Buu-Mɔɔ INTANƐT NƆ WOJIATOOHE
Buu-Mɔɔ
INTANƐT NƆ WOJIATOOHE
Ga
@
  • ɛ
  • ɔ
  • ɛ́
  • ɛ̃
  • ɔ̃
  • ã
  • ŋ
  • á
  • BIBLIA
  • WOJI
  • ASAFOŊ KPEEI
  • km 12/89 bf. 1-8
  • Maŋtsɛyeli Lɛ He Nibii Ni Nyɛkɛaaye Klɛŋklɛŋ Gbɛhe

Vidio ko bɛ kɛhã nɔ ni ohala nɛɛ.

Ofainɛ waa, be ni wɔtaoɔ wɔjie vidio lɛ, wɔná naagba ko.

  • Maŋtsɛyeli Lɛ He Nibii Ni Nyɛkɛaaye Klɛŋklɛŋ Gbɛhe
  • Wɔ Maŋtsɛyeli Sɔɔmɔ—1989
  • Saneyitsei Bibii
  • Saji Ni Tamɔ Enɛ
  • Nibii Ni Enɛ Biɔ Lɛ He Susumɔ
  • Nyɛkafea Yeyeeye
  • Too Gbɛjianɔ Bianɛ
  • ‘Nyɛyaa nɔ Nyɛtaoa Maŋtsɛyeli lɛ Tsutsu’
    Ekome ni Afee Kɛmiija Anɔkwa Nyɔŋmɔ Kome Lɛ
  • ‘Nyɛyaa Nɔ Nyɛtaoa Maŋtsɛyeli lɛ Tsutsu’
    Já Anɔkwa Nyɔŋmɔ Kome Lɛ
  • Te Hekɛnɔfɔɔ Ni Oyɔɔ Yɛ Nyɔŋmɔ Mli Lɛ Mli Wa Ha Tɛŋŋ?
    Buu-Mɔɔ Eetswa Yehowa Maŋtsɛyeli He Adafi—2006
  • Kaatao Heloonaa Nibii, Taomɔ Maŋtsɛyeli Lɛ
    Buu-Mɔɔ Eetswa Yehowa Maŋtsɛyeli He Adafi (Nikasemɔ Nɔ)—2016
Kwɛmɔ Ekrokomɛi Hu
Wɔ Maŋtsɛyeli Sɔɔmɔ—1989
km 12/89 bf. 1-8

Maŋtsɛyeli Lɛ He Nibii Ni Nyɛkɛaaye Klɛŋklɛŋ Gbɛhe

1 Mɛi ni kɛ Yesu ŋaawoo tsuɔ nii akɛ atao Maŋtsɛyeli lɛ klɛŋklɛŋ lɛ naa akɛ ehe miihia ni amɛkɛ nibii ni he hiaa titri lɛ aye klɛŋklɛŋ gbɛhe yɛ amɛshihilɛi amli. (Mat. 6:33) Amɛnaa hu akɛ Yesu ŋaawoo nɛɛ sɛɛnyiɛmɔ haa amɛnyɛɔ amɛyeɔ gbɛtsii nii anɔ kunim. Nɔ ni sa yijiemɔ ji akɛ nyɛmimɛi hii kɛ yei pii ni yɔɔ weku mlibii ni heee yeee lɛ yaa amɛhiɛ yɛ anɔkwayeli mli amɛkɛ Maŋtsɛyeli lɛ he nibii yeɔ klɛŋklɛŋ gbɛhe.

2 Yesu ye odase ni tsɔɔ mɔ yiŋ akɛ ekɛ Maŋtsɛyeli lɛ ye klɛŋklɛŋ gbɛhe yɛ eshihilɛ mli! Beni akaa lɛ yɛ Pilato hiɛ lɛ, edamɔ shi shiŋŋ. (Yohane 18:​36, 37) Hɛɛ, yɛ be mli ni etsotsoro shi yɛ tso nɔ ni egboɔ lɛ, etee nɔ ema Nyɔŋmɔ Maŋtsɛyeli lɛ hiɛnɔkamɔ lɛ nɔ mi, ni ekɛɛ efɔŋfeelɔ lɛ akɛ: “Obaafata mihe yɛ paradeiso.”​—Luka 23:⁠43.

