Yesu Shihilɛ Kɛ Esɔɔmɔ Nitsumɔ

Yesu Hiɛ Ka!

Beni yei lɛ na akɛ Yesu bɛ egbonyo bu lɛ mli lɛ, Maria Magdalena jo foi ni eyakɛɛ Petro kɛ Yohane. Shi eka shi faŋŋ akɛ yei ni eshwɛ Iɛ mɛ yɛ gbonyo bu lɛ naa. Etsɛɛɛ ni ŋwɛibɔfo ko jie ehe kpo ni etsɛ amɛ akɛ amɛbote mli.

Kɛkɛ ni yei lɛ na ŋwɛibɔfo kroko, ni bɔfoi lɛ ateŋ mɔ kome kɛɛ amɛ akɛ: “Nyɛ Iɛ nyɛkashea gbeyei, ejaakɛ mile akɛ nyɛmiitao Yesu, mɔ ni asɛŋ lɛ Iɛ; ebɛ biɛ, ejaakɛ ete shi, taakɛ bo ni ekɛɛ lɛ. Nyɛbaa nyɛbakwɛa hegbɛ ni Nuŋtsɔ lɛ ka lɛ. Ni nyɛyaa mramra nyɛyakɛa ekaselɔi lɛ akɛ ete shi kɛjɛ gbohii ateŋ.” No hewɔ lɛ nɛkɛ yei nɛɛ kɛ gbeyeishemɔ kɛ miishɛɛ jo foi kɛtee.

No mli lɛ Maria eyana Petro kɛ Yohane, ni ebɔ amɛ amaniɛ akɛ: “Amɛwo Nuŋtsɔ lɛ kɛjɛ bu lɛ mli, ni wɔleee he ni amɛkɛ lɛ eyaŋmɛ.” Amrɔ nɔŋŋ pɛ kɛkɛ ni bɔfoi enyɔ Iɛ wo foi. Yohane he yɛ oya kɛ foijee​—eka shi faŋŋ akɛ obalanyo ni​—ni eyashɛ gbonyo bu Iɛ he klɛŋklɛŋ No mli Iɛ yei lɛ eshi jɛmɛ momo, no hewɔ lɛ amɛnaaa mɔ ko mɔ ko. Yohane ma eyi shi ekwɛ bu Iɛ mli, ni ena klalai Iɛ jwere shi, shi eyaaa bu lɛ mli.

Beni Petro shɛ jɛmɛ Iɛ, eshashaooo shi kwraa ni eyabote bu Iɛ mli. Ena klalai Iɛ jwere shi kɛ duku ni akɛfi Yesu yitso Iɛ hu. Akota ni eka he ko banee. Kɛkɛ ni Yohane bote bu lɛ mli agbɛnɛ, ni ehe Maria amaniɛbɔɔ lɛ eye. Shi Petro kɛ Yohane fɛɛ nuuu shishi akɛ atee Yesu shi, eyɛ mli akɛ E-kɛɛ amɛ shii abɔ akɛ abaatee Lɛ shi. Akɛni amɛnaa ekpɛ amɛhe hewɔ lɛ, amɛyi enyɔ lɛ yiŋ kɛmiiya shia, shi Maria ni no mli lɛ ebashɛ jɛmɛ lɛ hi bu lɛ naa.

Beni be shwieɔ mli lɛ, no mli Iɛ yei krokomɛi Iɛ kɛ oyaiyeli miigba kaselɔi krokomɛi lɛ akɛ atee Yesu shi taakɛ ŋwɛibɔfoi lɛ fa amɛ ni amɛfee lɛ. Beni amɛhiɛ foi waa bɔ ni amɛaanyɛ Iɛ, Yesu kɛ amɛ kpe ni ekɛɛ amɛ akɛ: “Miiŋa nyɛ!” Amɛkula enajiashi ni amɛja lɛ. Kɛkɛ ni Yesu kɛɛ: “Nyɛkashea gbeyei, nyɛyaa ni nyɛyakɛɛa minyɛmimɛi lɛ, koni amɛya Galilea, ni jɛi amɛaana mi yɛ.”

Mra mli, beni shikpɔŋhosomɔ Iɛ ba ni ŋwɛibɔfoi Iɛ ba jɛmɛ Iɛ, asraafoi Iɛ she gbeyei naakpa ni amɛtsɔmɔ tamɔ gbohii. Beni amɛhiɛ ba amɛhe nɔ Iɛ, amɛsha foi kɛtee maŋ lɛ mli ni amɛyabɔ osɔfɔnukpai Iɛ nɔ ni ba Iɛ he amaniɛ. Shi beni amɛkɛ Yudafoi “onukpai” lɛ etee ajina lɛ, amɛyiŋkpɛɛ ji ni amɛtsimɔ sane Iɛ nɔ kɛtsɔ shika ni amɛha asraafoi Iɛ nɔ. Amɛfa amɛ akɛ: “Nyɛkɛɛa akɛ, nyɔɔŋ, beni wɔwɔ lɛ, no mli ekaselɔi Iɛ baju lɛ kɛtee.”

