Nɔ ni Esa akɛ Owie yɛ Woji Tɛtrɛbii lɛ Ahe

Buu-Mɔɔ Dec. 1

“Te obaaha sanebimɔ nɛɛ hetoo oha tɛŋŋ? [Kanemɔ sanebimɔ ni yɔɔ wolo lɛ sɛɛ lɛ. No sɛɛ lɛ ŋmɛɛ gbɛ ni eha hetoo.] Nyɔŋmɔ eto eyiŋ akɛ ebaafee adesai fɛɛ ekome. [Kanemɔ Lala 46:9, 10.] Wolo tɛtrɛɛ nɛɛ tsɔɔ nɔ ni Biblia lɛ wieɔ yɛ bɔ ni mɛi fɛɛ baafee ekome lɛ he.”

Awake! Dec.

“Mɛi komɛi susuɔ akɛ gbele ji nɔ ko ni atsɔɔ nɔ kɛyaa shihilɛhe ko mli kɛ́ wala sɛɛ fo; mɛi krokomɛi hu susuɔ akɛ no foɔ wala sɛɛ. Ani osusuɔ akɛ gbele ji nɔ ko ni esa akɛ ashe lɛ gbeyei? [Ŋmɛɛ gbɛ ni eha hetoo.] Kadimɔ bɔ ni Hiob nu he eha yɛ egbele he lɛ he. [Kanemɔ Hiob 14:14, 15.] Obaana bɔ ni agbala nɔ ni Biblia lɛ tsɔɔ akɛ ebaa mɛi ni gboiɔ lɛ anɔ lɛ mli faŋŋ yɛ wolo tɛtrɛɛ nɛɛ mli.”

Buu-Mɔɔ Dec. 15

“Mɛi babaoo bɔɔ mɔdɛŋ akɛ amɛbaajie mlihilɛ kɛ mɔbɔnalɛ kpo amɛtsɔɔ yɛ nyɔji ni mɛi baa hejɔɔmɔ lɛ amli. Ani osusuɔ akɛ je lɛ mli shihilɛ baahi kɛ́ mɛi jie mɔbɔnalɛ kpo yɛ afi muu lɛ fɛɛ mli? [Ŋmɛɛ gbɛ ni eha hetoo. No sɛɛ lɛ kanemɔ 1 Petro 3:8.] Wolo tɛtrɛɛ nɛɛ tsɔɔ sɛɛnamɔ ni yɔɔ mɔbɔ ni aaaná lɛ he, ni etsɔɔ gbɛ̀i komɛi ni wɔbaanyɛ wɔtsɔ nɔ wɔna mɔbɔ lɛ mli.”

Awake! Dec.

“Ani osusuɔ akɛ wɔsuɔlɔi ni egboi lɛ baahi shi ekoŋŋ? [Ŋmɛɛ gbɛ ni eha hetoo.] Biblia lɛ tsɔɔ akɛ kɛ́ gbɔmɔ gbo lɛ ebaanyɛ ehi shi ekoŋŋ. [Kanemɔ Lala 68:21.] Wolo tɛtrɛɛ nɛɛ tsɔɔ nɔ̃ hewɔ ni esaaa akɛ wɔsheɔ gbele gbeyei akɛ eji nɔ ko ni foɔ wala sɛɛ kwraa lɛ.”