Buu-Mɔɔ INTANƐT NƆ WOJIATOOHE
Buu-Mɔɔ
INTANƐT NƆ WOJIATOOHE
Ga
@
  • ɛ
  • ɔ
  • ɛ́
  • ɛ̃
  • ɔ̃
  • ã
  • ŋ
  • á
  • BIBLIA
  • WOJI
  • ASAFOŊ KPEEI
  • w02 5/15 bf. 28
  • Sanebimɔi ni Jɛ Kanelɔi Adɛŋ

Vidio ko bɛ kɛhã nɔ ni ohala nɛɛ.

Ofainɛ waa, be ni wɔtaoɔ wɔjie vidio lɛ, wɔná naagba ko.

  • Sanebimɔi ni Jɛ Kanelɔi Adɛŋ
  • Buu-Mɔɔ Eetswa Yehowa Maŋtsɛyeli He Adafi—2002
  • Saji Ni Tamɔ Enɛ
  • Sanebimɔi ni Jɛ Kanelɔi Adɛŋ
    Buu-Mɔɔ Eetswa Yehowa Maŋtsɛyeli He Adafi—2007
  • Tsu Nɔ Ni Ohenilee Kɛɔ Bo Lɛ He Nii
    Buu-Mɔɔ Eetswa Yehowa Maŋtsɛyeli He Adafi—2007
  • Bɔ ni Esa akɛ Kristofoi Asusu Yarafeemɔ Kusumii Ahe
    Buu-Mɔɔ Eetswa Yehowa Maŋtsɛyeli He Adafi—1998
  • Ha Oyookpeemɔ Gbi Lɛ Afee Nɔ ni Yɔɔ Miishɛɛ kɛ Nyam Babaoo
    Buu-Mɔɔ Eetswa Yehowa Maŋtsɛyeli He Adafi—2006
Kwɛmɔ Ekrokomɛi Hu
Buu-Mɔɔ Eetswa Yehowa Maŋtsɛyeli He Adafi—2002
w02 5/15 bf. 28

Sanebimɔi ni Jɛ Kanelɔi Adɛŋ

Ani eeefee nɔ ni nilee yɔɔ mli akɛ anɔkwa Kristofonyo ko aaaya yara loo yookpeemɔ yɛ sɔlemɔtsu ko mli?

Wɔhe ní wɔkɛaawo apasa jamɔ nifeemɔ ko mli lɛ esaaa Yehowa hiɛ ni esa akɛ wɔtsi wɔhe kɛjɛ he. (2 Korintobii 6:14-17; Kpojiemɔ 18:4) Sɔlemɔ ko yarafeemɔ ji jamɔ mli nifeemɔ ko ni yɛ bei babaoo mli lɛ, nɔ ni fata he ji shiɛmɔ ni woɔ susumɔi ni damɔɔɔ ŋmalɛ nɔ lɛ he hewalɛ, tamɔ susuma ni gbooo kɛ ŋwɛiyaa ákɛ nyɔmɔwoo kɛha mɛi kpakpai fɛɛ. Nɔ ni baanyɛ afata he ji nifeemɔi tamɔ krɔɔs lɛ he okadi ni afeɔ kɛ fatamɔ ni aaafata osɔfo lɛ he yɛ sɔlemɔ mli. Sɔlemɔi kɛ jamɔ mli nifeemɔi krokomɛi ni teɔ shi woɔ Biblia tsɔɔmɔ lɛ hu baanyɛ afata yookpeemɔ nifeemɔ ni afeɔ yɛ sɔlemɔtsu ko mli lɛ he. Kɛ́ Kristofonyo ko fata kuu ko ní emli bii krokomɛi lɛ fɛɛ kɛ amɛhe miiwo apasa jamɔ nifeemɔ ko mli lɛ he lɛ, ebaanyɛ efee nɔ ni wa kɛha lɛ akɛ eeedamɔ nɔnyɛɛ akɛ ekɛ ehe woŋ nɔ ni yaa nɔ lɛ mli lɛ naa. Kwɛ bɔ ni nilee bɛ mli akɛ mɔ ko kɛ ehe aaawo nɔnyɛɛ ni tamɔ nɛkɛ mli!

Kɛ́ Kristofonyo ko nu he akɛ sɔ̃ kã enɔ akɛ eya yara loo yookpeemɔ ko ni afeɔ yɛ sɔlemɔtsu ko mli lɛ, no hu? Ákɛ nɔkwɛmɔnɔ lɛ, wu ko ni heee yeee lɛ baanyɛ abi eŋa Kristofonyo lɛ koni efata ehe yɛ nifeemɔ be ni tamɔ nɛkɛ mli. Ani yoo lɛ baanyɛ afata ehe akɛ mɔ ko ni tee nikwɛmɔ ní ekɛ ehe woŋ nɔ ko feemɔ mli? Yɛ bulɛ ni ŋa lɛ yɔɔ kɛha ewu lɛ nibimɔ lɛ hewɔ lɛ, ebaanyɛ ekpɛ eyiŋ akɛ ekɛ lɛ baaya, kɛ faishitswaa akɛ ekɛ ehe woŋ jamɔ mli nifeemɔi lɛ eko kwraa mli. Yɛ gbɛ kroko nɔ lɛ, yoo lɛ baanyɛ akpɛ eyiŋ akɛ eyaŋ, kɛ susumɔ akɛ henumɔŋ nɔnyɛɛ ni nakai shihilɛ lɛ kɛbaaba lɛ naa baanyɛ awa tsɔ kɛha lɛ, ni ekolɛ ebaaha eŋmɛɛ shishitoo mlai kpakpai lɛ ahe kɛsaa. Lɛ esa akɛ ekpɛ eyiŋ. Eka shi faŋŋ akɛ, yoo lɛ baasumɔ ni etsui anyɔ emli, ni ená henilee ni mli tse.—1 Timoteo 1:19.

