Tsu Oshikpɔŋkuku lɛ Fɛɛ Mli Nii Jogbaŋŋ
1 Bei komɛi lɛ, wɔkɛ he ko fioo ni ahɔɔ nii yɛ lɛ kpeɔ trukaa yɛ hei ni wɔɔhe tsũi yɔɔ lɛ, tamɔ nibii ahɔɔmɔ shwapo, niyeli hé, loo nibii bibii ahɔɔmɔ he. Kɛ eeeba lɛ akɛ oootsu nii yɛ tsũi nɛɛ amli kɛfata shikpɔŋkuku nɛɛ mli hei krokomɛi ahe lɛ, no lɛ esa akɛ oya amɛŋɔɔ taakɛ ofeɔ yɛ wɔɔhe tsũi amli lɛ.
2 Obaanyɛ okɛ shiɛmɔ wiemɔ ni waaa ni yɔɔ kuku atsu nii, ekolɛ ni oookɛɛ akɛ: “Mihiɛ nɔ ko ni masumɔ ni mikɛtsɔɔ bo.” Kɛ etamɔ nɔ ni shwapo-tsɛ lɛ bɛ dekã nakai be lɛ, no lɛ obaanyɛ okɛ dɛhiɛmɔ wolo ko kɛkɛ aha ni okɛɛ: “Mibaba ekoŋŋ be mli ni oyɔɔ dekã fioo lɛ. Masumɔ ni male nɔ ni osusuɔ yɛ enɛ he.”
3 Ehe ehiaaa ni oshe gbeyei akɛ oootsu nitsumɔ nɛɛ. Shiɛlɔ ko bɔ amaniɛ akɛ: “Mikpa gbɛ akɛ ahereŋ nɔ jogbaŋŋ. Shi kɛlɛ, efee mi naakpɛɛ akɛ, bɔ ni afee nii yɛ Maŋtsɛyeli shɛɛ sane lɛ he lɛ yɛ sɔrɔto kwraa. Amɛkɛ bulɛ kɛ naanyobɔɔ su tsu nii ni etamɔ nɔ ni amɛheɔ woji tɛtrɛbii lɛ be fɛɛ be.”
4 Yoo ko ni miitsu nii yɛ tsumaa nitsumɔ he ko fɔ nine etsɛ Odasefoi lɛ kɛba ɔfis ni etsuɔ nii yɛ mli lɛ mli. Ehe woji tɛtrɛbii lɛ ni ejie miishɛɛ ni eyɔɔ ákɛ akɛ lɛ aaafee Biblia mli nikasemɔ lɛ kpo. Akɛ Nilee wolo lɛ tsɔɔ lɛ, ni aje nikasemɔ shishi amrɔ nɔŋŋ, yɛ ɔfis ni etsuɔ nii yɛ mli lɛ nɔŋŋ mli!
5 Nɔ ni fata nitsumɔ ni akɛwo odɛŋ akɛ otsu he nii yɛ oshikpɔŋkuku lɛ mli lɛ he ji ni oooya aŋkroaŋkroi ni hɔɔ nibii yɛ akutso lɛ mli lɛ aŋɔɔ. (Bɔf. 10:42) Too gbɛjianɔ ni oya hei ni tamɔ nɛkɛ taakɛ obaafee yɛ mɛi ashiai amli lɛ. Jeee akɛ oootsu oshikpɔŋkuku lɛ fɛɛ mli nii kɛmɔ shi kɛkɛ, shi ekolɛ, akɛ niiashikpamɔi ni ŋɔɔ baajɔɔ bo!