Mɛi Fɛɛ ni Yɔɔ Wiemɔ lɛ He Miishɛɛ lɛ Wɔɔye Wɔbua Amɛ
1 Wɔhemɔkɛyeli kɛ suɔmɔ ni wɔyɔɔ kɛha mɛi krokomɛi lɛ baatsirɛ wɔ yɛ nɛkɛ be nɛɛ mli ni wɔye wɔbua mɛi fɛɛ ni naa Maŋtsɛyeli sane lɛ he miishɛɛ lɛ ni wɔfɔ amɛ nine kɛba Kaimɔ lɛ yeli shishi. Ehe hiaa ni atsɔɔ mɛi nɛɛ agbɛ kɛba gbɛjianɔ ni Yehowa eto kɛha yiwalaheremɔ, ni damɔ Kristo kpɔmɔ afɔleshaa lɛ nɔ lɛ he.—Heb. 9:28.
2 Ehi jogbaŋŋ akɛ oooŋmala mɛi fɛɛ ni otaoɔ ofɔ amɛ nine kɛba Kaimɔ lɛ shishi lɛ agbɛi. Okɛ mɛi ni baa kpeei yɛ bei komɛi amli kɛ mɛi ni akɛ amɛ ekase nii da aloo amɛjie miishɛɛ kpo yɛ gbɛi krokomɛi anɔ lɛ hu afata he. Ohiɛ akakpa gbalashihilɛ mli hefatalɔi kɛ oweku lɛ mli bii krokomɛi ni jeee heyelilɔi lɛ anɔ. Kɛ oŋmala gbɛi lɛ ogbe naa lɛ. bɔɔ mɔdɛŋ waa ni oya amɛteŋ mɔ fɛɛ mɔ ŋɔɔ. Ekolɛ obaasumɔ ni obi ni onukpai lɛ ayɛ abua bo yɛ gbɔmɛi nɛɛ ekomɛi asaramɔ mli.
3 Mɛni obaanyɛ okɛɛ yɛ saramɔ lɛ mli?
Beni okɛ miishɛɛ eŋa lɛ sɛɛ Iɛ, obaanyɛ okɛɛ akɛ:
◼ “Tsutsu ko lɛ, onaa mumɔŋ nibii ahe miishɛɛ waa, ni misusuɔ akɛ obaana nɛkɛ ninefɔɔ kɛha nifeemɔ krɛdɛɛ ko ni abaafee nɛɛ he miishɛɛ [Okɛ ninefɔɔ wolo ni akala kɛha Kaimɔ lɛ aha shiatsɛ lɛ.] Kristo gbele lɛ Kaimɔ ji nifeemɔ pɛ ni Nuŋtsɔ Yesu Kristo fa esɛɛnyiɛlɔi lɛ akɛ amɛkai Wɔmiikpa gbɛ akɛ wɔbaasusu nɔ ni Kristo nyɛ etsu kɛtsɔ egbele lɛ nɔ kɛ bɔ ni wɔɔfee wɔna naanɔ wala kɛtsɔ egbele lɛ nɔ lɛ he babaoo. Nyɛsɛɛ afi lɛ, mɛi fe akpekpei 11 tee nɛkɛ kpee krɛdɛɛ nɛɛ shishi. Ebaaŋɔɔ minaa waa kɛji ofata mihe kɛtee nifeemɔ lɛ shishi afi nɛɛ.” Kaimɔ ni oŋma be kɛ he ni nyɛ asafo lɛ baaye Kaimɔ lɛ yɛ lɛ yɛ wolo lɛ nɔ. Agbɛnɛ hu, kɛji ehe baahia, ni ooonyɛ nakai ofee lɛ, ha ele akɛ obaana tsɔne oha lɛ.
4 Kɛ mɛi heei ba Kaimɔ lɛ, esa akɛ ahere amɛ hiɛmɛɛ waa. Ye Obua amɛ ni amɛle shiɛlɔi ni yɔɔ asafo lɛ mli lɛ, ni okɛ amɛ atsɔɔ mɛi ni yɔɔ wiemɔ lɛ he miishɛɛ ni yɔɔ hei ni kɛ amɛ jɛkɛɛɛ lɛ. Ebaawo amɛ hewalɛ akɛ amɛaale akɛ mɛi babaoo yɛ amɛ akutso lɛ mli ni yɔɔ anɔkwale lɛ hɛ miishɛɛ. Fɔɔ amɛ nine ni amɛkɛ eweku lɛ atara shi beni ayeɔ Kaimɔ gbijurɔ lɛ kɛji eeehi nakai feemɔ.
5 Shi kɛlɛ, Kaimɔ lɛ shishi kɛkɛ ni amɛaaba lɛ emaŋ yiwalaheremɔ nɔ mi ehaŋ amɛ. Shi yɛ mɛi ni ofɔɔ amɛ nine Iɛ ateŋ mɛi pii agbɛfaŋ lɛ, eeenyɛ efee amɛ klɛŋklɛŋ nifeemɔ yɛ Yesu la ni afɔse ashwie lɛ mli hemɔkɛyeli namɔ mli. Kɛ nyɛjɛ kpee lɛ shishi nyɛmiiya shia lɛ, bi gbɔ ni okɛha lɛ kɛji ebaasumɔ ni ebabo Maŋshiɛmɔ kɛ Buu Mɔɔ Nikasemɔ lɛ hu toi yɛ otsi lɛ naagbee. Jiemɔ miishɛɛ kɛ naanyobɔɔ su kpo. Ha ele akɛ oyɛ he miishɛɛ akɛ oooye obua lɛ yɛ gbɛ fɛɛ gbɛ ni ooonyɛ nɔ. Ni kɛji eje shishi mra ni ekɛ wɔ bɔi bɔɔ daa lɛ, no lɛ ebaaha emumɔŋ hiɛyaa lɛ hu aya nɔ oyayaayai. Mɛɛ mlifilimɔ kɛ tsui ni nyɔɔ mɔ mli wɔɔna nɛkɛ akɛ wɔfo “amanehulu kpeteŋkpele lɛ” kɛfata mɛi krokomɛi babaoo ni wɔnyɛ wɔye wɔbua amɛ lɛ ahe!—Kpoj 7:9. 14.