Daa Afi Kpee October 6, 2001

DAA AFI KPEE ni Watch Tower Bible and Tract Society of Pennsylvania lɛ mli bii lɛ feɔ lɛ baaba nɔ October 6, 2001, yɛ Assembly Hall of Jehovah’s Witnesses, 2932 Kennedy Boulevard, Jersey City, New Jersey. Abaafee emli bii lɛ pɛ kpee kɛtsɔ hiɛ yɛ leebi 9:15 mli, ni no sɛɛ lɛ daa afi kpee ni mɛi krokomɛi fɛɛ fata he lɛ baaba nɔ yɛ leebi 10:00 mli.

Esa akɛ corporation loo nitsumɔ lɛ mli bii lɛ atswa Woloŋmalɔ lɛ Nitsumɔhe lɛ adafi amrɔ nɔŋŋ yɛ amɛ adrɛs ni ekolɛ etsake yɛ nyɛsɛɛ afi lɛ mli lɛ he, koni woji ni akɛmajeɔ amɛ ni kɔɔ adafitswaa kɛ mɛi ni amɛbaasumɔ ni amɛye amɛnajiaŋ lɛ he lɛ anyɛ ashɛ amɛdɛŋ yɛ July mli.

Esa akɛ amɛha woji ni tsɔɔ mɛi ni baaye amɛnajiaŋ lɛ ni akɛbaafata daa afi kpee lɛ adafitswaa he akɛmaje amɛ lɛ ashɛ Asafo lɛ Woloŋmalɔ lɛ Ɔfis dani August 1 aho. Esa akɛ kpee lɛ mli bii lɛ ateŋ mɔ fɛɛ mɔ aŋmala woji ni ekɛtsɔɔ mɔ ni baaye enajiaŋ lɛ mli ni ekɛmaje mra, koni akɛtsɔɔ kɛji lɛ diɛŋtsɛ ebaaba kpee lɛ loo enyɛŋ eba. Esa akɛ adafitswaa ni akɛmajeɔ yɛ enɛ he lɛ ama oti nɛɛ nɔ mi pɔtɛɛ, ejaakɛ abaadamɔ no nɔ ni akɛna mɛi pɔtɛɛ ni baaba kpee lɛ.

Aakpa gbɛ akɛ abaagbe kpee muu lɛ fɛɛ, ni nitsumɔ hesusumɔ kɛ amaniɛbɔi akanemɔ hu fata he lɛ naa aaafee shwane 1:00 loo yɛ no sɛɛ nɔŋŋ. Afeŋ kpee lɛ eko shwane. Akɛni jɛmɛ edaaa tsɔ hewɔ lɛ, mɛi ni abaaha amɛba nifeemɔ lɛ shishi ji mɛi ni yɔɔ tikiti pɛ. Atoŋ gbɛjianɔ koni atsɔ tɛlifoŋ nɔ akɛ daa afi kpee lɛ mli nifeemɔi lɛ atsa kɛya kpeehei krokomɛi.