Tsɔ Gbɔfeemɔ nɔ Okɛ Mɛi Aja ‘Nibii Kpakpai’ ni Oyɔɔ Lɛ (Mat. 12:35a)

Eyɛ faŋŋ akɛ, wɔ fɛɛ wɔmiisumɔ ni wɔbɔ “gbɔfeemɔ he mɔdɛŋ” kɛtsɔ ‘wɔnibii kpakpai’ ni wɔkɛ mɛi krokomɛi baaja lɛ nɔ. (Rom. 12:13) Asafoŋ onukpai lɛ toɔ gbɛjianɔ koni afee mɛi ni jɛɔ asafo kroko mli bahãa wiemɔ lɛ gbɔ, ni agbɛnɛ hu awo amɛgbɛfãa lɛ he nyɔmɔ. Shi akɛ aŋkroaŋkroi lɛ, ekolɛ wɔbaashashao shi akɛ wɔbaafee mɛi gbɔ loo wɔbaafɔ̃ amɛ nine kɛba wɔshĩai amli akɛni wɔbɛ nɔ ko tsɔ lɛ hewɔ. Kɛ́ wɔsusu ŋaa ni Yesu wo Marta lɛ he lɛ, ebaaye ebua wɔ ni wɔye henumɔi nɛɛ anɔ. (Luka 10:39-42) Ema nɔ mi akɛ, “nɔ ni hi” yɛ gbɔfeemɔ he ji sanegbaa kɛ hewalɛwoo ni jɛɔ mli kɛbaa lɛ, shi jeee niyenii sokoo loo shĩa ni awula mli. Kɛ́ wɔkɛ ŋaawoo nɛɛ tsu nii lɛ, wɔ fɛɛ wɔbaanyɛ wɔkɛ wɔnyɛmimɛi lɛ aja ‘nibii kpakpai’ ni wɔyɔɔ lɛ, taakɛ Nyɔŋmɔ Wiemɔ lɛ woɔ wɔ hewalɛ ni wɔfee lɛ.​—3 Yoh. 5-8.