Sanebimɔi ni Jɛ Kanelɔi Adɛŋ

◼ Mɛni ji “ekpakpa” ni bɔfo Paulo nyɛɛɛ afee, taakɛ etsi ta yɛ Romabii 7:19 Iɛ?

Klɛŋklɛŋ kwraa lɛ, Paulo miiwie bɔ ni enyɛɛɛ etsu nibii kpakpai fɛɛ ni atsɔɔ yɛ Mose Mla lɛ mli Iɛ ahe nii Iɛ he. Ni Paulo kɛ mɛi krokomɛi fɛɛ hu nyɛŋ enɛ amɛfee kɔkɔɔkɔ, kɛ wɔ diɛŋtsɛ hu, yɛ emuu ni wɔyeee kɛ esha ni yɔɔ wɔhe Iɛ hewɔ. Shi ehe ehiaaa ni wɔnijiaŋ jeɔ wui. Kristo afɔleshaa Iɛ egbele gbɛ eha wɔ kɛha Nyɔŋmɔ dɛŋ eshaifaa bɔni afee ni wɔna shidaamɔ kpakpa yɛ E-hiɛ.

Romabii 7:19 kaneɔ akɛ: “Ejaakɛ ekpakpa ni misumɔɔ lɛ mifeee: shi efɔŋ ni misumɔɔɔ lɛ, no moŋ mifeɔ.” Emli sane Iɛ tsɔɔ faŋŋ akɛ Paulo miiwie “ekpakpa” ko he titri kɛ shishinumɔ akɛ enɛ kɔɔ nɔ ni atsɔɔ yɛ Mla lɛ mli Iɛ he. Ewie yɛ Ro 7 kuku 7 lɛ akɛ: “Aso Mla lɛ esha ni? Dabida! Shi moŋ, jeee mla lɛ hewɔŋ kulɛ, mileee esha; ejaakɛ kulɛ mileee nɔ ni ji hiɛkɔɔ, kɛ jeee Mla Iɛ kɛɛ akɛ: ‘Ohiɛ akakɔ nii anɔ.’” Hɛɛ, Mla lɛ ha efee faŋŋ akɛ, akɛni amɛnyɛŋ amɛye nɔ kwraa kɛmɔ shi hewɔ lɛ, eshafeelɔi ji adesai fɛɛ.

Paulo tee nɔ ni etsi ta akɛ “[e]hi shi pɛŋ ni [e]bɛ mla.” Mɛɛ be enɛ ba Iɛ nakai? Ojogbaŋŋ, beni eyɔɔ Abraham hɛ mli dani Yehowa kɛ Mla Iɛ ha lɛ. (Romabii 7:9; okɛto Hebribii 7:​9, 10 he.) Eyɛ mli akɛ Abraham yeee emuu moŋ, shi nakai beaŋ lɛ akɛ Mla lɛ hako, no hewɔ Iɛ atsɔɔɔ emli kitai babaoo lɛ anɔyeli nɔ akaiii lɛ akɛ eji eshafeelɔ. Ani no tsɔɔ akɛ akɛni agbɛnɛ akɛ Mla Iɛ eha ni ehaa emuu ni gbɔmɛi yeee Iɛ jeɔ kpo faŋŋ hewɔ Iɛ, nibii fɔji jɛɔ mli baa? Dabi. Paulo tee nɔ akɛ: “Hewɔ lɛ Mla lɛ yɛ krɔŋkrɔŋ, ni kita lɛ yɛ krɔŋkrɔŋ ni eja ni ehi hu.”​—Romabii 7:⁠12.

Kadimɔ akɛ Paulo wie Mla lɛ he akɛ eyɛ “krɔŋkrɔŋ” ni “ehi” hu. Etsɔɔ mli yɛ kukuji ni nyiɛ sɛɛ Iɛ amli amli akɛ “nɔ kpakpa lɛ”​—Mla Iɛ​—haa efeɔ faŋŋ akɛ eshafeelɔ ji Iɛ, ni nɛkɛ esha nɛɛ haa efeɔ mɔ ni sa gbele. Paulo ŋma akɛ: “Ejaakɛ ekpakpa ni misumɔɔ lɛ mifeee; shi efɔŋ ni misumɔɔɔ lɛ, no moŋ mifeɔ. Shi kɛ nɔ ni misumɔɔɔ lɛ kɛ̃ mifeɔ lɛ, belɛ jeee mi mitsuɔ no dɔŋŋ,shi moŋ esha ni yɔɔ mimli Iɛ tsuɔ.”Romabii 7:​13-20.

