Nɔ ni Esa akɛ Owie yɛ Woji Tɛtrɛbii lɛ Ahe

The Watchtower June 1

“Mɛi babaoo heɔ amɛyeɔ akɛ jeŋ lɛŋ jamɔi lɛ ji gbɛ̀i srɔtoi ni yaa Nyɔŋmɔ kometoo lɛ nɔŋŋ ŋɔɔ. Te bo hu osusuɔ tɛŋŋ? [Ŋmɛɛ gbɛ ni eha hetoo.] Kadimɔ nɔ ni Biblia lɛ kɛɔ. [Kanemɔ Yoshua 24:15.] Sane ni yɔɔ biɛ lɛ kɛ yiŋtoi ahewɔ ni esa akɛ wɔ diɛŋtsɛ wɔpɛi wɔjamɔ lɛ mli wɔkwɛ akɛ ekɛ wɔ yaa anɔkwa Nyɔŋmɔ lɛ ŋɔɔ lɛ haa.” Okɛ sane ni jeɔ shishi yɛ baafa 12 lɛ atsɔɔ lɛ.

Awake! June

“Wɔ fɛɛ wɔle mɛi komɛi ni amɛgboi. Ani osusuɔ akɛ esa akɛ wɔshe amɛteaŋ mɛi komɛi gbeyei akɛ amɛmli baanyɛ afũ wɔ, ni amɛye wɔ awui? [Ŋmɛɛ gbɛ ni eha hetoo. No sɛɛ lɛ kanemɔ Jajelɔi 9:5, 6.] Sane ni yɔɔ biɛ lɛ baashɛje omii waa.” Okɛ sane ni jeɔ shishi yɛ baafa 22 lɛ atsɔɔ lɛ.

The Watchtower July 1

“Ewa kɛha mɛi babaoo ni yɔɔ Biblia lɛ akɛ amɛnu shishi. Ani bo hu onu he nakai dã? [Ŋmɛɛ gbɛ ni eha hetoo.] Ŋmalɛ nɛɛ tsɔɔ akɛ, Biblia lɛ Ŋmalɔ lɛ miisumɔ akɛ wɔnu e-Wiemɔ ni aŋma lɛ shishi, ni wɔna he sɛɛ. [Kanemɔ Lala 119:130.] Wolo tɛtrɛɛ nɛɛ kɛ gbɛ̀i etɛ ni baaye abua wɔ ni wɔnu Biblia lɛ shishi lɛ haa.”

Awake! July

“Mɛi babaoo náa jwɛŋmɔŋ nɔnyɛɛ ŋmɛnɛ. Ani osusuɔ akɛ Nyɔŋmɔ jwɛŋɔ mɛi ni piŋɔ yɛ henumɔŋ lɛ ahe? [Ŋmɛɛ gbɛ ni eha hetoo. No sɛɛ lɛ kanemɔ Lala 34:19.] Wolo tɛtrɛɛ nɛɛ tsɔɔ bɔ ni mɛi ni náa jwɛŋmɔŋ nɔnyɛɛ lɛ baanyɛ aná yelikɛbuamɔ kɛjɛ Nyɔŋmɔ ŋɔɔ, kɛ́ ehe baahia ni akwɛ amɛ yɛ helatsamɔhe po. Ekɛ ŋaawoo ni tsɔɔ nɔ ni wɔbaanyɛ wɔkɛɛ kɛshɛje amɛmii lɛ hu haa.”