Shiɛmɔ Wiemɔi

Kɛha Biblia mli nikasemɔi ashishijee yɛ klɛŋklɛŋ Hɔɔ ni yɔɔ August mli lɛ nɔ

“Etamɔ nɔ ni mɔ fɛɛ mɔ sɔleɔ. Mɛi po ni heee yeee akɛ Nyɔŋmɔ yɛ lɛ sɔleɔ kɛ́ amɛná naagba. Ani osusuɔ akɛ Nyɔŋmɔ boɔ sɔlemɔi fɛɛ atoi?” Ŋmɛɛ gbɛ ni eha hetoo. Okɛ sane ni yɔɔ August 1 Buu-Mɔɔ lɛ sɛɛ lɛ atsɔɔ lɛ, ni okɛ lɛ asusu klɛŋklɛŋ kuku lɛ mli sane lɛ, kɛ kɛ́ hooo kwraa lɛ ŋmalɛi ni yɔɔ jɛmɛ lɛ ateŋ ekome he. Okɛ woji tɛtrɛbii lɛ aha lɛ koni okɛ lɛ ato gbɛjianɔ ni oku osɛɛ okɛ lɛ ayasusu sanebimɔ ni nyiɛ sɛɛ lɛ he.

Kadimɔ: Esa akɛ afee nɔkwɛmɔnii nɛɛ kɛ́ aafee kpee kɛha shiɛmɔyaa yɛ August 3 lɛ nɔ.

Buu-Mɔɔ August 1

“Wɔmiisara mɛi ni wɔkɛ amɛ agba sane kuku, ejaakɛ mɛi babaoo atsui miiye yɛ bɔ ni ponografi ehe shi waa lɛ he. Kɛlɛ, mɛi babaoo susuɔ akɛ ponografi ji hiɛtserɛjiemɔ ko kɛkɛ ní yeee awui. Te bo hu osusuɔ tɛŋŋ? [Ŋmɛɛ gbɛ ni eha hetoo.] Yesu tsɔɔ akɛ wɔbaanyɛ wɔtsɔ yibii ni nɔ ko woɔ lɛ nɔ wɔna kɛji akɛ ehi loo ehiii. [Kanemɔ Mateo 7:17.] Wolo tɛtrɛɛ nɛɛ tsɔɔ wɔ yibii ni ponografi ewo. Agbɛnɛ hu, etsɔɔ bɔ ni aaafee aye he kɛjɛ ponografi he.”

Awake! August

“Wɔteŋ mɛi babaoo miisumɔ ni wɔtsɛ yɛ shihilɛ mli. Ani osusuɔ akɛ be ko baashɛ ni hiɛyaa ni abaaná yɛ jeŋ shikpamɔ mli lɛ baaha anyɛ ahi shi kɛya naanɔ? [Ŋmɛɛ gbɛ ni eha hetoo.] Kadimɔ shiwoo ni yɔɔ miishɛɛ nɛɛ. [Kanemɔ 1 Korintobii 15:26.] Shi mɛɛ gbɛ nɔ Nyɔŋmɔ baatsɔ afee enɛ—kɛtsɔ jeŋ shikpamɔ nɔ loo kɛtsɔ gbɛ kroko nɔ? Ni mɛni hewɔ bianɛ lɛ wɔgbɔlɔɔ ni wɔgboiɔ lɛ? Wolo nɛɛ tsɔɔ hetoi ni Biblia lɛ yɔɔ kɛha sanebimɔi nɛɛ.”