Kpokpaa Wulu nɔ Kpee Woɔ Wɔ Hewalɛ Koni Wɔkɛ Nyɔŋmɔ Anyiɛ

Kwɛ bɔ ni “Okɛ Nyɔŋmɔ Anyiɛ” Kpokpaa Wulu nɔ Kpee lɛ tĩ Yehowa famɔ ni yɔɔ faŋŋ akɛ: “Gbɛ lɛ nɛ! nyɛnyiɛa nɔ” lɛ mli shii abɔ! (Yes. 30:21) Tsɔsemɔ ni akɛha wɔ lɛ ni wɔkɛaatsu nii lɛ baaye abua wɔ koni ‘wɔkwɛ bɔ ni wɔɔfee ní wɔkɛ hiɛtɛjemɔ anyiɛ.’ (Efe. 5:15) Nɔ ni wɔkase lɛ nɔ ní wɔɔjwɛŋ lɛ baaye abua wɔ be ni ‘wɔyaa nɔ wɔnyiɛɔ anɔkwale lɛ mli lɛ.’—3 Yoh. 3.

Okɛ sanebimɔi ni nyiɛ sɛɛ nɛɛ kɛ saji ni oŋmala yɛ kpee lɛ shishi lɛ atsu nii koni okɛsaa ohe kɛha afi nɛɛ kpee gbɛjianɔtoo lɛ mlitĩi, ni okɛ ohe awo mli. Abaatĩ enɛ mli yɛ Sɔɔmɔ Kpee ni ato he gbɛjianɔ kɛha March 7 otsi lɛ mli.

1. Eyɛ mli akɛ Henok hi shi yɛ jaramɔ bei amli moŋ, shi enyɛ ekɛ Nyɔŋmɔ nyiɛ yɛ mɛɛ gbɛ nɔ? (Heb. 11:1, 5, 6; Yuda 14, 15; “Okɛ Nyɔŋmɔ Anyiɛ yɛ Jaramɔ Bei Amli”)

2. Mɛɛ shihilɛi amli abaanyɛ akɛ shishitoo mla ni yɔɔ Luka 16:10 lɛ atsu nii? (“Ani ‘Oyeɔ Nɔ ko Bibioo Mli Anɔkwa’?”)

3. (a) Tsĩi nikasemɔi kpakpai ejwɛ ni anaa yɛ Hoshea yitso 6 kɛyashi 9 ni baaye abua wɔ koni wɔkɛ Nyɔŋmɔ anyiɛ lɛ atã. (Hosh. 6:6, 7; 7:14; 8:7) (b) Mɛɛ saji otii krokomɛi ni yɔɔ Hoshea yitso 10 kɛyashi 14 lɛ baaye abua wɔ koni wɔkɛ Nyɔŋmɔ anyiɛ? (“Hoshea Gbalɛ lɛ Yeɔ Ebuaa Wɔ ni Wɔkɛ Nyɔŋmɔ Nyiɛɔ”—Wiemɔi ni Ahaa Kɛtsaraa Nɔ)

4. Mɛɛ nibii pɔtɛ̃ɛi wumɛi kɛ ŋamɛi ni ji Kristofoi lɛ baanyɛ afee koni amɛha amɛgbalashihilɛ lɛ mli awa? (Abɛi 12:4; Efe. 5:29; “Kaagbála ‘Nɔ ni Nyɔŋmɔ Eŋɔtsa lɛ’ Mli”)

5. Mɛɛ gbɛ nɔ wɔtsɔɔ wɔjieɔ bulɛ kpo wɔhaa wɔhenaabuamɔi krɔŋkrɔŋi lɛ? (Jaj. 4:17; Yes. 66:23; “Bulɛ ni Wɔɔjie lɛ Kpo Kɛha Wɔhenaabuamɔi Krɔŋkrɔŋi Lɛ”)

6. (a) Mɛɛ wɔshiɛmɔ nitsumɔ lɛ mli hei etɛ ni he hiaa esa akɛ wɔpɛi mli, koni wɔná nɔmimaa akɛ wɔkɛ wɔhe miiwo mli jogbaŋŋ? (Yes. 52:7; Zak. 8:23; Mar. 6:34) (b) Mɛɛ nibii yɔɔ Good News for People of All Nations wolo lɛ mli ni ona akɛ eyeɔ ebuaa waa? (“Sanekpakpa Kɛha Gbɔmɛi ni Jɛ Jeŋmaji Fɛɛ Mli”; “Mɛi ni Wieɔ Wiemɔ Kroko lɛ ni Aaaye Abua Amɛ”)

7. Mɛɛ gbɛ nɔ wɔbaanyɛ wɔtsɔ wɔye wɔbua mɛi heei koni amɛkɛ ekãa ajaje Maŋtsɛyeli shɛɛ sane lɛ? (Koj. 7:17; “Mɛi Babaoo ni Wɔɔye Wɔbua Amɛ Koni Amɛbafata Wɔhe yɛ Sɔɔmɔ Nitsumɔ lɛ Mli”)

8. Te wɔɔfee tɛŋŋ wɔtsɔɔ akɛ wɔheɔ wɔyeɔ akɛ “Yehowa gbi wulu lɛ ebɛŋkɛ”? (Zef. 1:14; “Ní Wɔɔnyiɛ yɛ Hemɔkɛyeli Naa, Shi Jeee Ninamɔ Naa”)

