Okɛ Oyaiyeli Ajaje Yehowa Kojomɔi Lɛ
1 Be ni Yehowa eto ni ekɛbaafɔse ekojomɔi eshwie Babilon Kpeteŋkpele lɛ nɛ lɛ miibɛŋkɛ oyayaayai. (Kpoj. 1:3;19:2) Shi klɛŋklɛŋ lɛ, esa akɛ akɛ ehiɛkpatamɔ ni baa lɛ he naagbee kɔkɔbɔɔ aha. Esa akɛ mɛi ni sumɔɔ jalɛ lɛ “aje kpo kɛjɛ emli” ni amɛtsu he nii ni amɛna shidaamɔ kpakpa yɛ Yehowa hiɛ bɔni afee ni amɛna yiwalaheremɔ.—Kpoj. 18:4.
2 Revelation—Its Grand Climax At Hand! wolo hee lɛ baaye abua wɔ ni wɔtsu nɛkɛ kɔkɔbɔɔ nitsumɔ nɛɛ. Ekɛ Nyɔŋmɔ kojomɔi ni akɛshiɔ jeŋ ni abu lɛ fɔ nɛɛ haa yɛ gbɛ ni mli ka shi faŋŋ ni anuɔ shishi nɔ. Kɛji ofeko nakai momo lɛ, esɛ akɛ oto be ko kɛha ohe ni okɛkane wolo nɛɛ ogbe naa amrɔ nɛɛ nɔŋŋ.
BƆƆ MƆDƐŊ WAA
3 Yɛ bɔ ni eshɛɛ sane lɛ he hiaa lɛ hewɔ lɛ, shiɛlɔi fɛɛ baasumɔ ni amɛna Revelation Climax wolo lɛ kɛhamɔ yɛ shia kɛ shia nitsumɔ lɛ mli lɛ mli gbɛfaŋnɔ. Kadimɔ mɛi ni bɛ shia lɛ ni oku sɛɛ oya amɛŋɔɔ ekoŋŋ. Esa akɛ onukpai lɛ asusu he ni amɛto kpeei krokomɛi ahe gbɛjianɔ kɛha shiɛmɔyaa. Ani shwane shiɛmɔyaa he gbɛjianɔtoo baahi kɛha nyɛmimɛi lɛ? Mɛi komɛi ena akɛ gbɛkɛnaashi odaseyeli hu woɔ yibii babaoo.
4 Okɛ hegbɛi krokomɛi ni onaa lɛ hu atsu nii kɛfata Revelation Climax wolo Iɛ ni okɛaaha yɛ shia kɛ shia lɛ hu he. Shiɛlɔi ni ji skulbii lɛ baanyɛ amɛkɛ wolo lɛ eko aha amɛtsɔɔlɔi. Mɛi ni tsuɔ nii kɛ amɛbe fɛɛ lɛ hu baanyɛ amɛkɛ amɛnanemɛi nitsulɔi agba sane ni amɛkɛ wolo lɛ aha amɛ. Ha mɛi fɛɛ—wekumɛi, nihɔɔlɔi, jarayelɔi ni baa wɔshiai anaa, datrɛfoi, nyanyɔŋ he nitsulɔi, mlalelɔi kɛ nitsumɔtsɛmɛi ni wɔkɛ amɛ naa sharamɔ—lɛ hegbɛ ni “amɛnu gbalɛ wiemɔi lɛ.” (Kpoj. 1: 3) Amɛbaasumɔ ni amɛfata asafo babaoo ni aleee amɛyibɔ ni baana yibaamɔ kɛjɛ ŋwɛi kojomɔ ni baaba enaagbee yɛ Harmagedon mli lɛ ahe.
5 Saneyitso Kɛha Sanegbaa hee lɛ ji “Namɔ Esa Akɛ Wɔja?” Wɔbaanyɛ wɔkɛ adafitswaa ni yɔɔ Reasoning wolo lɛ baafa 322 lɛ afata wɔhiɛkpamɔ wiemɔ lɛ he. Bi shiatsɛ lɛ kɛji ekpa shi ni ena jamɔi sɔrɔtoi abɔ ni yɔɔ ŋmɛnɛ lɛ lo, no sɛɛ lɛ obaama nɔ mi akɛ adesa yɛ hiamɔ nii titri ko akɛ eja nɔ ko ni nɔ kwɔ fe lɛ diɛŋtsɛ. Shi kɛlɛ, akɛni yɛ bei babaoo mli lɛ adesai jaa apasa nyɔŋmɔi hewɔ lɛ, Kpojiemɔ 14:7 kɛ kɔkɔbɔɔ ni sa wɔbe nɛɛ haa wɔ. Enɛ maa bɔ ni ehe hiaa ni wɔja wɔ-Bɔlɔ, anɔkwale Nyɔŋmɔ lɛ nɔ mi. Kpojiemɔ wolo lɛ tsɛɔ apasa jamɔ fɛɛ kɛ gbɛi ni ji Babilon Kpeteŋkpele Iɛ, ni ebɔɔ wɔ kɔkɔ ni he hiaa waa yɛ Kpojiemɔ 18:2a, 4. Eyɛ mli akɛ ekolɛ mɔ ko shidaamɔ hi yɛ jeŋba gbɛfaŋ ni efeɔ mɛi krokomɛi ejurɔ moŋ, shi mɛni baaba enɔ kɛji etiɔ apasa jamɔ mli gbɛjianɔtoi lɛ eko sɛɛ? Nyɔŋmɔ ekpɛlɛɛɛ gbɛ ni tamɔ nɛkɛ nɔ. Enɛ haa wɔ nɔ ko ni hiɛdɔɔ yɔɔ he ni esa akɛ wɔsusu he. Okɛ Revelation Climax wolo lɛ atsɔɔ lɛ ni ogbala ejwɛŋmɔ kɛya oti ko ni ebaana he miishɛɛ lɛ nɔ. Kɛkɛ lɛ okɛ wolo lɛ aha lɛ kɛha yelikɛbuamɔ ni ji ¢700.
5 Obaanyɛ otsake owiemɔ lɛ yɛ bɔ ni shihilɛ lɛ baatamɔ yɛ oshikpɔŋkuku lɛ mli lɛ naa. Tii saji ni yɔɔ Reasoning wolo lɛ baafai 322-33, yɛ saneyitso ni ji “Religion” (Jamɔ) kɛ agbɛnɛ “Babylon the Great” (Babilon Kpeteŋkpele lɛ) shishi yɛ baafai 49-53 lɛ mli kɛha ŋaawoi ni atsɔɔ kɛha bɔ ni aaanyɛ afee enɛ lɛ mli. Ehe miihia ni wɔkɛ wɔhe awo nɛkɛ ŋwɛi kojomɔ shɛɛ sane kɛ hiɛnɔkamɔ jajemɔ nitsumɔ nɛɛ mli kɛmɔ shi.—Kpoj. 14: 6, 7.