Shiɛmɔ Wiemɔi

Kɛha Biblia mli nikasemɔi ashishijee yɛ klɛŋklɛŋ Hɔɔ ni yɔɔ June mli lɛ nɔ

Kanemɔ Yesaia 42:8. No sɛɛ lɛ kɛɛmɔ akɛ: “Ŋmalɛ nɛɛ tsɔɔ akɛ Nyɔŋmɔ yɛ gbɛ́i. Ani osusuɔ akɛ ehe miihia ni wɔkɛ Nyɔŋmɔ gbɛ́i lɛ atsu nii? [Ŋmɛɛ gbɛ ni eha hetoo.] Kadimɔ nɔ ni wolo nɛɛ kɛɔ lɛ.” Okɛ June 1 Blɔfo Buu-Mɔɔ aha shiatsɛ lɛ, ni okɛ lɛ asusu baafa 16 lɛ mli sane ni yɔɔ klɛŋklɛŋ saneyitso fioo lɛ shishi lɛ he. Okɛ woji tɛtrɛbii lɛ aha lɛ, ni okɛ lɛ ato gbɛjianɔ koni oku osɛɛ okɛ lɛ ayasusu sanebimɔ ni nyiɛ sɛɛ lɛ he.

The Watchtower June 1

“Masumɔ mabi osusumɔ yɛ sane ko ni he hiaa waa lɛ he. [Gbelemɔ baafa 3 lɛ, ni okɛ nibii ni atsĩ tã yɛ jɛmɛ lɛ atsɔɔ lɛ.] Te nibii nɛɛ ateŋ nɔ ni kɛ susumɔ ni ohiɛ yɛ Biblia lɛ he lɛ kpãa gbee lɛ? [Ŋmɛɛ gbɛ ni eha hetoo.] Naa nɔ ni Biblia lɛ diɛŋtsɛ wieɔ yɛ ehe. [Kanemɔ Romabii 15:4.] Wolo tɛtrɛɛ nɛɛ tsɔɔ yiŋtoi enumɔ ahewɔ ni Biblia lɛ ji wolo ko ni nɔ bɛ, ni etsɔɔ bɔ ni wɔɔfee wɔná he sɛɛ.”

Awake! June

“Daa afi lɛ, hela mɔɔ mɛi akpekpei abɔ yɛ jeŋ fɛɛ yɛ niyenii kpakpa ní amɛyeee lɛ hewɔ. Kɛ́ okwɛ lɛ, ani niyenii ni yɔɔ wɔkutso lɛ mli lɛ hi? [Ŋmɛɛ gbɛ ni eha hetoo.] Wolo tɛtrɛɛ nɛɛ tsɔɔ gbɛi ejwɛ ni wɔbaanyɛ wɔtsɔ nɔ wɔbu wɔweku lɛ he kɛjɛ helai ní anáa kɛjɛɔ niyenii amli lɛ he. Agbɛnɛ hu, ewieɔ Biblia mli shiwoo akɛ etsɛŋ, mɔ fɛɛ mɔ baaná niyenii ni hewalɛ yɔɔ mli babaoo aye lɛ he.” Kanemɔ Lala 104:14, 15.