Vidio ko ni Emli Saji Ahe Yɔɔ Sɛɛnamɔ Be Fɛɛ Be
Mɛni ji sane titri ni yɔɔ vidio ni ji David—He Trusted in God lɛ mli? No ji, esa akɛ wɔkɛ wɔhe afɔ Yehowa nɔ tamɔ David. (Lala 91:2) David wala shihilɛ mli saji titrii lɛ ni gbekɛbii kɛ mɛi ni edara lɛ aaana yɛ vidio lɛ mli lɛ baaye abua amɛ koni amɛkase nɔkwɛmɔnɔ ni efee lɛ. (Lala 31:15) Sɛɛnamɔ kroko ni yɔɔ he kɛha wɔ ji akɛ, “Video Quiz” (Vidio Sanebimɔi) kɛ “Nikasemɔ Gbɛ̀i Srɔtoi” yɛ DVD nɛɛ nɔ.
Kwɛmɔ vidio lɛ, koni no sɛɛ lɛ oha sanebimɔi nɛɛ ahetoo: (1) Mɛni hewɔ Yehowa hala maŋtsɛ ni sa lɛ? (1 Sam. 15:10, 11; 16:1) (2) Mɛni hewɔ ehalaaa David nyɛmimɛi lɛ ateŋ mɔ ko lɛ? (1 Sam. 16:6, 7) (3) Mɛni hewɔ Saul sumɔɔ ni David atswa saŋku aha lɛ lɛ? (1 Sam. 16:14-23) (4) Namɔ ji Goliat? (1 Sam. 17:4-10) (5) Mɛni hewɔ David miisumɔ koni ekɛ Goliat anɔ lɛ? (1 Sam. 17:23, 24, 36, 37) (6) Namɔ ji Yonatan? (1 Sam. 14:1) (7) Mɛɛ be mli David batsɔ Saul henyɛlɔ ni fe fɛɛ lɛ? (1 Sam. 18:25-29) (8) Mɛni hewɔ David egbeee Saul lɛ? (1 Sam. 26:7-11) (9) Mɛɛ gbɛ nɔ Saul tsɔ egbo? (1 Sam. 31:1-6) (10) Beni Yonatan gbo lɛ, te David fee enii eha tɛŋŋ? (2 Sam. 1:11, 12) (11) Mɛɛ shi Yehowa wo David? (2 Sam. 7:12, 13, 16) (12) Mɛɛ tɔmɔ ni yɔɔ hiɛdɔɔ David tɔ̃? (2 Sam. 11:1-5, 14-17) (13) Mɛɛ gbɛ nɔ David tsɔɔ yɛ akɛ eshwa ehe waa yɛ nɔ ni efee lɛ he? (Lala 51) (14) Mɛɛ nibii David tsɔɔ oblanyo Salomo? (1 Maŋ. 2:1-4; 1 Kron. 22:6-13; 28:9, 10) (15) Yesu nɔyeli lɛ he baaba sɛɛnamɔ kɛha David, Yonatan, kɛ bo yɛ mɛɛ gbɛ nɔ?—Yes. 11:6-9; Yoh. 11:25, 26.
Agbɛnɛ jwɛŋmɔ enɛ nɔ: Ákɛ aŋkro lɛ, mɛɛ gbɛ nɔ obaanyɛ otsɔ ni okase hekɛnɔfɔɔ ni David ná yɛ Nyɔŋmɔ mli lɛ?
Fɔlɔi, nyɛkɛ hekɛnɔfɔɔ ni anáa yɛ Nyɔŋmɔ mli tamɔ David nɔ̃ lɛ he sɛɛnamɔi ni yɔɔ daa lɛ awoa nyɛbii lɛ ajwɛŋmɔ mli.—Lala 56:12.