Sanebimɔ He

◼ Namɔ esa akɛ aha lɛ kpokpaa wulu nɔ kpee he tsitsinaa-tsɛɛ nii lɛ eko?

Kpokpaa wulu nɔ kpee he tsitsinaa-tsɛɛ nii lɛ baanyɛ aye abua waa koni akɛyɔse wɔnyɛmimɛi lɛ kɛ agbɛnɛ hu koni akɛtswa kpokpaa wulu nɔ kpee lɛ he adafi. Shi kɛlɛ, esaaa akɛ ajaa ahaa mɔ fɛɛ mɔ kɛkɛ. Ehaa ayɔseɔ mɔ ni wo lɛ akɛ mɔ ni yɔɔ shidaamɔ kpakpa yɛ Yehowa Odasefoi asafo pɔtɛɛ ko mli.

Ashĩ gbɛ ko yɛ wolo lɛ nɔ kɛha mɔ aŋkro lɛ gbɛi kɛ he ko hu kɛha asafo lɛ gbɛi. No hewɔ lɛ, esa akɛ mɔ lɛ afee mɔ ni kɛ asafo ni etsɔɔ egbɛi yɛ nɔ lɛ ebɔ saŋŋ bɔ ni sa. Asafo lɛ kɛ tsitsinaa-tsɛɛ nii baamaje asafo fɛɛ asafo. Ebaafee nɔ ni sa akɛ akɛ tsitsinaa-tsɛɛ nii lɛ aaaha shiɛlɔ fɛɛ shiɛlɔ ni abaptisi lɛ kɛ shiɛlɔi ni abaptisiko amɛ lɛ. Agbɛnɛ hu, gbekɛbii kɛ mɛi krokomɛi ni yaa asafoŋ kpeei daa ni yaa amɛhiɛ kɛyashɛɔ he ni amɛbaanyɛ amɛya shiɛmɔ lɛ anine baanyɛ ashɛ eko nɔ. Efeŋ nɔ ni sa akɛ akɛ kpee wulu tsitsinaa-tsɛɛ nii aaaha mɔ ni ashwie lɛ kɛjɛ asafo lɛ mli.

Kɛ akɛ tsitsinaa-tsɛɛ nii lɛ maje lɛ, esa akɛ onukpai lɛ akwɛ koni ajara aha yɛ gbɛtsɔɔmɔi nɛɛ kɛ gbeekpamɔ naa.