Nɔ ni Esa akɛ Owie yɛ Woji Tɛtrɛbii lɛ Ahe

Buu-Mɔɔ January 1

“Ani osusuɔ akɛ je lɛ mli shihilɛ baahi kɛ́ mɔ fɛɛ mɔ hi shi yɛ Biblia mli shishitoo mla nɛɛ naa? [Kanemɔ Romabii 12:18. No sɛɛ lɛ ŋmɛɛ gbɛ ni eha hetoo.] Ani osusu he pɛŋ akɛ, belɛ mɛni hewɔ mɔ ni Nyɔŋmɔ fá ewebii ni hi shi yɛ blema lɛ koni amɛwu ta yɛ bei komɛi amli lɛ? Sane ni yɔɔ biɛ lɛ haa wɔnaa hetoo ni yɔɔ faŋŋ ni Biblia lɛ kɛhaa.” Okɛ sane ni jeɔ shishi yɛ baafa 13 lɛ atsɔɔ lɛ.

Awake! January

Kanemɔ Bɔfoi lɛ Asaji 17:31a. No sɛɛ lɛ kɛɛmɔ akɛ: “Yɛ mɛi komɛi agbɛfaŋ lɛ, kɛ́ amɛnu ni atsĩ Kojomɔ Gbi tã pɛ, kɛkɛ lɛ amɛtsui efã. Te bo hu osusuɔ yɛ he tɛŋŋ? [Ŋmɛɛ gbɛ ni eha hetoo.] Biblia lɛ tsɔɔ akɛ, Kojomɔ Gbi lɛ kɛ jɔɔmɔi babaoo baaba shikpɔŋ lɛ nɔ. Sane ni yɔɔ biɛ lɛ tsɔɔ nɔ hewɔ.” Okɛ sane ni jeɔ shishi yɛ baafa 10 lɛ atsɔɔ lɛ.

Buu-Mɔɔ February 1

“Mɛi babaoo yɛ hiɛnɔkamɔ akɛ kɛ́ amɛgboi lɛ, amɛbaaya ŋwɛi. Ani bo hu onuɔ he nakai? [Ŋmɛɛ gbɛ ni eha hetoo.] Kadimɔ nɔ ni Biblia lɛ kɛɛ akɛbaawo gbɔmɛi kpakpai babaoo nyɔmɔ. [Kanemɔ Lala 37:29.] Wolo tɛtrɛɛ nɛɛ gbálaa nɔ ni Biblia lɛ kɛɔ yɛ mɛi ni baaya ŋwɛi kɛ nɔ ni amɛyaafee yɛ jɛmɛ lɛ he lɛ mli.”

Awake! February

“Ŋmɛnɛ lɛ, gbalamlitsemɔ ehe shi yɛ he fɛɛ he. Ani osusuɔ akɛ gbalashihilɛ mli hefatalɔi babaoo susuɔ saji fɛɛ ni esa akɛ amɛsusu he lɛ he dani amɛkpɛɔ amɛyiŋ akɛ amɛbaatse gbala lɛ mli? [Ŋmɛɛ gbɛ ni eha hetoo. No sɛɛ lɛ kanemɔ Abɛi 14:15.] Wolo tɛtrɛɛ nɛɛ wieɔ nibii ejwɛ komɛi ni esa akɛ gbalashihilɛ mli hefatalɔi asusu he beni amɛsusuɔ gbalamlitsemɔ he lɛ.”