Nibii Ni Enɛ Biɔ Lɛ He Susumɔ

3 Mɛni hewɔ ni Yesu bu Maŋtsɛyeli lɛ akɛ ehe hiaa waa nakai lɛ? Atsu lɛ kɛjɛ ŋwɛi koni “ebaye anɔkwale lɛ he odase” akɛ Nyɔŋmɔ Maŋtsɛyeli lɛ baaye nɔ yɛ jalɛ naa ni eha afee esuɔmɔnaa nii yɛ shikpɔŋ nɔ taakɛ afeɔ yɛ ŋwɛi lɛ. Belɛ mɛɛ miishɛɛ kpeteŋkpele enɛ ji akɛ aaana Yehowa suɔmɔnaa nifeemɔ ni ji shikpɔŋ nɛɛ ni atsakeɔ lɛ afeɔ lɛ Paradeiso taakɛ ato yiŋ kɛjɛ shishijee lɛ mli gbɛfaŋnɔ nɛkɛ! Hɛɛ, mɛɛ jɔɔmɔi asaa ato aha adesai ni heɔ yeɔ yɛ Maŋtsɛyeli lɛ nɔyeli shishi lɛ nɛkɛ!

4 Nɔ ni fata Yesu ni wɔɔkase lɛ akɛ Nyɔŋmɔ Maŋtsɛyeli lɛ sɛɛfilɔ lɛ he ji “sɛŋmɔtso” lɛ kɛ nibii krokomɛi fɛɛ ni kɔɔ he lɛ ni wɔɔtere. ‘Akɛ mɔ ko aaatsɔ hiɛ asusu enɛɛmɛi ahe’ lɛ tsɔɔ akɛ esa akɛ mɔ lɛ asaa ehe akɛ ekɛ eheloo gbɛfaŋ nibii “baaye shɛɛ” aloo ebaaŋmɛɛ he kɛji akɛ nɛkɛ nibii nɛɛ ji nɔ ni tsiɔ sɔɔmɔ ni ekɛhaa Nyɔŋmɔ lɛ gbɛ lɛ. (Luka 14:​27, 28, 33) Yɛ nakai beaŋ nɔŋŋ lɛ, Yesu wo mɛi fɛɛ hewalɛ ni amɛfee esɛɛnyiɛlɔi ni amɛgba sanekpakpa lɛ amɛtsɔɔ mɛi krokomɛi. Naanɔ wala ni aaana yɛ Maŋtsɛyeli lɛ nɔyeli shishi lɛ sa nɔ fɛɛ nɔ ni aaafite yɛ enɛ he.​—Mateo 13:​44-46.

Nyɛkafea Yeyeeye

5 Afii ohai 19 ni eho lɛ hako bɔ ni Maŋtsɛyeli lɛ he nibii he hiaa klɛŋklɛŋ yɛ wɔshihilɛ mli lɛ nɔ agbɔ. Ehi akɛ wɔɔbi wɔ diɛŋtsɛ wɔhe kɛji akɛ Yehowa ni wɔɔsɔmɔ lɛ lɛ ji nɔ ni he hiaa wɔ fe fɛɛ diɛŋtsɛ. Yesu tsɔɔ mli akɛ: “Mɔ ko nyɛŋ nuŋtsɔmɛi enyɔ asɔmɔ . . . Nyɛnyɛŋ Nyɔŋmɔ kɛ mamɔna [nii falɛ] nyɛsɔmɔ. . . . Nyɛkafea yeyeeye yɛ nyɛwala hewɔ, nɔ ni nyɛaaye kɛ nɔ ni nyɛaanu, aloo nyɛ gbɔmɔtso lɛ hewɔ, nɔ ni nyɛaawo.” (Mat. 6:​24, 25) Ani wɔfeɔ yeyeeye yɛ wɔsusumai loo wɔwala hewɔ? Aloo wɔyɛ hemɔkɛyeli ni fa bɔ ni sa ni wɔkɛaanyiɛ Yesu ŋaawoo akɛ wɔtao Maŋtsɛyeli lɛ klɛŋklɛŋ, ni wɔhe wɔye akɛ akɛ nɛkɛ nibii nɛɛ fɛɛ baafata he aha wɔ lɛ sɛɛ?

6 Nyɛmimɛi komɛi eŋmɛɛ nitsumɔ ni baaha amɛna nyɔmɔwoo babaoo lɛ he ejaakɛ nakai nitsumɔi lɛ ahe gbɛjianɔtoo baagba amɛ teokrase nitsumɔi anaa. Mɛi komɛi hu etsake amɛnitsumɔ akɛni nitsumɔ lɛ kɛ Biblia mli shishitoo mlai kpaaa gbee hewɔ. Nitsumɔtsɛmɛi komɛi hu eŋmɛ gbɛ koni amɛkɛ Yehowa Odasefoi ni ji nitsulɔi kpakpai ni akɛ he fɔɔ amɛnɔ lɛ atsu nii. (Kol. 3:​23, 24) Yɛ anɔkwale mli lɛ, asafo lɛ naa hewalɛ yɛ gbɛ kpakpa nɔ kɛji akɛ onukpai, asafoŋ sɔɔlɔi, kɛ gbɛgbalɔi lɛ to okadi kpakpa yɛ Nyɔŋmɔ Maŋtsɛyeli lɛ taomɔ klɛŋklɛŋ mli.

