The Wonders of Creation Reveal God’s Glory
Mɛi babaoo nyaa adebɔɔ nibii akwɛmɔ he waa. Shi mɛi fioo pɛ yɔseɔ akɛ adebɔɔ nibii akwɛmɔ haa aleɔ wɔ-Bɔlɔ Kpeteŋkpele lɛ susumɔi, kɛ bɔ ni enuɔ nii ahe ehaa lɛ he nii babaoo. (Rom. 1:20) Afii babaoo ni eho nɛ lɛ, David kase Nyɔŋmɔ Wiemɔ ni ajɛ mumɔŋ aŋma lɛ ni no ha ele Yehowa he nii babaoo. Shi “ena” Yehowa hu ni etsi ebɛŋkɛ lɛ kpaakpa kɛtsɔ adebɔɔ nibii ni ekwɛ lɛ nɔ. (Lala 8:4, 5) Vidio ni yitso ji The Wonders of Creation Reveal God’s Glory (Adebɔɔ Nibii ni Yɔɔ Naakpɛɛ lɛ Haa Anaa Nyɔŋmɔ Anunyam Lɛ) yeɔ ebuaa wɔ, wɔbii, kɛ wɔ-Biblia mli nikaselɔi koni wɔkwɛ Yehowa adebɔɔ nibii lɛ ekomɛi, wɔna wɔ-Bɔlɔ Kpeteŋkpele lɛ sui lɛ, ní no aha wɔtsi wɔbɛŋkɛ lɛ kpaakpa. Kɛ́ okwɛ vidio nɛɛ otã lɛ, kwɛmɔ akɛ obaanyɛ oha sanebimɔi ni nyiɛ sɛɛ nɛɛ ahetoo lo.
(1) Mɛɛ gbɛ nɔ jeŋ muu ni wɔkɛ wɔhiŋmɛi naa lɛ dalɛ, kɛ bɔ ni ato he gbɛjianɔ aha lɛ haa hiɛsɔɔ ni wɔyɔɔ kɛha Yehowa lɛ mli kwɔɔ? (Yes. 40:26) (2) Kɛ́ wɔkwɛ bɔ ni nu yɔɔ ha lɛ, mɛni wɔbaanyɛ wɔkase yɛ Mɔ ni fee lɛ he? (Kpoj. 14:7) (3) Mɛɛ gbɛ nɔ shikpɔŋ lɛ dalɛ, kɛ ekɛ hulu lɛ teŋ jekɛmɔ lɛ haa anaa akɛ Yehowa yɛ nilee? (4) Mɛni nyɔŋtsere lɛ tsuɔ? (Lala 89:38) (5) Mɛɛ gbɛ nɔ bɔ ni Yehowa fee adesai lɛ tsɔɔ akɛ eesumɔ ni amɛná miishɛɛ yɛ shihilɛ mli? (6) Mɛni ji DNA lɛ? (Lala 139:16) (7) Mɛɛ gbɛ nɔ esoro adesai yɛ Yehowa bɔɔnii ni yɔɔ shikpɔŋ lɛ nɔ lɛ fɛɛ ahe? (1 Mose 1:26) (8) Mɛni gbɛ okpaa yɛ jeŋ hee lɛ mli?
Fã ni Ji Extra Features Lɛ: (9) Te feɔ tɛŋŋ anáa kɔlai srɔtoi? (10) Te feɔ tɛŋŋ ni nu nyɛɔ ekwɔɔ kɛyaa tsei ayiteŋ ní hewalɛ ni gbalaa nibii kɛbaa shikpɔŋ, ni ji gravity lɛ náaa nu lɛ nɔ hewalɛ lɛ? (11) Mɛni nu tsuɔ yɛ wɔgbɔmɔtso lɛ mli? (12) Okɛ nɔkwɛmɔnii aha kɛtsɔɔ bɔ ni kooloi kɛ tsei kɛ gbɔmɛi yeɔ amɛbuaa amɛhe. (13) Te feɔ tɛŋŋ ni kooloi nyɛɔ amɛkɛ kooloi krokomɛi feɔ ekome kɛhiɔ shi? (14) Mɛni ji “golden angle” lɛ, ni mɛɛ gbɛ nɔ ejeɔ kpo yɛ adebɔɔ mli?
“Nyɛkwɛa” Yehowa Ninenaa Nitsumɔi Lɛ: Yesu wo wɔ hewalɛ akɛ ‘wɔkwɛ ŋwɛi loofɔji lɛ’ ní ‘wɔjwɛŋ ŋanɔ fɔfɔii lɛ ahe.’ (Mat. 6:26, 28) Nakai feemɔ baaha wɔhemɔkɛyeli lɛ mli awa, ebaaha wɔná hekɛnɔfɔɔ yɛ wɔ-Bɔlɔ lɛ mli, ni ebaaha wɔhiɛ asɔ Yehowa nilee, ehewalɛ ni ekɛhereɔ mɛi ayiwala lɛ, kɛ esuɔmɔ lɛ waa. No hewɔ lɛ, yɛ nɔ najiaŋ ni oooha je nɛŋ nibii agbala ojwɛŋmɔ lɛ, ŋɔɔ be ni obɔ mɔdɛŋ okwɛ Yehowa adebɔɔ nibii ni yɔɔ naakpɛɛ lɛ, ni ojwɛŋ nɔ ni nibii nɛɛ kɛɔ wɔ yɛ wɔ-Nyɔŋmɔ lɛ he lɛ nɔ.—Lala 19:2.