Mlifilimɔ yɛ Shweremɔ ni Nyɔŋmɔ Kɛhaa lɛ Hewɔ

¹ Kristofoi ni hi shi yɛ klɛŋklɛŋ afii oha lɛ mli lɛ ji Maŋtsɛyeli shiɛlɔi ni yɔɔ ekãa. Amɛmii shɛ amɛhe beni ‘asafoi lɛ ayifáa daa nɛɛ lɛ.’ (Bɔf. 16:5) Ekãa ni amɛkɛshiɛ lɛ yashɛ Asia, Europa, kɛ Afrika, ni no ha mɛi babaoo he amɛye.

² Yesu gba efɔ̃ shi akɛ yɛ naagbee gbii lɛ amli lɛ, shiɛmɔ nitsumɔ lɛ baashɛ ‘je lɛŋ fɛɛ kɛ jeŋmaji fɛɛ’ mli! (Mat. 24:14) Yɛ 1996 sɔɔmɔ afi lɛ mli lɛ, wɔtee nɔ wɔnine shɛ hiɛyaai kɛ shiɛlɔi ayifalɛ hee ni fe fɛɛ ni yɔɔ naakpɛɛ amaniɛbɔi anɔ yɛ shikpɔji anɔ yɛ jeŋ fɛɛ. Ato asafoi heei babaoo ashishi. Yifalɛ ni tee nɔ oyayaayai nɛɛ eha ehe ebahia ni amamɔ Maŋtsɛyeli Asai kɛ Kpee Asai heei ohai abɔ, ni agbɛnɛ hu agbele nitsumɔ he niji tsũi babaoo hu amli.

³ August 1996 Wɔ Maŋtsɛyeli Sɔɔmɔ lɛ bɔ tsumaa he nitsumɔ mligbelemɔ ni miiya nɔ yɛ Afrika lɛ he amaniɛ. Nifeemɔ ni tamɔ nakai nɔŋŋ miiya nɔ yɛ Latin Amerika fɛɛ. Yɛ 1996 sɔɔmɔ afi lɛ mli lɛ, Mexico bɔ shiɛlɔi ayifalɛ ni fe fɛɛ ni ekaaa ni ji 470,098 kɛ shia Biblia mli nikasemɔi 600,751 kɛ aja mli, ní bi koni ato asafoi heei 466 ashishi lɛ he amaniɛ! Abaagbe amɛ nitsumɔ he nine tsũi lɛ mligbelemɔ lɛ he nitsumɔ naa yɛ 1998 afi lɛ naagbee mli. Shweremɔi ni tamɔ nɛkɛ yɛ maji krokomɛi babaoo nɔ lɛ haaa agbɔjɔ teokrase tsumaa nitsumɔi sɔrɔtoi krokomɛi amli.

⁴ Tsumaa he nibii ajara wa yɛ he fɛɛ he, ni heloo gbɛfaŋ nɔ ko fioo pɛ wɔnyɛmimɛi ni yɔɔ shikpɔji pii anɔ lɛ yɔɔ ni amɛkɛbaaha. Shi, yɛ ekãa babaoo ni amɛyɔɔ kɛha Yehowa sɔɔmɔ lɛ hewɔ lɛ, yɛ anɔkwale mli lɛ, amɛmiishwere yɛ mumɔŋ ni amɛyi miifa babaoo hu. Abɛi 28:27 maa nɔ mi kɛhaa wɔ akɛ, “mɔ ni haa ohiafo nɔ̃ lɛ, nɔ ko nɔ ko ehiaŋ lɛ.” Wɔ suɔmɔ mli ni wɔjɛɔ wɔyeɔ wɔbua koni atsu enɛɛmɛi kɛ tsumaa he nibii krokomɛi ajarai ahe nii lɛ haa nɔ fɛɛ nɔ ‘feɔ pɛpɛɛpɛ’ yɛ heloonaa nibii amli, ni eyeɔ ebuaa koni mɔ fɛɛ mɔ ana miishɛɛ ni jɛɔ nihamɔ mli baa lɛ mli ŋɔɔmɔ, kɛ mlifilimɔ ni jɛɔ na ni anaa shweremɔ ni Yehowa kɛhaa lɛ mli baa lɛ!—2 Kor. 8:14, 15; Bɔf. 20:35.

[Mfoniri ni yɔɔ baafa 4, 5]

Paraguay Nitsumɔ He Nine

[Mfoniri ni yɔɔ baafa 4]

Ecuador Nitsumɔ He Nine

[Mfoniri ni yɔɔ baafa 4, 5]

Mexico Tsũ Mligbelemɔ ni Miiya Nɔ

[Mfoniri ni yɔɔ baafa 4, 5]

Dominican Republic Nitsumɔ He Nine

[Mfoniri ni yɔɔ baafa 4]

Brazil Nitsumɔ He Nine Kɛ Emligbelemɔ

[Mfoniri ni yɔɔ baafa 4, 5]

Uruguay Nitsumɔ He Nine ni Aama

[Mfonirii ni yɔɔ baafa 5]

Maŋtsɛyeli Asai ni akɛ shika fioo mamɔ yɛ Latin Amerika lɛ henɔ

1. Brazil

2. Nicaragua

3. Chile

4. Colombia

5. Mexico

6. Brazil

7. Peru

8. Venezuela

9. Mexico