9. (a) Te mɔ nane ní aaatɔ̃tɔ lɛ yɔɔ hiɛdɔɔ ha tɛŋŋ? (Mar. 9:42-48) (b) Mɛɛ gbɛ nɔ wɔɔtsɔ wɔkwa wɔ diɛŋtsɛ wɔnane ni wɔɔtɔ̃tɔ? (Lala 119:165) (d) Mɛɛ gbɛ nɔ wɔɔtsɔ wɔkwa mɛi krokomɛi anane tɔ̃tɔmɔ? (1 Kor. 10:24; “Kwa ‘Nɔ Fɛɛ Nɔ ni Baatɔ̃tɔ Mɔ Nane’ Lɛ”)

10. Mɛɛ gbɛ nɔ wɔɔtsɔ wɔŋmɛ pɛpɛɛpɛ kɛ́ wɔmiitao gbalashihilɛ mli hefatalɔ, gbɔmɔtsoŋ hewalɛnamɔ kpakpa, kɛ be ni wɔtsuɔ nitsumɔi amli saji ahe nii lɛ? (Lala 26:4; Mat. 6:25; 1 Tim. 6:9; “Nyɛhiɛ Akãa Shi Jogbaŋŋ”)

11. (a) Mɛni sa kadimɔ yɛ bei ni mɛi komɛi fee Yesu gbɔ lɛ he? (Luka 10:42; 24:32) (b) Mɛɛ gbɛ nɔ wɔbaanyɛ wɔtsɔ wɔjie wɔhiɛtserɛ yɛ gbɛ ni baaha wɔkɛ mɛi krokomɛi ahe ajɔ amɛ lɛ nɔ? (1 Kor. 10:31-33; “Nifeemɔi Kpakpai ni Haa Mɔ Hejɔɔmɔ”)

12. Taakɛ Lala 23 lɛ tsɔɔ lɛ, ákɛ Yehowa tooi lɛ mɛɛ jɔɔmɔi wɔnine shɛɔ nɔ, ni mɛni ji gbɛnaa nii ni kã wɔnɔ? (1 Kor. 10:21; “Yehowa Ji Wɔkwɛlɔ”)

13. Mɛɛ gbɛ nɔ Kristofoi tsɔɔ amɛkɛ ŋaawoo ni ajɛ mumɔŋ aŋma ni ji ‘taomɔ be ni hi jogbaŋŋ’ lɛ tsuɔ nii? (Efe. 5:16; “Ní Wɔɔtao Be ni Hi Jogbaŋŋ Lɛ”)

14. (a) Mɛni fata ‘kojomɔ ŋmɛlɛtswaa’ ni atsi tã yɛ Kpojiemɔ 14:7 lɛ he? (b) Mɛɛ gbɛ nɔ wɔtsɔɔ yɛ akɛ wɔtsi wɔhe kɛjɛ Babilon Kpeteŋkpele lɛ he kwraa? (“‘Nyɛyaa nɔ Nyɛshia Kpe’—Kojomɔ Ŋmɛlɛtswaa lɛ Eshɛ”) (d) Mɛɛ saji otii oná he miishɛɛ yɛ wolo bibioo ni ji Nyɛyaa nɔ Nyɛshia Kpe! lɛ he?

15. Tsɔɔmɔ sui etɛ ni he hiaa koni ‘wɔkaje gbɛ ni ja lɛ nɔ.’ (2 Pet. 2:15; “Kwɛmɔ Ohe Nɔ Jogbaŋŋ Koni ‘Okaje Gbɛ ni Ja lɛ Nɔ’”)

16. Oblahii kɛ oblayei bibii baanyɛ akwa “mɛi fɔ̃ji atempɔŋ lɛ” yɛ mɛɛ gbɛ nɔ? (Abɛi 4:14; “Oblahii kɛ Oblayei Bibii—Nyɛnyiɛa Jalɛ Gbɛ lɛ Nɔ”)

17. (a) Paulo fee tsuishiŋmɛɛ he nɔkwɛmɔnɔ ni hi jogbaŋŋ efɔ shi yɛ mɛɛ gbɛ̀i anɔ? (Bɔf. 14:19, 20; 16:25-33) (b) Mɛni hewɔ ehe ehiaaa akɛ wɔshe mɛi ni teɔ shi amɛshiɔ anɔkwa jamɔ lɛ gbeyei lɛ? (Drama kɛ ehe wiemɔ ni aha ni ji, “Ye Odase Jogbaŋŋ Kɛmɔ Shi Ŋmɛnɛ yɛ Shitee–kɛ-Woo Fɛɛ Sɛɛ”)

18. Mɛɛ jɔɔmɔi mɛi ni kɛ Nyɔŋmɔ nyiɛɔ lɛ náa? (“Nyiɛmɔ ni Akɛ Nyɔŋmɔ Nyiɛɔ lɛ Kɛ Jɔɔmɔi Baa Kɛjɛ Amrɔ Nɛɛ Kɛmiiya Naanɔ”)

Nyɛhaa wɔtswaa wɔfai shi akɛ wɔbaabo ‘gbee ni yɔɔ wɔsɛɛ’ lɛ toi, bɔni afee ni wɔkɛ wɔŋwɛi Tsɛ lɛ anyiɛ kɛya naanɔ.—Yes. 30:21; Yoh. 3:36.