Belɛ, yɛ shishinumɔ nɛɛ naa lɛ, Paulo ewieee ekpakpafeemɔ loo ejurɔfeemɔi ni wɔnaa daa nɛɛ he. (Okɛto Bɔfoi lɛ Asaji 9:​36; Romabii 13:3 he.) Eewie nibii ni kɔɔ feemɔ ni afeɔ (loo afeee) nii ni kɛ Nyɔŋmɔ Mla kpakpa Iɛ kpaa gbee be fɛɛ be lɛ he. Tsutsu ko Iɛ ekɛ ekaa tsuɔ Yudafoi ajamɔ lɛ he nii ni​—kɛ akɛ Iɛ to mɛi krokomɛi ahe lɛ​—“shwamɔ ko” bɛ ehe. Yɛ fɛɛ sɛɛ lɛ, eyɛ mli akɛ etee nɔ ehi shi kɛ henilee kpakpa akɛ tsulɔ kɛha nakai Mla kpakpa Iɛ moŋ, shi kɛlɛ eyeee nɔ kwraa kɛmɔɔɔ shi. (Filipibii 3:​4-6) Mla lɛ jie Nyɔŋmɔ tɛi ni eye emuu lɛ kpo faŋŋ, ni etsɔɔ bɔfo lɛ akɛ eji nyɔŋ loo tsulɔ kɛha esha mla lɛ lolo beni eyɔɔ heloo mli lɛ, ni no hewɔ lɛ abu lɛ gbele fɔ. Shi kɛlɛ, Paulo baanyɛ ada shi akɛ kɛtsɔ Kristo afɔleshaa lɛ nɔ lɛ, abu Iɛ jalɔ​—ni akpɔ lɛ kɛjɛ esha mla lɛ kɛ ehe nyɔmɔwoo ni sa, ni ji gbele toigbalamɔ Iɛ shishi.​—Romabii 7:⁠25.

Kristofoi bɛ Mose Mla Iɛ shishi ŋmɛnɛ, ejaakɛ akala akpɛtɛ sɛŋmɔ tso Iɛ nɔ. (Romabii 7:​4-6; Kolosebii 2:14) Shi kɛlɛ wɔɔfee jogbaŋŋ akɛ wɔɔyoo akɛ ejeee mla ni enɔyeli ji jatsu ko ni esaaa akɛ wɔsusuɔ he kwraa. Dabi. klɛŋklɛŋ kwraa lɛ Mla Iɛ hi jogbaŋŋ. No hewɔ lɛ wɔyɛ yiŋtoo kpakpa ni wɔɔdamɔ nɔ wɔkane Biblia mli woji ni aŋmala Mla Iɛ yɛ mli Iɛ ni wɔkase nɔ ni ebi kɛjɛ lsrael dɛŋ. Etsɛŋ ni Yehowa Odasefoi ni yɔɔ shikpɔŋ Iɛ nɔ hei fɛɛ lɛ baafee nakai, kɛtsɔ amɛ daa otsi Biblia kanemɔ ni amɛaanyiɛ sɛɛ lɛ nɔ.

Beni wɔkaneɔ Mla lɛ, esa akɛ wɔsusu shishitoo mlai ni yɔɔ emli akpɔi sɔrɔtoi lɛ amli lɛ ahe kɛ agbɛnɛ sɛɛnamɔi ni Nyɔŋmɔ webii Iɛ na yɛ be mli ni amɛbɔɔ mɔdɛŋ akɛ amɛaaye efamɔi Iɛ anɔ lɛ. Esa akɛ wɔkpɛlɛ nɔ hu akɛ wɔyeee emuu ni no hewɔ lɛ wɔnyɛɛɛ wɔnyiɛ nibii kpakpai ni wɔkaseɔ kɛjɛɔ Nyɔŋmɔ Wiemɔ Iɛ mli lɛ asɛɛ pɛpɛɛpɛ. Shi beni wɔyaa nɔ wɔkɛ esha mla lɛ wuuɔ lɛ, wɔmli baanyɛ afili wɔ yɛ gbɛkpamɔ ni wɔyɔɔ akɛ ebaakpɔ̃ wɔ kɛtsɔ Kristo afɔleshaa lɛ ni akɛaatsu wɔhe nii Iɛ nɔ Iɛ hewɔ.