Too Gbɛjianɔ Bianɛ

7 Etsɛŋ ni nyɛ obalaŋtai lɛ ekomɛi baashi skul. Ani nyɛmiito gbɛjianɔ bianɛ nyɛha teokrase nitsumɔ? Ani nyɛmiisumɔ ni nyɛkɛ nyɛbe fɛɛ atsu nii fioo dani nyɛkɛ nyɛhe awo gbɛgbamɔ sɔɔmɔ mli? Ehi jogbaŋŋ akɛ nyɛmiisusu wɔsɛɛ be mli ni nyɛkɛ nyɛhe aaawo gbɛgbamɔ nitsumɔ lɛ mli lɛ he. Shi, kɛji akɛ Maŋtsɛyeli lɛ ji klɛŋklɛŋ nii diɛŋtsɛ yɛ nyɛshihilɛ mli ni shihilɛ mli ni nyɛyɔɔ lɛ ŋmɛɔ gbɛ lɛ, mɛni hewɔ ni nyɛkɛ gbɛgbamɔ lɛ yeee klɛŋklɛŋ gbɛhe? Mɛi komɛi etee mɛi ni tsutsu lɛ amɛkɛ amɛ feɔ Biblia mli nikasemɔ lɛ aŋɔɔ ni amɛwo amɛ hewalɛ ni mɛnɛɛmɛi ekpɛlɛ nɔ akɛ amɛbaaje shia Biblia mli nikasemɔ lɛ shishi. Shiɛlɔi krokomɛi hu yaa nɔ amɛŋɔɔ hegbɛ ni trukaa odaseyeli kɛhaa lɛ ni enɛ eha mɛi abɔ ni amɛyasaraa amɛ be fɛɛ be lɛ efa. Nɔ ni sa yijiemɔ ji akɛ, mɛi komɛi eje shishi amɛmiibi koni amɛkɛ amɛhe awo daa gbɛgbamɔ sɔɔmɔ lɛ mli yɛ shihilɛ mli ni wɔyɔɔ ŋmɛnɛ lɛ shishi. Hɛɛ, kɛtsɔ henilee kpakpa kɛ mɔdɛŋbɔɔ nɔ kɛ agbɛnɛ Yehowa yelikɛbuamɔ nɔ lɛ, mɔ ko baanyɛ afee gbɛgbalɔ yɛ naatsii lɛ fɛɛ sɛɛ. Kɛ heloo gbɛfaŋ nibii bafee klɛŋklɛŋ nii lɛ, oshara baaba akɛ yeyeeyefeemɔ ni jeɔ mɔ ko nijiaŋ wui yɛ gbɛgbamɔ he lɛ baaye nyɛtsuii anɔ.​—Mateo 6:​27, 34; Luka 21:⁠34.

8 Je nɛɛ biɔ babaoo diɛŋtsɛ kɛjɛɔ mɛi ni sumɔɔ ni amɛsɔmɔ lɛ lɛ adɛŋ. Kɛ wɔha wɔshihilɛ fee nɔ ni yɔɔ mlɛo ni wɔyoo nibii ni he hiaa titri lɛ, wɔnine baashɛ jɔɔmɔi ni baa kɛjɛɔ Maŋtsɛyeli lɛ ni wɔkɛyeɔ klɛŋklɛŋ gbɛhe lɛ nɔ. Ni wɔɔŋmɛɛ wɔhe wɔha je lɛŋ nibii ni lakaa mɔ lɛ, kwɛ bɔ ni ehi jogbaŋŋ moŋ akɛ wɔkɛ wɔhiɛ aaafɔ Yehowa, mɔ ni le wɔhiamɔ nii ni ewo shi akɛ ekɛbaaha wɔ lɛ mɔŋ nɔ! Kɛ wɔtee nɔ wɔtao Maŋtsɛyeli lɛ he nibii klɛŋklɛŋ lɛ, yiŋtoo kpakpa baahi wɔshihilɛ mli, ni wɔsɛɛ be ni bɛ naagbee lɛ mli jɔɔmɔi ahe gbɛkpamɔ lɛ baawo wɔ hewalɛ.​—Mat. 6:​32; 1 Tim. 6:​17-19

    Ga Woji (1980-2025)
    Shi Mli
    Botemɔ Mli
    • Ga
    • Kɛmaje
    • Bɔ Ni Misumɔɔ Lɛ Mihãa
    • Copyright © 2025 Watch Tower Bible and Tract Society of Pennsylvania
    • Mlai Ni Yɔɔ He
    • Ohe Saji
    • Ohe Saji Lɛ Ahe Gbɛjianɔtoo
    • JW.ORG
    • Botemɔ Mli
    Kɛmaje