Nɔ ni Esa akɛ Owie yɛ Woji Tɛtrɛbii lɛ Ahe

Buu-Mɔɔ May 1

“Mɔdɛŋ ni jamɔŋ hiɛnyiɛlɔi komɛi bɔɔ koni amɛha adesai ashihilɛ ahi lɛ eha amɛkɛ amɛhe ewo maŋkwramɔŋ saji amli? Shi kɛlɛ, kadimɔ nɔ ni Yesu fee beni mɛi komɛi bɔ mɔdɛŋ akɛ amɛaawo lɛ maŋtsɛ lɛ. [Kanemɔ Yohane 6:15.] Yesu kɛ ejwɛŋmɔ ma nɔ ko ni kɛ naanɔ sɛɛnamɔi baaha mɛi krokomɛi lɛ anɔ. Wolo tɛtrɛɛ nɛɛ wieɔ nɔ ni nakai nɔ̃ lɛ ji lɛ he.”

Awake! May 8

“Mɛi babaoo kɛ shihilɛi ni kaa mɔ kpeɔ yɛ nitsumɔhe. Nanemɛi nitsulɔi gbáa nitsulɔi krokomɛi po anaa. Ani ole akɛ ŋaawoo ni baanyɛ aye abua wɔ koni wɔdamɔ naagbai nɛɛ anaa yɛ Biblia lɛ mli? [Ŋmɛɛ gbɛ ni eha hetoo. No sɛɛ lɛ kanemɔ Abɛi 15:1.] Wolo tɛtrɛɛ nɛɛ kɛ gbɛtsɔɔmɔi ni anyɛɔ atsuɔ he nii ni kɔɔ bɔ ni ahiɛɔ toiŋjɔlɛ ni yɔɔ akɛ mɛi krokomɛi ateŋ yɛ nitsumɔhe mli lɛ haa.”

Buu-Mɔɔ May 15

“Ani osusu he pɛŋ kɛji akɛ nibii ni adesai feɔ yɛ shikpɔŋ lɛ nɔ lɛ saa Nyɔŋmɔ he yɛ gbɛ ko nɔ? [Ŋmɛɛ gbɛ ni eha hetoo.] Kadimɔ bɔ ni wɔnifeemɔi baanyɛ asa Nyɔŋmɔ henumɔi ahe eha. [Kanemɔ Abɛi 27:11.] Wolo tɛtrɛɛ nɛɛ wieɔ mɛi komɛi ni ha Nyɔŋmɔ tsui nyã lɛ ahe, ni etsɔɔ bɔ ni wɔbaanyɛ wɔfee nakai nɔŋŋ lɛ mli.”

Awake! May 22

“Tsofafeemɔ he nilee miiya hiɛ babaoo yɛ helai anaa kũu mli, shi ani osusuɔ akɛ jeŋ ko baaba ni hela bɛ mli kwraa? [Ŋmɛɛ gbɛ ni eha hetoo.] Wolo tɛtrɛɛ nɛɛ tsɔɔ akɛ gbi ko baaba ni mɛi fɛɛ ni yɔɔ shikpɔŋ lɛ nɔ lɛ baaná gbɔmɔtsoŋ hewalɛnamɔ ni yeɔ emuu, ni ebaaha gbalɛ nɛɛ aba mli.” Kanemɔ Yesaia 33:24.