Bɔ fɛɛ bɔ ni eji lɛ, ehe baaba sɛɛnamɔ kɛha lɛ akɛ eeegbála nibii amli etsɔɔ ewu lɛ akɛ, ehenilee eŋmɛŋ lɛ gbɛ akɛ ekɛ ehe awo jamɔ mli nifeemɔ ko kwraa mli, loo ni efata he kɛla sɔlemɔ lalai loo ema eyi shi beni asɔleɔ lɛ. Kɛtsɔ yoo lɛ niiamlitsɔɔmɔ nɛɛ nɔ lɛ, nuu lɛ baanyɛ amu sane naa akɛ jɛmɛ ni eŋa lɛ baahi lɛ baanyɛ atee shihilɛ ni ebasumɔŋ shi. Ekolɛ, nuu lɛ baasumɔ ni ekome eya yɛ suɔmɔ ni eyɔɔ kɛha eŋa lɛ, bulɛ ni eyɔɔ kɛha yoo lɛ hemɔkɛyelii lɛ hewɔ, loo hiɛgbele ko ni eesumɔ ni etsĩ naa kwraa lɛ hewɔ. Shi kɛ́ nuu lɛ nyɛ enɔ akɛ ekɛ lɛ aya lɛ, no lɛ ekolɛ yoo lɛ baaya akɛ nikwɛlɔ ko kɛkɛ.

Nɔ ni esaaa akɛ wɔkuɔ wɔhiɛ wɔshwieɔ nɔ lɛ ji hewalɛ ni ya ní wɔɔya nifeemɔ ko yɛ sɔlemɔtsu ko mli lɛ baanyɛ aná yɛ nanemɛi heyelilɔi anɔ lɛ. Ani ebaanyɛ eye mɛi komɛi ahenilee awui? Ani ebaanyɛ egbɔjɔ shi ni amɛteɔ amɛwoɔ amɛhe ni amɛkɛaawo wɔŋjamɔ mli lɛ? Bɔfo Paulo kɛ ŋaawoo ha akɛ: “Nyɛyoo nii ni hi titri lɛ, koni nyɛfee krɔŋŋ ni nanetɔtɔmɔ ko akahi nyɛhe kɛyashi Kristo gbi lɛ nɔ.”—Filipibii 1:10.

Kɛ́ shihilɛ lɛ kɔɔ wekunyo ni bɛŋkɛ kpaakpa ko he lɛ, no lɛ weku mli nɔnyɛɛ krokomɛi baanyɛ aba. Bɔ fɛɛ bɔ ni eji lɛ, esa akɛ Kristofonyo lɛ asusu nibii fɛɛ ni kɔɔ he lɛ he jogbaŋŋ ekwɛ dã. Yɛ shihilɛi komɛi amli lɛ, nuu lɛ loo yoo lɛ baanyɛ amu sane naa akɛ naagba ko kwraa baŋ yɛ sɔlemɔ ko yarafeemɔ loo yookpeemɔ ko ni eeeya akɛ nikwɛlɔ ko lɛ he. Shi kɛlɛ, shihilɛi lɛ baanyɛ afee akɛ kɛ́ mɔ lɛ tee lɛ, awui ní eeenyɛ eye ehenilee, loo mɛi krokomɛi ahenilee lɛ naa baanyɛ awa fe sɛɛnamɔi ni aaaba yɛ jɛmɛ ni eeehi lɛ hewɔ. Bɔ fɛɛ bɔ ni shihilɛ lɛ ji lɛ, esa akɛ Kristofonyo lɛ akwɛ akɛ eyiŋkpɛɛ lɛ fiteŋ henilee kpakpa ni eeehiɛ mli yɛ Nyɔŋmɔ kɛ gbɔmɛi ahiɛ lɛ he.

    Ga Woji (1980-2025)
    Shi Mli
    Botemɔ Mli
    • Ga
    • Kɛmaje
    • Bɔ Ni Misumɔɔ Lɛ Mihãa
    • Copyright © 2025 Watch Tower Bible and Tract Society of Pennsylvania
    • Mlai Ni Yɔɔ He
    • Ohe Saji
    • Ohe Saji Lɛ Ahe Gbɛjianɔtoo
    • JW.ORG
    • Botemɔ Mli
    Kɛmaje