɛŋ he mfoniri yɛ Revelation​—Its Grand Climax At Hand lɛ baafa 288. Enɛ ji nɔ ni yɔɔ Kpojiemɔ 20:1 Iɛ he mfoniri ni ateŋ: “Ni mina bɔfo ko miikpeleke shi kɛmiijɛ ŋwɛi, ni ehiɛ bu kwɔŋkwɔŋ Iɛ naa samfele Iɛ kɛ kɔsɔŋkɔsɔ kpeteŋkpele ko yɛ edɛŋ.” Wɔnuɔ nɛkɛ bɔfo ni hiɛ samfele nɛɛ shishi akɛ lɛ ji Yesu Kristo ni awo ehiɛ nyam lɛ. Mfoniri ni atɛŋ Iɛ tsɔɔ akɛ eyɛ fiji bɔni afee ni ekɛ anɔkwale ni eji akɛ bɔfoi fɛɛ ni ana yɛ ninaa mli lɛ yɛ fiji Iɛ akpa gbee.