Nɔ ni Esa akɛ Owie yɛ Woji Tɛtrɛbii lɛ Ahe

Buu-Mɔɔ July 1

“Wɔ fɛɛ wɔle mɛi ni ekolɛ amɛye omanye yɛ shihilɛ mli, shi fɛɛ sɛɛ lɛ amɛnuɔ he akɛ nɔ ko miiŋmɛɛ amɛ. Mɛni osusuɔ akɛ eshwɛ amɛ? [Ŋmɛɛ gbɛ ni eha hetoo. No sɛɛ lɛ, kanemɔ Mateo 5:3.] Wolo tɛtrɛɛ nɛɛ tsɔɔ nɔ̃ krɛdɛɛ ni mɔ ko baafee koni ená tsui ni nyɔɔ mɔ mli, ni no ji wɔmumɔŋ hiamɔ nii lɛ ahe nii ni aaatsu lɛ.”

Awake! July 8

“Nitsumɔ ni anaaa lɛ ji naagba wulu yɛ ŋmɛnɛŋmɛnɛ shihilɛ ni nitsumɔ bɛ mli lɛ mli. Wolo tɛtrɛɛ nɛɛ tsɔɔ gbɛ̀i enumɔ ni abaanyɛ atsɔ nɔ ana nitsumɔ. [Tsĩi saji otii ni atĩ mli ni yɔɔ saneyitso ni ji “Five Keys to Finding a Job” (Gbɛ̀i Enumɔ ni Abaanyɛ Atsɔ nɔ Aná Nitsumɔ) lɛ mli lɛ tã.] Ekɛ gbɛ̀i pɔtɛɛi ni abaanyɛ atsɔ nɔ koni nitsumɔ ni mɔ nine eshɛ nɔ momo lɛ akaje edɛŋ lɛ hu hãa.” Kanemɔ Abɛi 22:29 ní atsɛ yisɛɛ yɛ baafa 10 lɛ.

Buu-Mɔɔ July 15

“Yɛ afii akpei abɔ ni adesai kɛhi shi lɛ amli fɛɛ lɛ, adesai kɛ tsɔɔmɔi srɔtoi babaoo eba. Ani osusuɔ akɛ abaanyɛ ale tsɔɔmɔi nɛɛ amli nɔ ni ji anɔkwale kɛ nɔ ni ji amale? [Ŋmɛɛ gbɛ ni eha hetoo.] Wolo tɛtrɛɛ nɛɛ tsɔɔ he ni obaanyɛ oná anɔkwa tsɔɔmɔi ni saa Nyɔŋmɔ hiɛ lɛ kɛjɛ.” Kanemɔ 2 Timoteo 3:16.

Awake! July 22

“Wɔwerɛ hoɔ wɔhe waa kɛji akɛ wɔna piŋmɔi ni adebɔɔ naa osharai kɛbaa lɛ. [Tsĩi eko ni ale yɛ akutso lɛ mli lɛ tã.] Ani osusuɔ akɛ osharai ni tamɔ nɛkɛ lɛ fɔɔ baa gbii etɛ nɛɛ fe tsutsu lɛ? [Ŋmɛɛ gbɛ ni eha hetoo.] Wolo tɛtrɛɛ nɛɛ pɛiɔ nakai sanebimɔ lɛ mli. Ekɛ miishɛjemɔ hu haa mɛi ni osharai ni tamɔ nɛkɛ eha amɛsuɔlɔi egboi lɛ.” Kanemɔ Yohane 5:28, 29.