Hiob Tee nɔ Eye Anɔkwa yɛ Kaa Mli

Hiob hi Uz be ni Israelbii lɛ yɔɔ nomŋɔɔ mli yɛ Ejipt lɛ. Eyɛ mli akɛ Hiob jeee Israelnyo moŋ, shi ekɛ anɔkwayeli jáa Yehowa. Eweku lɛ da waa, eyɛ nii, ni ekutsoŋbii lɛ bua lɛ waa. Eji ŋaawolɔ ni abua lɛ waa, ni agbɛnɛ hu lɛ, eji kojolɔ ni kwɛɛɛ hiɛiaŋ. Efeɔ ohiafoi kɛ mɛi ni efi amɛ lɛ ejurɔ. Hiob ji nuu ko ni yeɔ anɔkwa.

Hiob hã ana faŋŋ akɛ Yehowa ji Mɔ ni he hiaa fe fɛɛ yɛ eshihilɛ mli

1:8-11, 22; 2:2-5

• Satan yɔse Hiob anɔkwayeli lɛ. Ejeee he ŋwane akɛ Hiob boɔ Yehowa toi; moŋ lɛ ewie eshi yiŋtoo hewɔ ni Hiob feɔ nakai lɛ

• Satan kɛɛ Hiob sɔmɔɔ Yehowa yɛ nɔ ni ebaaná hewɔ

• Bɔ ni afee ni ana sane ni Satan tee lɛ shi lɛ naa lɛ, Yehowa ŋmɛ Satan gbɛ ni etutua nakai nuu anɔkwafo lɛ. Satan hã Hiob nɔ fɛɛ nɔ fite

• Be ni Hiob eŋmɛɛɛ enɔkwayeli lɛ he lɛ, Satan wie eshi anɔkwa ni adesai fɛɛ yeɔ lɛ

• Hiob efeee esha, ni eshwaaa Nyɔŋmɔ hu akɛ efee nɔ ko ni ejaaa