Nɔyeli Kuu lɛ Hefatamɔ

AKƐNI aasumɔ ni aha mɛi ni sɔmɔɔ akɛ Yehowa Odasefoi a-Nɔyeli kuu lɛ ayi afa hewɔ lɛ, kɛjɛ July 1, 1994 lɛ, akɛ mɔ kome ebafata onukpai 11 ni sɔmɔɔ amrɔ nɛɛ ahe. Kuu lɛ mlinyo hee nɛɛ ji Gerrit Lösch.

Nyɛminuu Lösch bote be-fɛɛ sɔɔmɔ mli yɛ November 1, 1961, ni efata Buu-Mɔɔ Biblia Gilead skul klas ni ji 41 lɛ he kɛgbe nikasemɔ naa. Esɔmɔ yɛ kpokpai kɛ kpokpai wuji anɔ nitsumɔ mli yɛ Austria kɛjɛ 1963 kɛbashi 1976. Ebote gbalashihilɛ mli yɛ 1967, ni sɛɛ mli lɛ, ekɛ eŋa, Merete, kɛ afii 14 sɔmɔ akɛ Austria Betel weku ni yɔɔ Vienna lɛ mli bii. Afii ejwɛ ni eho nɛ lɛ, ajie amɛ kɛba Asafo lɛ nitsumɔ he yitso ni yɔɔ Brooklyn, yɛ New York lɛ, ni Nyɛminuu Lösch esɔmɔ yɛ jɛmɛ aahu yɛ Ajinafoi Akui Anitsumɔ He lɛ, kɛ agbɛnɛ akɛ Sɔɔmɔ Ajinafoi Akuu lɛ yelikɛbualɔ. Yɛ niiashikpamɔi sɔrɔtoi ni ena yɛ Europa shikpɔŋkuku lɛ mli, kɛ German, Ŋleshi, Romania, kɛ Italia wiemɔi ni enuɔ lɛ hu hewɔ lɛ, eyelikɛbuamɔ he baaba sɛɛnamɔ waa yɛ Nɔyeli Kuu lɛ nitsumɔ mli.