Buu-Mɔɔ INTANƐT NƆ WOJIATOOHE

INTANƐT NƆ WOJIATOOHE

mwb16 April bf. 3
Okɛ Wiemɔi ni Sa Awo Mɛi Hewalɛ

Wɔshiɛmɔ Kɛ Wɔshihilɛ akɛ Kristofoi—Kpee Nifeemɔ Wolo—2016

mwb16 April bf. 3

NYƆŊMƆ WIEMƆ LƐ MLI JWETRII | HIOB 16-20

Okɛ Wiemɔi ni Sa Awo Mɛi Hewalɛ

Kɛ́ wɔmiiwo mɛi ŋaa lɛ, esa akɛ wɔwiemɔi awo amɛ hewalɛ

Hiob hao waa, ni ehe jara lɛ, enɛ hã ehe bahia ni mɛi aye abua lɛ ní amɛwo lɛ hewalɛ
Hiob nanemɛi etɛ lɛ kɛ lɛ ewieee miishɛjemɔ wiemɔ ko. Moŋ lɛ, amɛfolɔ enaa, ni no hã ehao waa fe tsutsu lɛ

Wiemɔi ni esaaa ni Bildad kɛtsu nii lɛ hã Hiob werɛ ho ehe

Hiob bi Nyɔŋmɔ ni efo ehejaramɔ lɛ sɛɛ—kɛ́ no baabi ni egbo po
Hiob kɛ ejwɛŋmɔ ma hiɛnɔkamɔ ni eyɔɔ akɛ abaatee gbohii ashi lɛ nɔ, ni no hã etee nɔ efi shi, ni eye Nyɔŋmɔ anɔkwa

Elifaz kɛ Hiob miiwie, be ni Bildad kɛ Zofar miibo toi

HIOB NAAFOLƆLƆI LƐ

Elifaz:

Eeenyɛ efee akɛ ejɛ Teman ni yɔɔ Edom lɛ. Awie Teman he yɛ Yeremia 49:7 lɛ akɛ eji he titri ni Edom nilelɔi lɛ yɔɔ
Eeenyɛ efee akɛ Elifaz ji Hiob “miishɛjelɔi” lɛ ateŋ mɔ ni eda ni abuɔ fe fɛɛ, ni lɛ klɛŋklɛŋ ewie. Ewie shii etɛ, ni ewiemɔi lɛ asɛɛ kɛlɛ fe hii krokomɛi enyɔ lɛ

Naafolɔmɔi:

Ewie eshi Hiob anɔkwayeli lɛ, ni ewie akɛ Nyɔŋmɔ heee etsuji lɛ eyeee (Hio 4, 5)
Ewie akɛ Hiob woɔ ehe nɔ ni eji efɔŋfeelɔ, ni ewie hu akɛ Hiob sheee Nyɔŋmɔ gbeyei (Hio 15)
Efolɔ Hiob naa akɛ eji amimyelɔ, ni akɛ eyeee jalɛ sane, ni ewie hu akɛ gbɔmɔ he bɛ sɛɛnamɔ kɛhã Nyɔŋmɔ (Hio 22)

Bildad:

Eji Shua seshinyo. Eeenyɛ efee akɛ ehi Eufrate Faa lɛ he
Lɛ ji mɔ ni ji enyɔ nɔ ni wie. Ewie shii etɛ, shi ewiemɔi lɛ asɛɛ kɛlɛɛɛ tamɔ Elifaz nɔ lɛ, ni kɛ̃lɛ ewie nibii gbohii fe Elifaz po

Naafolɔmɔi:

Etsɔɔ akɛ Hiob bii lɛ efee esha, no hewɔ lɛ nɔ ni ba amɛnɔ lɛ sa amɛ, ni ewie hu akɛ Hiob jeee Nyɔŋmɔjalɔ (Hio 8)
Etsɔɔ akɛ Hiob ji eshafeelɔ (Hio 18)
Ewie akɛ sɛɛnamɔ ko bɛ he akɛ gbɔmɔ baaye anɔkwa (Hio 25)

Zofar:

Eji Naamanyo, eeenyɛ efee akɛ ejɛ Arabia kooyi-anaigbɛ
Lɛ ji mɔ ni ji etɛ nɔ ni wie, ni ewie eshi Hiob fe mɛi krokomɛi lɛ. Ewie shii enyɔ pɛ

Naafolɔmɔi:

Efolɔ Hiob naa akɛ eji naafuutsɛ, ni ekɛɛ Hiob ní efɔ̃ɔ nibii fɔji ni efeɔ lɛ (Hio 11)
Etsɔɔ akɛ efɔŋfeelɔ ji Hiob ni esumɔɔ eshafeemɔ (Hio 20)