Saamɔ ohe Kɛha Niŋmaa Kaa Lɛ

¹ January 1989 Wɔ Maŋtsɛyeli Sɔɔmɔ lɛ tsɔɔ gbɛjianɔtoo hee ni afee kɛha niŋmaa kaai yɛ Teokrase Sɔɔmɔ Skul lɛ mli lɛ mli. Akɛ kaa lɛ he woji ni akala ni ashishii gbɛhei yɛ mli kɛha hetoi lɛ haŋ dɔŋŋ kɛha niŋmaa kaai lɛ. Shi kɛlɛ, akɛ sanebimɔi ni akala baafata April, August, kɛ December Wɔ Maŋtsɛyeli Sɔɔmɔ lɛ he. Kɛ wɔnine shɛ woji nɛɛ anɔ mra lɛ, ebaaha mɔ fɛɛ mɔ ana hegbɛ ni ekɛtao saji pɔtɛɛ komɛi amli ni ekɛsaa ehe jogbaŋŋ.

² Kɛji ootao saji ni atsɛ yisɛɛ ni sanebimɔi lɛ damɔ nɔ lɛ, kaakadi nɔ ko loo kaaŋma nɔ ko yɛ sanebimɔ wolo lɛ nɔ, akɛni okɛ nɛkɛ sanebimɔ wolo nɛɛ nɔŋŋ baatsu nii kɛha kaa lɛ hewɔ.

³ Wolo kroko he baahia bo ni okɛtsu nii ni oŋmala hetoi kɛha sanebimɔi ni ebiɔ ni oha hetoo yɛ bo diɛŋtsɛ owiemɔ mli lɛ yɛ nɔ yɛ be ni ato ni akɛfeɔ kaa lɛ mli. Bɔɔ mɔdɛŋ ni hetoi ni okɛhaa lɛ afee pɔtɛɛ, ni efee kukuji hu. Akɛni osaa ohe jogbaŋŋ kɛtsɔ hiɛ hewɔ lɛ, esaaa ni enɛ waa babaoo.

⁴ Esa akɛ mɔ fɛɛ mɔ asaa ehe jogbaŋŋ kɛha Teokrase Sɔɔmɔ Skul lɛ daa otsi. Skul nɔkwɛlɔ lɛ baakwɛ jogbaŋŋ koni otii fɛɛ ni abaasusu he yɛ niŋmaa kaa lɛ mli lɛ aje kpo ni emli afee faŋŋ.

⁵ Kɛtsɔ nɛkɛ gbɛjianɔtoo hee nɛɛ nɔ lɛ, yiŋtoo ni yɔɔ Teokrase Sɔɔmɔ Skul lɛ sɛɛ lɛ baaye omanye. Esa akɛ enɛ aje kpo yɛ wɔhe ni ana wɔ akɛ mɛi ni asaa amɛ jogbaŋŋ kɛha sɔɔmɔ nitsumɔ lɛ.