Nɔ ni Esa akɛ Owie yɛ Woji Tɛtrɛbii lɛ Ahe

The Watchtower August 1

“Mɛni osusuɔ akɛ kɛ́ gbɔmɔ ná lɛ, ebaaha ená miishɛɛ? [Ŋmɛɛ lɛ gbɛ ni eha hetoo. No sɛɛ lɛ, kanemɔ Mateo 5:3.] Enɛ ji Yesu wiemɔi ni tsɔɔ bɔ ni aaafee aná miishɛɛ lɛ ateŋ ekome kɛkɛ. Sane nɛɛ tsɔɔ nɔ ni wɔkaseɔ kɛjɛɔ Yesu ŋɔɔ yɛ bɔ ni wɔɔfee wɔná anɔkwa miishɛɛ lɛ he.” Okɛ sane ni jeɔ shishi yɛ baafa 16 lɛ atsɔɔ lɛ.

Awake! August

“Ŋmɛnɛ lɛ, daimonioi anifeemɔi, ŋkunyaayelii, kɛ ashwãifeemɔi eyi sinii ni ajieɔ lɛ ateŋ babaoo amli obɔ. Ani osusuɔ akɛ daimonioi yɛ lɛɛlɛŋ? [Ŋmɛɛ lɛ gbɛ ni eha hetoo. No sɛɛ lɛ, kanemɔ 1 Korintobii 10:20.] Sane nɛɛ tsɔɔ nɔ ni Biblia lɛ wieɔ yɛ daimonioi ahe kɛ bɔ ni wɔɔfee wɔbu wɔhe koni amɛnine akashɛ wɔnɔ lɛ he.” Okɛ sane ni jeɔ shishi yɛ baafa 20 lɛ atsɔɔ lɛ.

The Watchtower September 1

Tsii nɔ ko ni eba yɛ he ni nyɛyɔɔ lɛ ni afɔɔ he wiemɔ yɛ adafitswai saji amli lɛ tã. No sɛɛ lɛ, kɛɛmɔ akɛ: “Ani osusu nɔ hewɔ ni mɛi feɔ nibii fɔji tamɔ nɛkɛ lɛ ahe pɛŋ? [Ŋmɛɛ lɛ gbɛ ni eha hetoo.] Biblia lɛ haa wɔ hiɛnɔkamɔ. [Kanemɔ 2 Petro 3:13.] Wolo tɛtrɛɛ nɛɛ tsɔɔ nɔ ni Biblia lɛ kɛɔ yɛ nibii ni kɛ efɔŋfeemɔ baa kɛ bɔ ni etsɛŋ ni Nyɔŋmɔ baafo efɔŋfeemɔ fɛɛ sɛɛ lɛ he.”

Awake! September

“Ani osusuɔ akɛ mobail foŋ, e-mail, mɛi ni akɛgbaa sane yɛ Intanɛt lɛ nɔ, kɛ gbɛi krokomɛi ni ŋmɛnɛ lɛ atsɔɔ nɔ akɛ mɛi gbaa sane lɛ eha mɛi eye shoofeemɔ nɔ loo eha mɛi ahe efee shoo moŋ? [Ŋmɛɛ lɛ gbɛ ni eha hetoo.] Naa ŋaawoo ko ni tsɔɔ bɔ ni wɔɔfee wɔye shoofeemɔ nɔ. [Kanemɔ Bɔfoi lɛ Asaji 20:35.] Wolo tɛtrɛɛ nɛɛ kɛ Biblia mli ŋaawoi krokomɛi ni hi jogbaŋŋ haa.”