Akɛni abaanyɛ akɛ gbele agbala asraafoi Iɛ toi akɛni amɛwɔ yɛ amɛnitsumɔ nɔ hewɔ lɛ, osɔfoi lɛ wo amɛ shi akɛ: “Ni kɛji amralo lɛ nu [nyɛwɔɔ Iɛ he amaniɛbɔɔ] he lɛ, wɔ diɛŋtsɛ wɔɔlaka ehiɛ, koni nyɛkana haomɔ.” Akɛni shika Iɛ da saŋŋ hewɔ lɛ, asraafoi lɛ fee taakɛ afa amɛ lɛ. Nɔ ni jɛ mli ba ji akɛ amale amaniɛbɔɔ ni kɔɔ ju ni akɛɛ abaju Yesu gbɔmɔtso lɛ he lɛ gbɛ eshwa Yudafoi lɛ ateŋ.

Awerɛho mɔ Maria Magdalena ni shwɛ yɛ gbonyo bu Iɛ he lɛ waa. Nɛgbɛ Yesu yɔɔ po? Beni ema eyi shi ekwɛ bu lɛ mli lɛ, ena ŋwɛibɔfoi enyɔ ni amɛpue ni wo nii yɛji! Mɔ kome yɛ he ni Yesu gbonyo Iɛ ka Iɛ yitsogbɛ ni mɔ kome yɛ najiashigbɛ. Amɛbi lɛ akɛ: “Awo, mɛɛba ofoɔ?”

Maria ha hetoo akɛ: “Ejaakɛ amɛwo mi-Nuŋtsɔ Iɛ kɛtee, ni mileee he ni amɛkɛ lɛ eyaŋmɛ.” Kɛkɛ ni etsɔ esɛɛ ni ena mɔ ko ni miibi lɛ nakai sane lɛ nɔŋŋ: “Awo, mɛɛba ofɔɔ?” Ni ekɛfata he akɛ: “Namɔ otaoɔ?”

Akɛni esusu akɛ gbɔmɔ nɛɛ ji tromsaalɔ Iɛ hewɔ lɛ, ekɛɛ lɛ akɛ: “Nuŋtsɔ, kɛji bo owo Iɛ kɛjɛ biɛ lɛ, tsɔɔmɔ mi he ni okɛlɛ eyaŋmɛ, koni mayawo Iɛ.”

Kɛkɛ ni gbɔmɔ lɛ kɛɛ: “Maria!” Kɛkɛ ni amrɔ nɔŋŋ ni eyɔse gbɛ ni etsɔɔ nɔ ekɛ Iɛ wieɔ lɛ, ni ena akɛ Yesu ni. Kɛkɛ ni ebo akɛ: “Rabuni!”(eshishi ji “Tsɔɔlɔ!”) Kɛkɛ ni ekɛ mlifilimɔ mɔ Yesu mli. Shi Yesu kɛɛ Iɛ akɛ: “Kaakpɛtɛ mi. Ejaakɛ mikwɔko kɛyakɔ Tsɛ Iɛ ŋɔɔ; shi yaa minyɛmimɛi lɛ ŋɔɔ ni oyakɛɛ amɛ akɛ: Miiya ŋwɛi yɛ mi-Tsɛ kɛ nyɛ hu nyɛ-Tsɛ kɛ minyɔŋmɔ kɛ nyɛ hu nyɛ-Nyɔŋmɔ lɛ ŋɔɔ.”

Kɛkɛ ni Maria jo foi kɛtee he ni bɔfoi Iɛ kɛ nanemɛi kaselɔi Iɛ ebua amɛhe naa yɛ lɛ. Kɛkɛ ni ekɛ emaniɛbɔɔ Iɛ yafata nɔ ni yei krokomɛi lɛ kɛha akɛ amɛna Yesu ni atee lɛ shi Iɛ he. Shi eka shi faŋŋ akɛ nɛkɛ hii nɛɛ, ni heee klɛŋklɛŋ yei Iɛ amɛyeee lɛ heee Maria sane lɛ hu amɛyeee. Mateo 28:​3-15; Marko 16:​5-8; Luka 24:4-12; Yohane 20:​2-18.

◆ Beni amɛna akɛ mɔ kɔ mɔ ko bɛ gbonyo bu Iɛ mli lɛ, mɛni Maria Magdalena fee, ni mɛɛ niiashikpamɔ yei krokomɛi lɛ na?

◆ Te Petro kɛ Yohane fee amɛnii amɛha tɛŋŋ beni amɛna akɛ gbonyo bu Iɛ naa ka ni mɔ kɔ bɛ mli lɛ?

◆ Beni yei krokomɛi lɛ yaa ni amɛyabɔ Yesu shitee Iɛ he amaniɛ amɛtsɔɔ kaselɔi lɛ, mɛni amɛkɛkpe?

◆ Mɛni ba asraafoi ni yabu jɛmɛ Iɛ anɔ, ni mɛni jɛ amaniɛ ni amɛbɔ osɔfoi Iɛ mli ba?

◆ Mɛni ba beni Maria Magdalena pɛ yɔɔ bu lɛ naa lɛ, ni te kaselɔi Iɛ here yei lɛ amaniɛbɔɔ Iɛ nɔ amɛha tɛŋŋ?