Nyɔŋmɔ Wiemɔ Lɛ Nɔkplɛmɔ, Ekɛ Nitsumɔ, Kɛ Esɛɛnamɔ
1 Eyɛ mli akɛ gbɔmɛi akpekpei abɔ yɛ Biblia lɛ eko moŋ, shi mɛi pii ekpɛlɛɛɛ nɔ akɛ eji Nyɔŋmɔ Wiemɔ, ni mɛi pii hu kɛ emli ŋaawoo lɛ tsuuu nii, no hewɔ lɛ ehe baa sɛɛnamɔ kɛhaa mɛi fioo pɛ. Shi kɛlɛ, Yehowa webii heɔ yeɔ diɛŋtsɛ akɛ eji Nyɔŋmɔ Wiemɔ, ni akɛ ehe yɛ sɛɛnamɔ yɛ nibii fɛɛ mli. (2 Tim. 3:16, 17) No hewɔ lɛ kpokpaa nɔ kpee he gbɛjianɔtoo kɛha 1993 sɔɔmɔ afi lɛ yitso baafee “Nyɔŋmɔ Wiemɔ lɛ Nɔkpɛlɛmɔ, Ekɛ Nitsumɔ, kɛ Esɛɛnamɔ.”
2 Abaanu wiemɔi, nɔkwɛmɔ nii, niiashikpamɔi, kɛ sanegbaai ni baawo wɔ hewalɛ, koni eha hiɛsɔɔ ni wɔyɔɔ kɛha Nyɔŋmɔ Wiemɔ lɛ mli akwɔ, ni eye ebua wɔ ni wɔnyɛ wɔkɛtsu nii babaoo”yɛ wɔshihilɛ mli nibii fɛɛ mli. Hɔɔ shwane gbɛjianɔtoo lɛ baatsu weku kɔkrɔɔ lɛ mli ŋaawoo kɛ tsɔsemɔ he nii yɛ nɔ ni kɔɔ hiɛtserɛjiemɔ, naanyobɔɔ, kɛ heloo gbɛfaŋ nibii asɛɛdii ahe lɛ gbɛfaŋ. Ebaatsɔɔ bɔ ni esa akɛ wɔfee gbɔmɛi sɔrɔto yɛ je lɛ he, ni wɔkakpɛlɛ esui gbohii kɛ yakayaka wiemɔi ni he tseee lɛ anɔ. Kɛfata he lɛ, akɛ hewalɛwoo ni he baaba sɛɛnamɔ baaha mɔ fɛɛ mɔ ni ji fɔlɔ ni ekome pɛ ekwɛɔ ebii kɛ bii ni bɛ tsɛmɛi lɛ.
3 Agbɛnɛ yɛ Hɔɔ lɛ, mɛi ni amɛjɔɔ amɛhe nɔ lɛ baana hegbɛ ni abaptisi amɛ yɛ be mli ni amɛbo Ŋmalɛ mli wiemɔ ni kɔɔ sane nɛɛ he lɛ toi amɛgbe naa lɛ. Esa akɛ mɛi ni toɔ gbɛjianɔ koni abaptisi amɛ yɛ kpokpaa nɔ kpee lɛ shishi lɛ aha asafo Iɛ onukpai asɛinɔtalɔ lɛ ale amɛ suɔmɔnaa nii nɛɛ amrɔ nɔŋŋ koni ena be ni sa ni eha onukpai lɛ kɛ amɛ abote mɛi ni taoɔ baptisimɔ lɛ asanebimɔi lɛ amli.
4 Hɔgbaa leebi gbɛjianɔtoo lɛ baapɛi gbɛi ni wɔtsɔɔ nɔ wɔjieɔ wɔhe kpo akɛ esoro wɔ yɛ je lɛ he kɛtsɔ Nyɔŋmɔ Wiemɔ lɛ ni wɔhiɔ shi yɛ naa lɛ mli. Bɔ ni wɔhesaamɔ yɛ gbɔmɔtsoŋ he hiaa ha kɛ bɔ ni wɔɔfee wɔjo wɔjwɛŋmɔ ni aaafite lɛ lɛ naa foi fata saji ni abaapɛi mli lɛ ahe. Shwane lɛ. kpokpaa wulu nɔkwɛlɔ lɛ baaha maŋshiɛmɔ ni eyitso ji “Mɛni Kadiɔ Biblia lɛ akɛ Eji Anɔkwale?” Wɔmiisumɔ ni wɔtsɛ mɛi ni yɔɔ wiemɔ lɛ he miishɛɛ lɛ fɛɛ kɛba wiemɔi ahe gbɛjianɔtoo kpakpa nɛɛ shishi.
5 Nyɛ kpokpaa nɔkwɛlɔ lɛ baatsɔɔ nyɛ gbi kɛ be ni abaafee kpokpaa nɔ kpee nɛɛ, ni wɔmiiwo nyɛ fɛɛ hewalɛ koni nyɛba shishi, koni nyɛkpɛlɛ Nyɔŋmɔ Wiemɔ lɛ nɔ, ni nyɛtsu he nii, ni emli ŋaawoo lɛ he aba sɛɛnamɔ aha nyɛ.—Yak. 1:22-25.