Sanebimɔi Ni Jɛ Kanelɔi Adɛŋ

◼ Mɛni hewɔ abuɔ afi 29 Ŋ.B. akɛ be ni he hiaa waa yɛ Biblia yinɔsane mli moŋ fe 14 Ŋ.B., beni Kaisare Tiberio, ni atsi eta yɛ Luka 3:1 Iɛ bɔi nɔyeli lɛ?

Atsiii beni Tiberio bɔi nɔyeli Iɛ ta yɛ Biblia lɛ mli, shi atsiɔ sane ko ni ba yɛ enɔyeli afi ni ji 15 Iɛ naagbee gbɛ lɛ ta. Enɛ haa Biblia kaselɔi nyɛɔ amɛtsɔɔ be ni sane nɛɛ ba lɛ akɛ afi 29 Ŋ.B.. ni abaanyɛ abu lɛ akɛ be ni he hiaa waa yɛ Biblia mli.

Yinɔsane kpɛlɛɔ Roma maŋtsɛ ni ji enyɔ, Tiberio Kaisare nɔyeli be lɛ nɔ jogbaŋŋ. The New Encyclopedia Britannica lɛ kɛɔ akɛ: “Yɛ afi AD 14, yɛ August 19 mli ni Augusto [klɛŋklɛŋ maŋtsɛ lɛ] gbo. Akɛni Tiberio nine shɛ hewalɛ ni fe fɛɛ nɔ hewɔ lɛ, ekudɔ Gwabɔɔ Iɛ bɔ ni esumɔɔ, ni eŋmɛɛɛ gbɛ koni Gwabɔɔ Iɛ awo Iɛ maŋtsɛ aahu aaafee nyɔŋ kome, shi ebata sɛi Iɛ nɔ yɛ September 17.”a

Nɛkɛ be pɔtɛɛ ni kadiɔ Tiberio nɔyeli lɛ shishijee kɔɔ Biblia lɛ he ejaakɛ Luka 3:​1-3 wieɔ Yohane Baptisilɔ lɛ sɔɔmɔ Iɛ he akɛ: “Kaisare Tiberio maŋtsɛyeli afi ni ji nyɔŋma kɛ enumɔ lɛ mli, beni Pontio Pilato yeɔ amralo yɛ Yudea . . . Iɛ, Nyɔŋmɔ wiemɔ Iɛ ba Zakaria bi Yohane ŋɔɔ yɛ ŋa Iɛ nɔ. Ni eba Yordan niiaŋ fɛɛ, ni eshiɛɔ tsuitsakemɔ baptisimɔ ni akɛnaa eshaifaa.”

Yohane ejeee shiɛmɔ kɛ baptisimɔ shishi beni Tiberio batsɔ maŋtsɛ Iɛ, shi efee nakai yɛ “Tiberio maŋtsɛyeli afi ni ji nyɔŋma kɛ enumɔ Iɛ mli.” Nakai afi ni ji 15 Iɛ jeɔ shishi kɛjɛɔ afi 28 Ŋ.B. gbo be mli kɛyashiɔ afi 29 Ŋ.B. gbo be mli. Shi enɛ ni ele lɛ haaa mɔ ko anyɛ ale be pɔtɛɛ yɛ afi Iɛ mli ni Yohane sɔɔmɔ nitsumɔ lɛ je shishi aloo ni aaabu be ni nibii ni kɔɔ he Iɛ ba mli diɛŋtsɛ.

Shi Biblia Iɛ haa wɔ saji krokomɛi ni he hiaa kɛfataa he. Akɛ nɔkwɛmɔ nɔ lɛ, Daniel gbalɛ ni kɔɔ “otsii nyɔŋmai kpawo” Iɛ he Iɛ kɛ nine tsɔɔ afi 29 Ŋ.B. nɔ akɛ be ni Mesia Iɛ baapue. Etsɔɔ hu akɛ Yesu suɔmɔ nitsumɔ lɛ sɛɛ kɛlɛ baahe afii etɛ kɛ fa. (Daniel 9:​24-27) Okɛ enɛ afata Biblia mli saji nɛɛ ahe: Yohane fɔmɔ sɛɛ nyɔji ekpaa dani afɔ Yesu; beni abaptisi Yesu Iɛ, no mli Iɛ “eye aaatee afii nyɔŋmai etɛ”; ni Yesu gbo yɛ afi 33 Ŋ.B. agbiɛnaa be mli (Hehoo be), beni no mli Iɛ eye afii 33 1/2.​—Luka 1:​24-38; 3:​23; 22:​14-16, 54.b

Akɛni ayɔɔ Biblia mli saji ni ato naa pɛpɛɛpɛ nɛɛ, kɛ be ni je Iɛ kɛhaa akɛ Tiberio nɔyeli be Iɛ hewɔ Iɛ, Biblia kaselɔi baanyɛ abu naa akɛ Yohane sɔɔmɔ nitsumɔ Iɛ je shishi yɛ afi 29 Ŋ.B. agbiɛnaa be mli, ni nyɔji ekpaa sɛɛ, afi 29 Ŋ.B. gbo be mli Yohane baptisi Yesu. No hewɔ Iɛ jeee afi 14 Ŋ.B. shi 29 Ŋ.B. abuɔ akɛ be ni he hiaa waa yɛ Biblia Iɛ mli.

[Shishigbɛ niŋmai]